54
54-küy •••• Satⱪunluⱪⱪa uqriƣanda ⱪilƣan dua
1 Nǝƣmiqilǝrning bexiƣa tapxurulup, tarliⱪ sazlar bilǝn oⱪulsun dǝp, Dawut yazƣan «Masⱪil» (Zif xǝⱨiridikilǝr Saul padixaⱨning yeniƣa berip: «Dawut bizning muxu yurtimizƣa mɵküwalƣan, sili bilmǝmdila?» dǝp ayƣaⱪqiliⱪ ⱪilƣandin keyin yezilƣan):
I Huda, Ɵz naming bilǝn meni ⱪutⱪuzƣaysǝn;
Zor ⱪudriting bilǝn dǝwayimni soriƣaysǝn. □ «Zif xǝⱨiridikilǝr Saul padixaⱨning yeniƣa berip: «Dawut bizning muxu yurtimizƣa mɵküwalƣan, sili bilmǝmdila?» dǝp ayƣaⱪqiliⱪ ⱪilƣandin keyin yezilƣan» — bu wǝⱪǝlǝr «1Sam.» 23:14-29-ayǝtlǝrdǝ bayan ⱪilinidu. ■ 1Sam. 23:19-28; 26:1
2 I Huda, duayimni angliƣaysǝn;
Aƣzimdiki sɵzlǝrgǝ ⱪulaⱪ salƣaysǝn.
3 Qünki yat adǝmlǝr manga ⱨujum ⱪilixⱪa ornidin turdi;
Zomigǝrlǝr mening jenimni owlimaⱪta;
Ular Hudani nǝzirigǝ ⱨeq ilmaydu.
4 Ⱪara, Huda manga yardǝm ⱪilƣuqidur;
Rǝb jenimni yɵlǝydiƣanlar arisididur.
Selaⱨ.
5 U düxmǝnlirimning yamanliⱪini ɵzigǝ ⱪayturidu;
I Huda, Ɵz ⱨǝⱪiⱪiting bilǝn ularni üzüp taxliƣaysǝn.
6 Mǝn Sanga halis ⱪurbanliⱪlar sunimǝn;
Namingni mǝdⱨiyǝlǝymǝn, i Pǝrwǝrdigar;
7 Qünki U meni barliⱪ bala-ⱪazalardin ⱪutⱪuzdi;
Düxmǝnlirimning mǝƣlubiyitini ɵz kɵzum bilǝn kɵrdüm.
□54:1 «Zif xǝⱨiridikilǝr Saul padixaⱨning yeniƣa berip: «Dawut bizning muxu yurtimizƣa mɵküwalƣan, sili bilmǝmdila?» dǝp ayƣaⱪqiliⱪ ⱪilƣandin keyin yezilƣan» — bu wǝⱪǝlǝr «1Sam.» 23:14-29-ayǝtlǝrdǝ bayan ⱪilinidu.
□54:3 «Yat adǝmlǝr ... ornidin turdi» — yaki «Tǝkǝbbur adǝmlǝr ... ornidin turdi».
□54:6 «Mǝn Sanga halis ⱪurbanliⱪlar sunimǝn» — «halis ⱪurbanliⱪlar»: Musa pǝyƣǝmbǝr tüzgǝn nizam boyiqǝ, «halis ⱪurbanliⱪ» Hudaning kɵrsǝtkǝn mǝlum iltipati yaki xǝpⱪiti üqün rǝⱨmǝtlǝrni bildüridiƣan birhil ⱪurbanliⱪ.