16
16:1-16 Pol Unda Gaga Rea Sidara Urota, Enembo Dumeni Ghanena Uria Re.
1 Namonde anda gharovu Fibi, oreki nímandava yaita rouvie. Fibi Senkria naava irirota, ekaresia* sonembeta rouvie. 2 Amindu, nímandava ya bubadua, Jojabeeda ragarova undú ghaito teno fugea, “Oro kaiva” rea bua, kaifa egeguturota, donu uno uradua, utadi rere. Anada bee mo, umó enembo oruabe sonembeta rouvie. Amó beago unona sonembuturie.
3 Eka 18:2Amó Prisila unda embó Akwila gha ghanena rore. Númane namonde dano Iesu Keriso da buro egegeta urere. 4 Fefera eini númane amburaridu jo oru ambi irirota, amó sonembaita rea, anda kasava jijireguturie. Amó kotú Jiusi enemboda gitofoda ekaresia dano númandu “aiye” rirota vitere. 5 Kotú God gaabee ari kakato Prisila ungá Akwila ghada kambova deseta rousua enembo beago, ghanena roreta, rege, niningigoe!
Anda komana taubana, Epainetus ghanena rore. Esia Frovensida rova enembo eini neno kaverambi-da dibeva Epainetus na neno kaverea, Iesu gaabee urie.
6 Nímanda rorova buro fakarago eta rouvia evetu, ragaro Meri beago, ghanena roreta, rege, ningoe! 7 Anda natofo Jiusi enemboda dumeni Andronikus ungá Junia gha ghanena rore! Sei númanena Iesu gaabee egegutueta, amó númanda ambova Iesu gaabee urere. Ungá umó, namonde danode diburava vitirere. Iesu da ambo nimbida* Namonde anda nundubariva Pol enava “ambo nimbi” gefiria mo, umó Iesu gaabee ari enembo dano nundubuturota gefirie, jo Iesu de deĩ eta uria noni ijoko Pita, Jems mane nundubambi re. rova ungá umó bingáde eini re.
8 Anda Barirarida ragarova neno buta rora komana Ampliatus beago ghanena rore! 9 Angá dano Keriso da buro eta urera embó, Urbanus, beago ghanena rore. Kotú anda komana Stakis beago, ghanena roreta, regege, ningoe! 10 Kuvia garida rorova Kerisoda ragarova ano ea jirituria embó, ragaro Apeles, beago ghanena rore! Kotú Aristobulus unda kambo enembode dano ghanena roreta, regege, niningigoe! 11 Anda tatangu Jiusi enemboda eini, Herodion ghanena rore. Kotú Narsisus, unda Jojabee gaabee egegeta rousua kambo enembo beago, ghanena roreta, regege niningigoe!
12 Jojabeeda buro egegeta rousua evevetu, Trifina ungá Trifosa gha beago, ghanena roreta, regege, niningigoe! Anda komana Persis, Jojabeeda buro ea goghó uria beago, ghanena rore. 13 Mak 15:21Jojabeeda enemboda beforo righari eini Rufus ghanena rore, kotú unda ayami amó unda mendi kaifa arigo eta uria beago, ghanena roreta, regege, ninigigoe!
14 Asinkritus, Flegon, Hermes, Patrobus, Hermas númanda ikoko mendi vitia-de dano, ghanena roreta, regege, niningigoe! 15 Filologus, Julia, Nereus unda gharovugha, Olimpas, kotú God da natofo dumeni númandava deseta rousua-de dano ghanena roreta, regege, niningigoe!
16 Nímane ghanena urota mo, gangorogha “Oro kaiva” regeguturota, neno bua goghó egege!† Pol, númane mino-mino ghanena egegari-du riria mo, muno kakara urota, ghanena egegari-du ririe. Fefera anava númanda egeguturia-da kiki mo, komana ghanena urota, nandia muno egegeta urie. Keriso gaabee eta rousua enembo,‡ Ii, Gaga Isuri Ari Kambesi anava, gaga dumeni gaga ekaresiada tuva vitia-nu irugea gia, tanana adi! kambesi dumeniva mane, enava vitia-mi, nímane ghanena rousueta, yata bua gigige!
16:17-27 Pol Na Nghaĩ Ititurota, Unda Kokomana Ghanena Ea, Tano Uria Re.
