1 Nambame* Ep 6:8; Pl 4:6 wambao nyakama langyuu pituu, nyakamame endakali pitaka nisoo, loma soo tee lao tama pyoo yaka pilino lao kalyepapena lelyo. 2 Nyakamame* Lo 13:1-7; Ta 3:1 kamongo kiŋi dupapi, alyasale joo katenge akali dupa pitakapi dupa nisoo loma soo kalyepapeaka. Dopa pitamino dokome naima pitaka ema napyoo elyakalao katao, Gote etete auu pyoo minao male male nalao katatama. 3 Dopa* 1 Ti 1:1 pyoo katao loma singi doko naimanya Pyoo Nyingi Gote dokome epena lao masoo auu kayao kalyamo. 4 Baame* Ese 18:23; Jo 8:32; 1 Ti 4:10; 2 Ti 3:7; 2 Pi 3:9 endakali pitaka pyoo nyipu laka lao masoo kalyamo. Dee endakali pitakame pii kiningi doko soo masipimi laka lao masoo kalyamoaka. 5 Gote* Lo 3:29-30; Ip 8:6; 12:14 baa mendai iki kalyamo. Gotepa endakalipanya kainanya katao nyoo pyasingi akali mendai iki Kataisa Jisasa doko kalyamo. 6 Baa* Mt 20:28; 2 Ko 5:15; Ga 1:4; Ep 5:2; 1 Ti 6:13 tangeme yole mende joo endakali dupa pitaka kii tamao nyia. Kataisame dopa piamo dupa Goteme gii seteamo dupanya panasia. 7 Tenge* Ap 9:15; Lo 3:26; Ga 2:7-8; 2 Ti 1:11 dutupanya Goteme namba aposele kata leamopa pii lao panao kalyo. Baame namba netesa endakali dupanya masoo miningipa kiningi piipa dolaponya mana lamaiyoo kata lea. Nambame sambo laa nayao kiningi lelyo. 8 Dopana yuu pitakanya akali etete epe dupame imbu nakayao atete napyoo kingi minalyetala loma sipimi laka lao nambame masilyo.

9 Enda* Ais 3:16-17; 1 Pi 3:2-4 dupame dopaka pyoo yongenya pitamino dupa elya kaele lao mona paliuu pipimi laka lao nambame masilyo. Asili kumao mandengepi, opale golome wasepaepi, mamakupi, kolosa muni longome sambengepi dupame yati napipimi laka lao masilyo. 10 Dopale* 1 Ti 5:10 dupame yati napinya kalai epe dupame yati pipimi laka lao nambame masilyo. Dopa pitamino doko naimame Gote lao masoo minao paengena lenge enda dupa-pipa kapa pata. 11 Enda* 1 Ko 14:34-35 dupame dupa pitakanya anasale joo mana nyoo ema napyoo pitipenge. 12 Enda* Jen 3:16 dupame endakali mana lamaiya nayao, akali isala nayao, mee ema napyoo petena lao nambame daa lenge. 13 Doko,* Jen 2:7,21-22; 1 Ko 11:3,8-12 Goteme akali Atame wambao wapupala, maitakao enda Epa wapuiya-pyaa. 14 Atame* Jen 3:1-6; 2 Ko 11:3 dokome sambo pii doko nyoo nea daa. Enda dokome sambo pii doko nyoo napala Gotenya pii nepao koo pia-pyaa. 15 Dopaka doko, enda dupame masoo minao auu kayao, mana epe dupa minao mona paliuu pitatamino kandao doko, wane mandelyamino dokonya Goteme dupa pyoo nyeta.