2 Samwel
Wonawiiakowa
Mmko bukana na Deivid yana wiibadana raghanina yisisiyeni. Chapter 1 da inagho chapter 4 yawonawona da metagha wareregubugubura yana nawae Jiuda kubure kawagha ivibadana bi chapter 5 da inagho chapter 24 yawonawona da metagha kikiramutumutuba yana nawae Isrel kubura ivibadeni. Mmko girumina yawonawona da metagha Deivid aviya damdi Isrel kamone da kubura mududiye iviaviyedi. Yiyeveveda da metagha Deivid, Yawe God ivinuwayuyuneni da ivitumaghanenina, bi gegha da yana tamumu bi yananoganoga mududi bada yiyeveveda. Takitakita da metagha Yawe God, raghanina Deivid tamumu iberana aro ivereni bi bada takitakita da metagha Deivid imiiri karona na Yawe God inoghotataveni. Deivid nuwapoya peyaridi ibanana Isrel iyibadenina raghanine bi gegha da Yawe God ivitarababareni bi yana wiisuwona Deivid da nosinosina biiyadi na ikabitawani (2 Samwel 7:11-16 kokita).
Vinevineyidi
Deivid ivikiiwawo Isrel kiiravine (5:1-4)
Yawe God yana wiiwaghasina maragasina Deivid biidi (7:1-5, 8-17)
Deivid utuwiiyogho berana Betsiba teya sibera (11:1-17, 26-27)
Peroveta Neitan yana sisiya (12:1-25)
5
Deivid ivikiiwawo Isrel kiiravine
1 Wasina bi Isrel damdi kadi babada tupadi sipiika Hebron kwanatune bi Deivid siwoneni bo, “Toumii na yam rakaraka, tubuyida da ganiganida tanagha. 2 Roro, raghanine Sol iyikiiwawo kiiravimiiye, na Isrel yana wiiyogha tomotomoyidi kuyinaghovedi wiirouwa kiiravine koyakanikanibu. Na Yawe God iwonem bo, ‘Yagu wawaya Isrel damdi kunakoyayidi ware sip kanabodaboda* God tounamani sakwatuveni da sip kadi bodaboda (Genisis 48:15 kokita). wawayina sip yakoyakoyayidina naboni, bi tam kadi wiibadana.’ ”
3 Raghanina Isrel kana babada ghamaghamadi tupadi sipiika Hebronma Deivid biidi, na Yawe God matane wiiwaghasina maragasina touna yawata sibera. Wasina bi babadidi oliv miina Deivid gayamine siwayi da noko iyiyeveveyana da touna kata Isrel kana kiiwawo.
4 1 Ki 2:11Raghanina Deivid kana bodu 30 na ivikiiwawo, bi bodu 40 kamone ivibada.