17 Anda ikoko mendi, ariri gharovu, enembo avona noni airo-airo sarigea besiga eta rousua-nu, doa seserige! Kotú enembo dabako anami, nímane irugari taubana bubugutara-nu, buregeta rousua-du rekago rere, númane doa seserige! 18 Anada bee mo, enembo aghago mane jo Jojabee Keriso da buronu ambi egegeta rousue. Númane tofo númanda tamoda unonu egeguturota, númanda be vivimi enembo nundubari tefo dumeni kuvia gigigeta rousue. 19 Gaabee ari enembo kambesi dumeniva nímane God da Gaga Taubana bua righia goghó eta rosora-du, raga reaveta ningia, amó gangoro eta rore. Kotú, anda uno mo, nímane ari taubanada emboro gia tanana ea goghó urota, ari sembago arida emboro itoko jo gia, tanana ambi egegasiravore! 20 Aghá egegutu-gea, God siriri utari katona Satan da ano dea fugota, nímanda ekami fatia jiraita rosoravore. Jojabeeda sonemba nímandava iroe!
21 Eka 16:1Timoti angá buro eta rora-mi, nímane ghanena rouvieta, yata bua gigige! Kotú anda natofo Jiusi enembo namonde vitere, Lusius, Jeson kotú Sosopater na nímane dano ghanena rousue.
22 Amó Tertius re. Pol na ená gaga rieta anona rei-gefere. Amó beago nímane ghanena roreta, yata bua gigige!
23-24 Eka 19:29; 1 Ko 1:14; 2 Ti 4:20Gaius, námane sonembutuaveta, amó unda kambova evita rore, kotú ekaresia* undava deseta rousue. Umó beago nímane ghanena rouvieta, yata bua gigige! Erastus, ená naada gavanada guri kaifa ari embó, namonde anda komana Kwartus gha nímane ghanena rousueta, yata bua gigige!§ Itiva tutuno 16:23-24 da rova tutuno 24 da gaga tefo re. Anada bee mo, Ekaresiada* beforo ririkigari oruabeda nundubariva, tutuno 24 da gaga Pol na gefiria, aĩ enembo eini mi gefiria, aná jo tanana ambi re. Amindu aná gaga jo itiva itambi re. Eve tuva rei-gefera, aná evere: Namonde anda Jojabee Iesu Keriso da sonemba nímandava iroe! Yata bua gigige!
25 Namonde amó tumanadu God du raga rirota, iririgore! Umó eini-eini dano ari inono re. Aghá-gea, amó Iesu Keriso daiyagha uria-da Gaga Taubana minono reta rora-mi unona reaveta, nímane ano ea jiria, gaabee ea goghó egegeta rosoravore. Avore, aná Gaga Taubana rera, ghaeko yafabe nungia vitirie. 26 Tago, furia, oreki isagha etueta, namonde gerurota reisi-niningore. Umonu gaabee egegari-du rea, endava abua-abua dano gigigari-du, kotú niningigari-du rea, God tumanadu vitia-mi ririeta, feroveta mane aná Gaga isuri urota gegembuguturieta, oreki reta etia, isagha ea vitie. 27 God umó unuka beforo garida ruru re. Eini umongo tefo re. Iesu Keriso da namonde andú donu uria-du, God du raga rirota iririgore! Do-gea, aghá siroroe! Aĩ gaa bee re!
Avore, anda gaga etia eve tano etue.
Amó Pol re.
*16:7 Namonde anda nundubariva Pol enava “ambo nimbi” gefiria mo, umó Iesu gaabee ari enembo dano nundubuturota gefirie, jo Iesu de deĩ eta uria noni ijoko Pita, Jems mane nundubambi re.
†16:16 Pol, númane mino-mino ghanena egegari-du riria mo, muno kakara urota, ghanena egegari-du ririe. Fefera anava númanda egeguturia-da kiki mo, komana ghanena urota, nandia muno egegeta urie.
‡16:16 Ii, Gaga Isuri Ari Kambesi anava, gaga dumeni gaga ekaresiada tuva vitia-nu irugea gia, tanana adi!
16:23-24 Eka 19:29; 1 Ko 1:14; 2 Ti 4:20
§16:23-24 Itiva tutuno 16:23-24 da rova tutuno 24 da gaga tefo re. Anada bee mo, Ekaresiada* beforo ririkigari oruabeda nundubariva, tutuno 24 da gaga Pol na gefiria, aĩ enembo eini mi gefiria, aná jo tanana ambi re. Amindu aná gaga jo itiva itambi re. Eve tuva rei-gefera, aná evere: Namonde anda Jojabee Iesu Keriso da sonemba nímandava iroe! Yata bua gigige!