ዬያ ዳውሎይዳ ቡኒ ቡናንዳኔ።

ዎዛ ዓይኑሞ ዔያታ ዓይናዻንዳኔ፤

ዓዳ ሊባኖኦሴ ዹኮጉዲ ዲቃሣያ ዔያታ ማዓንዳኔ፤

ቄርሜሎሴ ዹኮጉዲ፥ ሃንጎ ሳኣሮኔ ዶኦጮጉዲ ሚዛጳያ ማዓንዳኔ፤

ቢያሢ ናንጊና ናንጋ ጎዳኮ ቦንቾንታ

ኑ ፆኦዛሢኮ ዲቃሣያ ማዒፆዋ ዛጋንዳኔ።

ዒንሢ ሞርኮ ኮሜ ዔካኒና ዔያቶ ዻቢንቶኮ ኮይሳሢ ዒንጋኒ

ሙኪ ዒንሢ ዒዚ ዻቂሻንዳሢሮ ዶዱዋቴ! ዒጊጪፖቴ!» ጎዑዋቴ።

ዋዮ ባይቄ ዓሳኣ ዋይዛንዳኔ።

ዻንጎ ባይቄ ዓሳ ዎዛ ዓይኑሞ ዓይናዻንዳኔ፤

ዓሳ ናንጉዋ ዳውሎይዳ ዋኣሢ ዑርታንዳኔ። ማቲ. 11፡5፤ ሉቃ. 7፡22።

ሜሎ ሳዓ ዓልቃ ዋኣሢና ሎጫንዳኔ፤

ዉኡካሢ ፂካ ቤዞይዳ ዓኣዔ ማኣቲና ማጫሬና ኬስካንዳኔ።

ዱማዼ ጎይሢያ ጌይንታንዳኔ፤

ዬይ ጎይፃሢ ፆኦሲ ዓሶም ማዓንዳኔ፤

ጌኤሺ ማዒባኣ ዓሲ ዬኖ ጎይፆና ዓኣዹዋሴ፤

ዔኤዮ ዓሳኣ ዒዞና ዓኣዻኒ ዳንዳዑዋሴ።

ዬኖ ጎይፆና ሃንታዞንሢ ፆኦሲ ዓውሴ ፃጶ ሌሊ ማዓንዳኔ።

ፆኦሲ ቦንቾም ዓይናዺ ዓይናዺ ፂዮኔ ዔያታ ጌላንዳኔ፤

ቢያ ዎዴና ዎዛዼ ጎይሣ ዔያታ ናንጋንዳኔ፤

ኮሹሞና ዎዛና ዔያታ ዴንቃንዳኔ፤

ዖዪሢና ሂርጋና ዔያቶፓ ሃካንዳኔ።