13
1 Pi tà, apre sa ✡ II Sam 3:2-3 Absalom, fis a David la te gen yon sè byen bèl ki te rele Tamar e Amnon, fis a David la te renmen li. 2 Amnon te tèlman fristre akoz sè li, Tamar, ke sa te fè li vin malad, paske li te vyèj e li te sanble difisil pou Amnon fè yon bagay ak li. 3 Men Amnon te gen yon zanmi ki te rele Jonadab, fis a ✡ I Sam 16:9Schimea a, frè David. Epi Jonadab te yon nonm byen rize. 4 Li te di li: “O fis a wa a, poukisa ou deprime maten apre maten konsa? Èske ou p ap di m sa?”
Epi Amnon te di li: “Mwen tonbe nan renmen avèk Tamar, sè a frè m nan, Absalom.”
5 Alò, Jonadab te di li: “Kouche sou kabann ou e fè kòmsi ou malad. Lè papa ou vin wè ou, di li: ‘Souple, kite sè m nan, Tamar vin ban m manje. Kite li prepare manje a devan zye m, pou mwen kapab wè li e manje manje a soti nan men li.’ ”
6 Konsa, Amnon te kouche e te fè tankou li te malad. Lè wa a te vin wè li, Amnon te di a wa a: “Souple, kite sè m nan, Tamar vini ✡ Jen 18:6 fè kèk gato devan zye m, pou m kab manje nan men li.”
7 Alò, David te voye lakay pou Tamar. Li te di: “Ale koulye a lakay frè ou a, Amnon e prepare manje pou li.” 8 Konsa, Tamar te ale lakay Amnon pandan li te kouche a. Li te pran boul pen an, li te fwote l, li te fè gato devan zye li e te kwit gato yo. 9 Li te pran chodyè a pou te lonje mete yo devan li, men li te refize manje. Epi Amnon te di: ✡ Jen 45:1“Fè tout moun sòti devan m.” Konsa tout moun te sòti devan li. 10 Alò, Amnon te di a Tamar: “Mennen manje a nan chanm dòmi mwen an, pou m kab manje li nan men ou.” Konsa, Tamar te pran gato ke li te fè yo e te mennen yo antre nan chanm dòmi kote frè li a, Amnon. 11 Lè li te mennen kote li pou manje, Amnon te ✡ Jen 39:12kenbe li e te di li: “Vin kouche avè m, sè mwen.”
12 Men li te reponn li: “Non, frè mwen, pa vyole mwen! Paske bagay konsa yo pa fèt an Israël. Pa fè dega sila a! 13 Pou mwen menm, kote mwen ta kab livre a wont sa a? Epi pou ou menm, ou va tankou yon moun ranpli avèk foli an Israël. Pou sa, souple, pale avèk wa a, paske ✡ Jen 20:12li p ap anpeche ou pran m.”
14 Sepandan, li pa t koute li. ✡ Lev 18:9Akoz Amnon te pi fò pase li, li te vyole li, e te kouche avèk li. 15 Epi Amnon te vin rayi li avèk yon trè gwo rayisman. Rayisman avèk sila li te rayi li a te pi gran pase renmen avèk sila li te renmen li an. Amnon te di li: “Leve, sòti!”
16 Men li te di a li: “Non, paske mal sa a ke w ap fè nan voye m ale a pi mal pase lòt ke ou te fè m nan!”
Men li pa t koute li. 17 Alò, li te rele jennonm ki t ap okipe li a, e te di: “Koulye a, jete fanm sa deyò prezans mwen e kadnase pòt la dèyè l.”
18 Alò, li te genyen yon ✡ Jen 37:3-23rad avèk manch long, paske se te konsa fi vyèj a wa yo te konn abiye an manto. Epi sèvitè l te mennen Tamar deyò e te kadnase pòt la dèyè li. 19 ✡ Est 4:1Tamar te mete sann yo sou tèt li e te ✡ II Sam 1:11chire manch long yo nan rad sou li a. Li te mete men li sou tèt li, li te sòti e t ap kriye fò pandan li prale a. 20 Alò, Absalom, frè li a te di li: “Èske Amnon, frè ou a te avèk ou? Men koulye a, rete an silans, sè mwen, li se frè ou. Pa mete afè sa a sou kè.”
