1 Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe. 2 Nyakulanila dibasha dyenu; mukatenda davo, mundatandedya lilamulo lyake Klistu. 3 Munu akalyona kuva munu shii kanji akavé, ankulishang'apila jo mwene. 4 Kula munu alalyange vyo vitendo vyake mwene; apo ni palota kulitamanga jo mwene i kwamunu junji 5 mwaa kula munu andanyakula ibasha yake.

6 Aijá ápundishigwa mulilove, inimmaikila amajanange avilá vyambone uti* Vinu vyambone vyámba Paulu vinkwaneka kuva vinu vyalakéla mu Imumu. Lola 5:22. Nae ankuka mushu atangola ing'ano yakupanda na kupuna mu Imumu. Kwakuvalangangila kunji inkuululika kwamba vinu vyapata nkúpundishigwa ammajele aija nkúpundisha. Linganianga I Vakolintu 9:14; Lukashi 10:7. namu aijá ámpundisha. 7 Hamunaduwangike, Nnungu hanaliulika. Shalota kupanda munu ni shosho shalota kupuna. 8 Álota kupanda kwashimunumunu, vyashimunumunu andapuna; napane álota kupanda kwa Imumu, andapuna shingumi shíkamalilika. 9 Hatunadobe kutenda wambone mwaa tukanadabadabangila, pauwika wakati wake po, tundapuna. 10 Napanelo po patuvenavo litala lyakutandela wambone, tutandedye kwavanu uti kanji kupunda namene avalá vamwing'ande yalikulupililo.

11 Lola dinembo ding'umene dyanimwandikila na wo nkono wangu nimwene.

12 Napane uti avalá valóta valyaneshe wambone mumili, avo ni vamuungíla mwenu mukumuligwe likumbi kwambangidya bai havanapapatigwe kwamwaa wanshalaba umwe Klistu. 13 Ata vo vakumuligwa likumbi vo, havanaodedya shinu lilamulo ila vannota vankumule likumbi kwambangidya valishibangile kwa ashilá shivéle mumili mwenu. 14 Nangu mwiko hangunalishibangile paikava kwanshalaba umwe Umu wetu Yesu Klistu mwaa kwaindila yanshalaba wo, shilambo shindikamalalegwa kwangu nangu na nangu ndikamalalegwa kwaupande washilambo. 15 Kukumuligwa likumbi kwali mene hakunapagwa mana. Shamana ni kuva shiumbi shaambi.† Shiumbi shambi, Paulu ankuvamba vavé mumwe Klistu. Kwaindila ya Imumu ápatikana kwalikulupililo, ankunjalulanga munu kuva waambi. Lola 2:16-26; Linganianga II Vakolintu 5:17. 16 Amani na shididi vipagwe na avalá vavéle munkondo walipata ali, vipagwe na yo Ishilaeli ya Nnungu.‡ Kwamalove ala, Paulu ankwamba Ishilaeli kuva venentete vavéle mumwe Yesu Klistu.

17 Kumwisho akuno, hanapagwe wakungudingadinga mwaa mumili mwangu ninkuvanavo vimanyikilo vimwe Yesu. 18 Mmanung'unumunu, umonyo umwe Umu wetu Yesu Klistu upagwe na imumu yenu. Ame.