ሃዳራ ዚቲዮ ጌዒፖ።

ታ ጊዳ ሉኡዙሞና ጌስታኔ።

ታ ማዼ ባኣዚ ባኣንቴ ታና ዔያታ ዖሌኔ።

ታኣኒ ጋዓንቴ ዔያቶም ሺኢቄኔ።

ታኣኒ ናሽኬሢሮ ዒፂ ታና ዔያታ ዒፄኔ።

ዓሲ ዒዛ ዎጌና ዓይሢሳንዳጉዲ ማዼ።

ዒዚ ሺኢቃ ሺኢጲፃኣ ዒዛ ዎጋያ ማዖንጎ።

ሱኡጋቶ ዒዛሲ ሜሌ ዔኮንጎ። ዳኪ. ማዾ 1፡20።

ማቻኣ ዜኤሪንዶ ማዖንጎ።

ሺኢቂ ሃንታያ ማዖንጎ፤

ዔያቶኮ ሻሂንቴ ማኣራፓ ዳውሲንቲ ባይቆንጎ።

ዒዚ ላቢ ዴንቄ ባኮ ፃንጎ ዓሲ ቡሮንጎ።

ዒዛኮ ዜኤሮ ናኣቶም ዓይጎ ዓሲያ ማሎፓ።

ሱንፃ ዔያቶሲ ሙካ ሾይንቶ ባኣካፓ ዲርካቺንቶንጎ።

ናንጊና ናንጋ ጎዳ ዓርቃያ ማዖንጎ፤

ዒንዶ ጎማኣ ባይቆፓ።

ጎማ ዔያቶሲ ናንጊና ናንጋ ጎዳ ቤርታ

ዔርቴያ ማዒ ዴዖንጎ።

ሃሣ ዒና ሜቄ ዓሶዋ

ሃይቃንዳያ ሄላንዳኣና ዳውሳንዳኣፓ ዓቴም ሚጪንቲባኣሴ።

ዓንጆ ናሽኪባኣሢሮ ዒዛፓ ሃኬኔ።

ዬይ ዋኣሢጉዲ ዒዛኮ ዑፆ ጋሮ

ዛይቴጉዲያ ዒዛኮ ሜጌፆና ዓኣዼኔ።

ቢያ ዎዴ ዒ ቱኡታ ቃልሾጉዲ ዬይ ማዖንጎ።

ታ ሼምፓሢዳ ፑርታ ጌስታዞንሢም

ናንጊና ናንጋ ጎዳ ጪጋንዳ ባካ ዬያ ማዖም።

ኔ ሱንፆሮ ጌዒ ኮሹሞና ታና ዛጌ፤

ሚጪንቲፃ ኔኤኮ ዼኤፒታሢሮ ታና ዓውሴ።

ጋሮ ዒና ታኣኮ ኪፃዼኔ፤

ታኣኒ ዓቢሢጉዲ ሃርፒንቴኔ።

ዑፃኣ ታኣኮ ዖኦፒ ዲቢንሢ ማዔኔ።

ታና ዔያታ ዛጋዖ ቦሂ ቶኦኪ ዓጊሣኔ። ማቲ. 27፡39፤ ማር. 15፡29።

ኔ ሚጪንቲፆና ታና ዓውሴ።

ኔኤኒ ማዼያ ማዔሢ ዔያታ ዔሮንጎ።

ዔያታ ዔቃዖ ዻውሲንታኔ፤

ቦርሲንቲና ዔያታ ቦኦሪ ዴዖንጎ።

ሚርጌ ዓሶ ባኣካ ታ ዒዛ ሄርሻኔ።

ዬያ ሜታዼ ዓሢኮ ሚዛቆ ዛላ ዒ ዔቃሢሮኬ።