112
112-küy •••• Hudadin ǝyminidiƣan kixi •••• 1-ayǝttiki izaⱨatni kɵrüng
1 Ⱨǝmdusana!
Pǝrwǝrdigardin ǝyminidiƣan,
Uning ǝmrlirini zor hursǝnlik dǝp bilidiƣan adǝm bǝhtliktur!□ «Ⱨǝmdusana! Pǝrwǝrdigardin ǝyminidiƣan, Uning ǝmrlirini zor hursǝnlik dǝp bilidiƣan adǝm bǝhtliktur!...» — bu küy «elipbǝ tǝrtipilik» küy. Biraⱪ ibraniy tilini tǝrjimǝ ⱪilix jǝryanida jümlǝ tǝrtiplirini ɵzgǝrtix kerǝkliki tüpǝylidin, «elipbǝ tǝrtipilik» nushini kɵrsitǝlmiduⱪ. ■ Zǝb. 1:1, 2
2 Uning nǝsli zeminda turup küq-ⱪudrǝtlik bolidu;
Duruslarning dǝwri bǝhtlik bolidu.
3 Uning ɵyidǝ dɵlǝt ⱨǝm bayliⱪlar bolidu;
Ⱨǝⱪⱪaniyliⱪi mǝnggügǝ turidu.
4 Ⱪarangƣuluⱪta turƣan durus adǝmgǝ nur pǝyda bolidu;
U xǝpⱪǝtlik, rǝⱨimdil ⱨǝm ⱨǝⱪⱪaniydur.
5 Hǝyrhaⱨ, ɵtnǝ berip turidiƣan adǝmning bǝhti bolidu;
U ɵz ixlirini adilliⱪ bilǝn yürgüzidu.□ «U ɵz ixlirini adilliⱪ bilǝn yürgüzidu» — baxⱪa ikki hil tǝrjimisi bar: — «U ɵz adilliⱪi bilǝn ɵz ixlirini yürüxtüridu» yaki «Dǝwada bolsa ⱨɵküm uning tǝripidǝ bolidu». Mumkinqiliki barki, yazƣuqi bu üq mǝnining ⱨǝmmisini kɵzdǝ tutⱪan.
6 Bǝrⱨǝⱪ, u ǝbǝdiy tǝwritilmǝydu;
Ⱨǝⱪⱪaniy adǝm mǝnggügǝ ǝslinidu.
7 U xum hǝwǝrdin ⱪorⱪmaydu;
Uning kɵngli toⱪ ⱨalda, Pǝrwǝrdigarƣa tayanƣan.
8 Dili mǝⱨkǝm ⱪilinƣan, u ⱪorⱪmaydu;
Ahirida u rǝⱪiblirining mǝƣlubiyitini kɵridu.
9 U ɵziningkini mǝrdlǝrqǝ tarⱪatⱪan,
Yoⱪsullarƣa beridu;
Uning ⱨǝⱪⱪaniyliⱪi mǝnggügǝ turidu;
Uning münggüzi izzǝt-xɵⱨrǝt bilǝn kɵtürülidu.
10 Rǝzil adǝm buni kɵrüp qidimaydu,
Qixlirini ƣujurlitidu, u erip ketidu;
Rǝzillǝrning arzu-ⱨǝwisi yoⱪitilidu.
□112:1 «Ⱨǝmdusana! Pǝrwǝrdigardin ǝyminidiƣan, Uning ǝmrlirini zor hursǝnlik dǝp bilidiƣan adǝm bǝhtliktur!...» — bu küy «elipbǝ tǝrtipilik» küy. Biraⱪ ibraniy tilini tǝrjimǝ ⱪilix jǝryanida jümlǝ tǝrtiplirini ɵzgǝrtix kerǝkliki tüpǝylidin, «elipbǝ tǝrtipilik» nushini kɵrsitǝlmiduⱪ.
□112:5 «U ɵz ixlirini adilliⱪ bilǝn yürgüzidu» — baxⱪa ikki hil tǝrjimisi bar: — «U ɵz adilliⱪi bilǝn ɵz ixlirini yürüxtüridu» yaki «Dǝwada bolsa ⱨɵküm uning tǝripidǝ bolidu». Mumkinqiliki barki, yazƣuqi bu üq mǝnining ⱨǝmmisini kɵzdǝ tutⱪan.