1 Kagra vahera huzmagesa huge'za, ugagota huno kva hu'nesia nero, kamanifi agi me'nesia ne'mo hania kea amage' ante'za mani'ne'za, knare'zama hu'zanku trohu'za maka'zupa maniho. 2 Zamagra mago mofonkura amefiga'a kea huonte'za, agazone zampi nemni'za, zamarimpa fru hu'za mani'ne'za, maka vahera agazone huzmanteho,

3 Korapara mago'a knafina tagra'nena, haviza huta knare osuta negi neneta, ke ru hanentagita, havige reravatga hzageta, kefo zamofo avu'avapi kina hu'neta, vahe'mofo zanku kersane nehuta, vahe antahi haviza hunezmanteta, tagrati antahi haviza ohu ahu hu'none. Vahe zamatagri naneke nehunkeno,

4 Anumzama, tagri Tzahu ne'mofo Agri'a knare muse'zane, avesi'zanemo eama hu'ne. 5 Agrama tza hu'neana, knare fatgozama hu'na zankure huno tza osu'ne, hanki Agra'a asunku huranteno tza hu'ne. Agrama tza hu'neana sese huranteno, tazeri ksefa mofavre seranteno Ruotge Avamuteti tazeri ksefa hu'ne. 6 Anama hu'neana Jisasi Kraisi tzahu ne', Agripi Avamura azeri usasi okino tagi tregeno e'ne. 7 Hu'neankita tahokeheno asunku zama'areti, kumipinti tazeri fatgo hu'negu huhamprima tantegeta avegama ante'nona mani'vava mani'zana erigahune. 8 Ama'na nanekea antahi ankerenka, antahi ani' hanana naneke nehue. Hagi amama ksami'nua nanekea kagra hanavetinka vahera zamasmige'za, Anumzamofonte zamagu'a nentesamo'za kva hu'ne'za knare zanke'za hugahaze. Ama zamo'a knare'za fore nehuno, vahera zamaza hugahie.

9 Hu'neanagi, antahi'za omne vahe kna hunka havi kegura fra vazige, korapa zamagehe'za forehu anante anante hu'za e'naza vahe zamagireku ene Juda vahe kase kegura fra ovazio. Na'ankure e'i anazamo'a mago knare'zana erifore osuno, haviza eri fore hugahie. 10 Hanki tmazeri refko huku hnimofona pusante agesa eritenka, anante mago'ene avumro antegeno'ma kema ontahisigenka, anantera mago'zana osunka kmagena humio. 11 Kagra e'inahu vahera kumi' vahe mani'ne hunka antahinka kenka hugahane, agra'a kefoza hiazamo azeri haviza nehie.

12 Atemasimpi, Tikikusino hunte'sugenoma kagritega erizanka'a kza huku esnigenka, ame hunka nagritega Nikopolisi kumate eno, na'ankure zasi ko'ma atania knafina, ana kumate umaniku nagesa nentahue. 13 Hanavetinka Zenasi ke refkohu (lawyer) ne'ene, Apolosi kiznia ka vu zaznifina znaza hugeke magozankura upara osi'o. 14 Tagri vahe'mo'za knare'za hu'zanku zamagesa nentahi'za, mani'za zamifi atupa hu'ne'za zamaza hania zanku hanaveti'za eri fore nehu'za, ferura amnea omniho.

15 Maka nagrane nemnimo'za musenke hurmantaze. Zamesima nerante'za, zamentinti nehza vahetega musenke vie. Anumzamofo asunku'zamo tamagra ne megahie. Tamage.