1 Yesu woro nono katwa me, “Nanere imong duku na I ma ti nari ti te kulapi, bara nani kash inle na imong ine madak nacaramye! 2 Uma yitughe barabara I terughe kuyazan n nto I tuu ghe nanya kuli kudya, nuuru ati umong nanya nabebene alele atiro. 3 Yenjen ati mime, gwana fe nwa ti kulapi, kpadanghe, a wa yenin, I shawa nin kulapi me. 4 A wa tifi kulapi kuzur nanya liyirine, akuru a da kitife kuzure, abelin 'men intafi kulapi,' doleari u shawa nin kulapi kune. 5 Nono katwan Yesu wa woro ucef kinari mene, “kpina nari uyenu sa uyenu ku.” 6 Cikilare woro, “I wadinin yinu sauyenu nafo fiyip nikan, I ba benlu kuca koone, 'Fita kikane udi soo nanya kuli,' kuma lanzu a nunko lifi. 7 Bara nani ghari nanya mine, na adi nin kucin katwa kunen sa adi libya nakam, na asaa unuzu kunen ubelinghe, 'abelinghe da nenenene ama soo kilai'? 8 Na ama belinghe, 'Kankai imemon nli, anin teru katino me a suyi katwa mmalu kilai. Fe nin le infe'? 9 Na a benle kucine nja ba, bara na asuu lmonile na itaghe ku, a suwa? 10 Nanere anun wang, I wa su vat nimong ile na ita munu nsue, I ma benlu, 'Na arik a cin a cuneari ba. Fi suu imon i le na itanarin suere cas.” 11 Na I wa din libau udu urshalima, a wa din cin magazangazam nsamariyo nin Galili. 12 Na awa piru inkan kagbiri, kikane azuru nin namong anit akuturu. I yisina piit nin ghe. 13 I ghantina ti wuyi me, I din belu, “Yesu, Kumalami, lanza nkunekume bit.” 14 Na ayene nani, a woro nani, “Can idi duro a timune kitin nadidya kutii nlira.” Na i doo, ise ushinu. 15 Na warum nanya mene yene ashino a kpiliya kidowo a ghartina liwui adin vuu Kutelle. 16 Ada tumuno nabun Yesu, adin godighe ame wadi ku Samariya wari. 17 Yesu kawa, a woro, “Na anun likurera wa shin baa? Ingisin mzakure dey? 18 Na amon duku na iba kpinlu I ruu Kutella ba, maa koo kumarare?” 19 A woro ghe, “Fita ughaa, uyinun sali yenu fe nshino nin fi.” 20 Na afarsayawe ntiringhe ubelem nsa kitari tigoo Kutelle, Yesu kawa nani a woro, “Kilari togoo Kutelle na imun ncamari ba. 21 Sa ima woro, 'Yene kikaa!' sa, 'Yene kikan ni!', bara na kilari tigoo Kutelle di nanya mene.” 22 Yesu woro nanang katwa me, “Ayiri din cinu na I ba yitu nin su nyenu nlon lirin ngono nit, na ima yenu ba. 23 I ma benlu minu, 'Yeneng, kekanii!' Yeneng kikaa!' na iwa doo nyenjwe ba, sa I durtu nani, 24 nafo na nicananghe nwa nuzu na wite awa manliin, asa mi nuzun ko kuwut udu kitin kune, nanere Gono nnit ba yitu nanya liri me. 25 Bara na ama niyu nimon gbardan nin burne i nin narighe nko kuje. 26 Nafo na uwa di nanyo nayirin Nuhu, nanere tutung ima ti nanya nayirin Gono nnit. 27 I wadin nle, iyitan nso, I suzu ilugma I niza ashono mene nilugma, udu liri lo na Nuhu wa pirum njirgi - men nwure daa mida mulso nani vat. 28 Namere nafo na udi nanya nayirin Lot, I wadin nli iyitan nso, I sese, I lese I bilsa, I key ni lari. 29 Bara nami nanya liri longo na Lot in nuzu nanyan Sodom, atantani nla wa din nnuzu kitine kani uda leo nani vat. 30 Nanere u ma so liri longo na Gono nnit ba dak. 31 Nanyan lolire, na I wa yinin ule na adi kitene kutii tolu adi yiru kutura me nanya kilare. Na iwa yinin ule na adi kunen saa kilari ba. 32 Lizinon nin wanin Lot. 33 Vat nle na a din piziru ulai me ama diru unin, bara nani elu na anari ulai me aba se unin. 34 Nbelim minu, nanya kitik kane ida se an waba non kitene nkomi urume. I ba yiru umong, isuun umong. 35 Awani naba ba yitu tiyazung, I ba yiru warum isuun warum. 36 Anit naba ma yitu kuneen, I ba yiru umong isuun umong.” 37 I tiringhe, “Nweri cikilari?” Anin woro nani, kika na libi nonku agbulluk ma kilinu kitee.