Pou sa, Tamar te rete e te dezole lakay Absalom, frè li a. 21 Alò, lè David te tande tout koze sila yo, li te vin byen fache. 22 Men Absalom pa t pale ak Amnon anyen, ni bon, ni mal; paske ✡ Lev 19:17Absalom te rayi Amnon akoz li te vyole sè li a, Tamar.
23 Alò, li te vin rive apre dezan nèt ke Absalom ✡ I Sam 25:7te gen moun pou taye lenn mouton Baal-Hatsor ki toupre Ephraïm, e Absalom te envite tout fis a wa yo. 24 Absalom te vin kote wa a e te di: “Gade byen, sèvitè ou a genyen moun k ap taye lenn mouton. Souple, kite wa a avèk sèvitè li yo ale avèk sèvitè ou.”
25 Men wa a te di a Absalom: “Non, fis mwen, se pa tout moun ki pou ale, paske nou va yon fado pou ou.” Malgre li te ankouraje li, li pa t ale, men li te beni li.
26 Alò, ✡ II Sam 3:27Absalom te di: “Si se pa sa, souple kite frè m nan, Amnon, ale avèk nou.”
Epi wa a te di li: “Poukisa li dwe ale avèk ou?”
27 Men lè Absalom te ankouraje li, li te kite Amnon avèk tout fis a wa yo ale avèk li. 28 Absalom te kòmande sèvitè li yo. Li te di: “Gade koulye a, ✡ Jij 19:6-22lè kè Amnon kontan avèk diven an, lè mwen di nou: ‘Frape Amnon’, alò, mete li a lanmò. Pa pè! Èske se pa mwen menm ki kòmande nou? Pran kouraj e rete brav.”
29 Sèvitè a Absalom yo te fè Amnon jis jan ke ✡ II Sam 18:9Absalom te kòmande a. Epi tout fis a wa yo te leve monte milèt pa yo e te sove ale.
30 Alò, se te pandan ke yo te nan wout la yon rapò te rive kote David ki te di: “Absalom te frape fè tonbe tout fis a wa yo e nanpwen youn nan yo ki te rete.”
31 Konsa, wa a te leve. Li ✡ II Sam 1:11te chire rad li e te kouche atè, epi tout sèvitè li yo te kanpe akote avèk rad yo chire. 32 ✡ II Sam 13:3-5Jonadab, fis a Schimea a, frè David la, te reponn: “Pa kite mèt mwen an sipoze ke yo te mete a lanmò tout jennonm yo, fis a wa yo. Se sèl Ammon ki mouri. Se sa ki te entansyon Absalom. Afè sa a te vin detèmine depi jou ke li te vyole sè li a, Tamar. 33 Alò pou sa, pa kite mèt mwen, wa a, ✡ II Sam 19:19pran rapò sa a a kè, ki vle di ‘tout fis a wa yo mouri’, paske se sèl Amnon ki mouri.” 34 Alò, ✡ II Sam 13:37-38Absalom te sove ale deja. Epi jennonm ki te gadyen an te leve zye li gade e vwala, anpil moun t ap vini soti nan wout la dèyè li akote baz mòn nan. 35 Jonadab te di a wa a: “Gade byen, men fis a wa yo gen tan vini! Menm jan avèk pawòl sèvitè ou a, se konsa sa fèt.” 36 Depi li fin pale a, vwala, fis a wa yo te vini e te leve vwa yo pou te kriye. Konsa, wa la menm, avèk tout sèvitè li yo te kriye byen anmè.
37 Men Absalom te sove ale e te ale kote ✡ II Sam 3:3Talmaï, fis a Ammihur a, wa a ✡ II Sam 14:23-32Gueschur a. David te kriye fè lamantasyon pou fis li a chak jou. 38 ✡ II Sam 13:34Konsa, Absalom te sove ale nan Gueschur e te rete la, pandan twazan. 39 Wa David te byen vle ale kote Absalom, paske ✡ II Sam 12:19-23li te pran rekonfò konsènan Amnon, akoz li te mouri.