«ኑኡኒ ኬኤዛ ባኮ ዖኦኒ ጎኔኬ ጌዔይ?

ናንጊና ናንጋ ጎዳኮ ዎልቃ ዖኦም ፔጋዺ ጴዼይ? ዮሃ. 12፡38፤ ሮሜ 10፡16።

ባቃሊጉዲ ፃጲ ዳኪ ዑጌኔ፤

ኑ ዛጋንዳጉዲ ሚዛጱሞንታ

ቦንቾዋ ዒዛኮ ባኣሴ፤

ዒዛ ኑ ናሽካንዳጉዲ

ዒዛኮ ሱጉሢ ሚዛጱዋሴ።

ዒዚ ሜታዻያና ዖዖያ ዓሲኬ፤

ዓሳ ዒዛ ዛጋኒ ዓኣፖ ሺርሻንዳያ ሄላንዳኣና

ዒዚ ቦሂንቴያኬ፥ ኑኡኒያ ዒዛ ቦንቺባኣሴ።»

ኑኡኒ ጋዓንቴ ፆኦሲ ዒዛ ጳርቄም

ሎኦሜያና ኪፃዼያ ማሂ ዛጌኔ። ማቲ. 8፡17።

ዒዚ ጋኣጪንቴሢያ ኑ ዻቢንቶሮኬ፤

ኑኡኒ ዻቄሢ ዒዚ ዔኬ ሜታሢናኬ፤

ዒዛ ኪፃዺፆና ኑ ፓፄኔ። 1ጴፂ. 2፡24።

ቢያሢ ኑኡኒ ኑ ማሊፆ ጎይፆ ዓኣዼኔ፤

ናንጊና ናንጋ ጎዳ ጋዓንቴ ኑና ቢያሢኮ ዻቢንቶ ዒዛ ኬዲሴኔ።» 1ጴፂ. 2፡25።

ያዺ ማዔቶዋ ዔኤቢያ ዒ ጌዒባኣሴ፤

ሹኪንታኒ ዔኪ ዓኣዺንታ ማራናይና

ዑፃፓ ጋፓኖ ታይዛ ዓሶ ቤርታ ዚቲ ጋዓ ማራይጉዲ

ዚቲ ጌዔያፓ ዓቴም ዔኤቢ ጌዒባኣሴ። ዮሃ. ፆፔዻ 5፡6።

ዬይ ማዓንዳሢ ቤርታዺ ዔሪ ጶቂሣኒ ዖ ዳንዳዔይ?

ጋዓንቴ ታኣኮ ዴሮ ዻቢንቶሮ ዒ ጳርቂንቴኔ፤

ዓሳ ናንጋ ዓጫፓ ዒዚ ሺኢኬኔ። ዳኪ. ማዾ 8፡32-33።

ዒዛኮ ዻንጋፓኣ ሉኡዙሞ ኬስኩዋንቴ

ዒዚ ሃይቦና ፑርቶ ዓሶ ባኣካ ፓይዲንቴኔ፤

ዖርጎጮናኣ ዎላ ዒዚ ዱኡቴኔ።» 1ጴፂ. 2፡22።

ናንጊና ናንጋ ጎዳኮ ማሊሢ ማዔምኬ፤

ዒዚ ዒዛኮ ሼምፓሢ ጎሜሮ ዒንጎ ዒንጊሢ

ዒዚ ፔ ዜርፆ ዛጋንዳኔ፥ ናንጎ ሌዓኣ ዒዛኮ ዖዶቃንዳኔ፤

ናንጊና ናንጋ ጎዳኮ ማሊፃ ዒዛና ኩማንዳኔ።

ፔኤኮ ዔራቶና ሚርጌሢ ዒ ፂሊሳንዳኔ፤

ዔያቶኮ ዻቢንቶዋ ዒዚ ኬዳንዳኔ።

ፑርቶ ማዻ ዓሶና ዎላ ዒ ፓይዲንቴኔ፤

ያዼ ማዔያታቴያ ዒዚ ሚርጌ ዓሶኮ ጎሞ ኬዴኔ፤

ዻቢንቶ ዓሶ ዛሎዋ ዒ ቃይሼኔ፤

ዬያሮ ታኣኒ ዒዛ ዼኤፖ ዓሶ ባኣካ ማሂ ዒዛ ሄላ ዛሎ ዒንጋንዳኔ፤

ዔርቴ ዓሶና ዎላ ዲዒንቴ ባኮ ዒ ጊሽታንዳጉዲ ታ ማሃንዳኔ። ማር. 15፡28፤ ሉቃ. 22፡37።