1 Ramo'a Amitai nemofo Jonana, amanage huno asamine, 2 hantaka'a otinka, tusi'a ra kumate Ninive vunka, kefo avu'ava nehaza zankura kezatinka Anumzamo, Anumzamo'a keaga hunermante hunka zamasmio, na'ankure kefoza zamimo'a Nagri navure eama nehige'na negoe. 3 Ramo, Jonama ke hunteno, vuoma hirega atreno freno Tasisi atreno vunaku agesa antahi'ne, Jopa uramino Tasisi vuku nehia vente kefore huteno, vania zana mizaseno ventefi mrerino, Ramofo avatetira freno, afete Tasisi vu'ne.

4 Ana higeno Ramo'a tusi'a zaho ko huntegeno hagerimo kranto kranto nehigeno ana ventemo tgana vaziza hu'ne. 5 Anampima eri'za e'neriza vahe'mo'za (sailors) tusi koro nehu'za zamagra anumaza zamire agihanta vazitere nehu'za fenoma ventefima me'neana o'za hurantesie hu'za asgahu'za hage rimpi atre'naze. Ana hazanagi, Jona'a ana ventemofo agu'afi fenka uramino avu uvaseno, hinkrafo ante'ne. 6 Vase'negeno ana ventema azeneria ne'mo'a agrite eazamo, Nahigenka kagra kavura mase'nane? Otinka anumzankamofo agihanta vazio, kagri anumzamo'a tagrikura antahiramino tza hugahio, taza osugahio, tagra ofrisune! 7 Ana ventefi eri'za vahe'mo'za ke hugantu kma hu'za, E'nenketa zgoa reta, ama'na hazenke'mofona aza ugagota hu'nefi kamneno, nehu'za zgoma razana Jona remi'naze. 8 Ana hute'za Jonana antahige'naze, aza hzenkere hagerimo'a tagrira refite'zana nehie? Kagra nankna eri'za e'nerine? Kagra igati e'nane? Ra nonkuma ka'a igatire? Kagra ina vahe'pinti e'nane? Hu'za antahige'naze. 9 Jona'a ke nona huzmanteno anage hu'ne, Nagra Hibru nere, monafinka Anumzama hagerine, hagage mopanema tro hu'nea nete, Ramofonte nagra monora hunentoe. 10 Ana ke nentahi'za, tusi zamanogu nehu'za, anage hu'za antahige'naze, Kagra inankna hazenke hu'nane? Na'ankure Jona'ma Anumzamofo ke rutagreno fre'nea kea, ana nagara zamasmige'za antahi'nareti hu'naze. 11 Hagerimo'a mago'ene tusiza huno kranto kranto huno regzarino avune ante'no e'ne. Hige'za antahige'naze, Inankna kagrira hugante sunkeno hage rimo'a tagrira rurva herante'gahie? 12 Nagrira nasgahutma hage rimpi matevu natrenkeno, timo'a rurava hino. Nagra hago ke'na antahi'na nehue, na'ankure nagri hzenke zamofo agofetu hage rimo'a tamagritera avunea nente, huno zamasmi'ne. 13 Nehiana netre'za ana vahe'mo'za tusiza hu'za avame ante'za tin ankenare vu'zante mraguzati'naze. Ana hu'nazanagi, amuhara osu'naze, na'ankure hagerimo'a mago'ane erirankasege'za ankenarega vugara osu'naze. 14 Anante Anumzamofo kezatimi'za, Ramoka muse (plis) hugantonanki ama ne'ma hae frisuna zankure hunka tagrira tahe fanane osuo. Ama, ke'a omne ne'ma hae frisuna zankura, tagrira tazerinka kegaga huoranto, Kagriku huta amanahura huntegahune, Ramoka kavesiniaza Kagra huo. 15 Anante Jonana asgahu'za hage rimpi matevu'za atrageno, avunema nentea hagerimo'a aru rva he'ne. 16 Anama hiazanku ana vahemo'za, Ramofona tusi'a koro hunte'za, kre sramna Ramofona hunente'za, mago'a huvempa ke Agrite hu'naze.

17 Ana hzageno Ramo'a tusi'a nozame huntegeno Jonana asga huvzigeno, Jona'a nozamemofo rimpafina tagufa zgegi, tagufa kergeki huno mani'ne. (Mat 12:39-41)