2
1 Sija nan sa'ad tan inatchan cha'aju an Apudyus san assahu whijag ijakayyu manggwa san losanay lagwing gway si'ap, an'annanay mampawhayu san longag, apos ja mampergwipergwing san uchum. 2 As isun nan a''ijana'ay ana' gway ma'asussusu, maserpu mermerjad aju san kadto'ay sussuyu gway merpu san ukud Apudyus tot maotong aju ingkana matungper nan losanay ingwhawhagkana san mipangkop san manakuwana an cha'aju 3 kapu tan inippiippongju nan inawhayun Apudyus.* 2:3 Mawhasa san Salmo 34:8
Nan Asasaad Ta'u Kapu san Nitapijan Ta'u An Kristu
4 Umachayug aju an Apu Hesus gway sija nan merpugwan nan whijag gway mijalig san mawhiwhijakay whatu gway misaachan nan hoyoy. Sa'ad as sija nilagwing chanan taku gwon pinilin Apudyus as sija as napatog. 5 Sa'ad ahos as cha'aju tan inatod Apudyus an cha'aju nan assahu whijag, mijagwat aju sasan mawhiwhijakay whatu ad usayon Apudyus cha'aju san manggwaana san hoyoyna. Ad kapu an Hesu Kristu mansilwhi aju an Apudyus san manchajagwanju an sija as isun nan pachi gway niit'on as takun Apudyus gway manchatun san masoman Apudyus. 6 Akammujuway tuttuwa nannaja mipangkop an Hesu Kristu tan anana san Ukud Apudyus,
“Chongyonju, isaad'u ad Sion† 2:6 Sa'ad nannaja “Sion” ayasi hosay ngachan nan Jerusalem. nan napili ja napatokay whatu
gway mangipapagchot san hoyoy.
Ad nu ngachan nan mamati an sija
achi kun puyus miwhawhain.”‡ 2:6 Mawhasa san Isaias 28:16.
7 Sija nan napatog as sija an chita'uway namati. Gwon sa'ad an chichaay achi mamati, na'gwa nan anana san Ukud Apudyuson,
“Sa'ad chay whatuway nampiliyan chanan mamanggwas hoyoy
sachiyot nan kadto'ay nisaachan nan hoyoy.Ӥ 2:7 Mawhasa san Salmo 118:22.
8 Ja anana hos san Ukud Apudyus,
“Sija nan isun chi whatuway michungpuyancha ja mawhaya'chuchancha.”* 2:8 Mawhasa san Isaias 8:14-15.
Michungpurcha tan achicha kun chumngor san Ukud Apudyus ja sachi hos nan ingwhakan Apudyus gway ma'gwa an chicha.
9 Gwon sa'ad as chita'u, chita'u nan takuway pinilin Apudyus. Chita'u nan papachin Apudyus gway Ali, chita'u chanan takuway niit'on as mansilwhi an Apudyus, chita'u chanan takuway ugwan Apudyus tot ipaakammu ta'u nan whayuway o'oona. Sija nan nangipayagwa an chita'u san agwachan ta'u san manghulingot gway sikuchay lagwingay ingwhihwhijag ta'u kun san sana agwad ta'u san a'erjad gway padchana gway inakammu ta'us sija.
10 “Sikuchay wha'on ta'u kus takun Apudyus
gwon san sana taku chita'u an sija.
San nugwan wha'on kus inippong ta'u nan achakun Apudyus
gwon san sana, inippong ta'u nan achakuna kapu san inggwana an chita'u.Ӡ 2:10 Mawhasa san Hosea 2:23
Mawhijag Ta'u As Osa Mansilsilwhi An Apudyus
11 Patpatko' gway susunud san pammati, isuju chanan mangili sannaja luhung gway sina'itan nan ingkagwanju. Sija nan anna amma' iwhaka an cha'ajuway achiju oon chanan lagwingay pijaon nan longag gway humursu san mawhijakanju an Apudyus. 12 Ituyuyju ipaila nan whayuway oonju sasan achi kun mamati tot agwad ad lagwa iwhakacha an cha'aju gway lagwing nan o'oonju, mailacha nan whayuway o'oonju ad nanchajawcha an Apudyus san umaliyana mangu'uman.
13 Kapu an Apu Hesus, paituyay aju san gwaschi anna ayobhongana, isun nan ali gway angatuwan nan ayobhongana 14 ja sasan kuwhinnachur gway ingwhaun nan ali gway umoy manusa sasan manggwa san lagwing ja umoy mangichajaw sasan manggwa san whayu. 15 Tan annaja nan whayugwon Apudyus gway kapu san whayuway o'oonju ijakay chanan katkatungay taku mangiwhaka an cha'aju san lagwing. Amasna nan iwhakawhakacha tan nilagwingcha nan atuttugwaan mipangkop an Apudyus. 16 Nagwajagwajaan ajuway taku gway maid kun mangijachi san oonju gwon achiju mallasunan nan nagwajagwajaanju as manggwaanju san lagwing. Usayonjuwot nan nagwajagwajaanju gway mansilwhi an Apudyus. 17 Whigwhikonju nan losanay taku. Ipatogju chanan susunudju san pammati. Umogjat aju an Apudyus. Humain aju san ali.
Tunuchon Ta'u Nan In'aman Kristu Nawhijag San Napalikatana
18 Cha'ajuway anna nan amuju, chumngor aju an chicha gway whigwhikonju ustu chicha. Wha'on kus ahus yakay chanan whayu nan ukalina ja naanus gwon uyay ahos chanan naujung. 19 Tan masom as Apudyus nu ijattomju nan mapalikatanju ta'on nu maid kun inggwajus lagwing tan akammuju gway sachi nan whayugwona. 20 Jo'o michajaw aju nu ijattomju nan palikat kapu san inggwajuway lagwing? Nu whayu nan oonju ja ijattomju nan mapalikatanju, sijana nan masoman Apudyus. 21 Annaja gway mangijattoman san palikat nan namiliyan Apudyus an cha'aju tan napalikatan ahos as Kristu kapu an cha'aju. Tummaynan as managwatanju tot maserpu agwatonju nan inggwana.
22 Achi kun hummersu as Kristu
ja achi kun nansi'ap.
23 Sa'ad san nangiwhagancha san mampaitay apapat an sija,
achi kun nangiwhaka as mampaitay apapat an chicha.
Sa'ad san namalikatancha an sija,
achi kun nanogogjat as sija
gwon impawhijangna nan longagna an Apudyus
gway kadto' nan iyu''u'umna.
24 In'ayun Kristu nan chusan nan whersu ta'u
san natajana san nilansaana san krus
tot ijakay ta'uway ma'awhersu
ad nawhijag ta'u san whayugwona pa'gwa an chita'u.
Kapu san jamanna,
hummayu aju.
25 Mijagwat aju sasan kernero
gway maid kun akammuchas tuyungoncha
gwon san sana nanagkulin aju an Kristu gway Mangipastur
ja Mangijaachug an cha'aju.