11
Pagan’ ngak SOMOL
1 Be pagan’ug ko ayuw rok SOMOL.
Rigab balyang ni ga be yog ngog ni ga be ga’ar,
“Mu changeg ngam man ni bod ba arche’ nga daken e pi burey,
2 ya pi’in kireb e kar tiled e gat’ing rorad ma kar pulweged gan e gat’ing rorad
u milmor ni ngar yip’ed e pi’in bfel’.
3 Be’ ni bfel’ e dariy ban’en nrayag ni rin’
ni fa’anra ke wagay gubin ban’en.”
4 SOMOL e bay u lan e tempel rok nib thothup;
ma tagil’ e bay u tharmiy.
Be yaliy e girdi’ u gubin yang
ma manang e n’en ni yad be rin’.
5 Ma fal’eg i yaliy e fel’ nge kireb ni ta’reb rogon;
ma pi’in der fol ko motochiyel e ma fananikayrad u polo i gumircha’en.
6 Ma pu’og e achaffin ni be daramram
nga but’ nge sulfur ni be yik’ nga daken e pi’in kireb;
me gechig nagrad ko nifeng nib gawel.
7 SOMOL e bmat’aw, ma ba’adag e wok ni bfel’;
pi’in yad ra rin’ e wok ni bfel’ e yad ra par u p’eowchen.
DRAFT VERSION — Proofreading in progress