52
7 Apana Gagalo euda wadane wadiwainta ieia wau aupawa ewaewau eudida no mainimbo,
ipawa mo wanwan euda obasa gagalowa wadane iei.
Me God apanawa,
inamona umanawa benemaleidie bola debama Saion apanawa diamodie wadiase, “E Godila warereleidie wande!”✡ Rom 10.15; Epesus 6.15
8 Asisuitana, apana mida e bolala debama onieie gonaantoia
nuaeu kawa waia etamona,
mo emawoido Iawe God leulene bola debama Saionwa wisena,
ewane nuaeuwantoie wai.
9 E Ierusalem bedewe poka donsaile wainilana,
awodeaitane nuaeu kawa wana,
Iawe God apanawa mampolene oniamone saumode,
me bolawa debama gonaaleide.
10 Me mukawa debama kakaiwa sabamosade,
apana uduudu tawo osowe waimoia mampo.
Ita apana uduudu tawo osowe wanwanlala,
no Godimba apana kadi bedewe otaubamodie inamodia ewapu.
Iawe God nolawa dewalala poka etaidasade
13 Ewane, ne nolana dewalala nolawa dewasapidewae diasapi,
ne me itupaposidepio uduudu onapolepie,
ita ebowa debama wadepi.
14 Apana uara me ewane memesaidantone nuau rowolen,
ipawa mo me epeieno inainamba rebarebaidalene koakoalen,
mai apana inainamba rua.
15 Ita tauma uwa daitada apanawa uara me ewapue asosapu,
ita warere uduudu memesantopue mai aiau da wapu, diaida.
Ipawa dima umanawa mo mai etapona segalepio ewapu,
mai mida ema umanawa diamopono etape atentopona atentopu.✡ Rom 15.21