2
2:1-4 Pulu Yemone Olio Lipe Tapondomba Kinie Mongo Naa Lipu Yu Pea Molomolo Akumu Paa Ulu Awili Olandopamo Kene ‘Wendo Naa Pamili.’ Ningu Nokoko Kondangi Akumunge Ungu Te
1 ⸤Kapola, Malo sike angellomanga olandopa molemo⸥ akumunge, ⸤Pulu Yemone olio-kinie ulu peangama temba mele Yesusini nimbe sirimu⸥ ungu sike ou pilierimulume siye kolopo naa pilipulie kamu mundupu siye kolomolo kene aku ungumu konopu kimbu sipu ambolopo molamili. 2-3 ⸤Pulu Yemone ou olionga anda-kolepalime-kinie ungu nimbe panjipe mi lierimu ungumuni eno nokorumu kinie⸥ Pulu Yemone olionga anda-kolepalime ⸤ungu mane ‘Mosisini sipili.’ nimbe⸥ ‘angellomane ⸤Mosisi ningu siee.’ nirimu kinie⸥* Akumu Wendo Oringi 19-20selo molemomondo nirimu. Nalo ‘angellomane ungu manema Mosisi siringi’ aku ungumu akune naa molemo. Juda yembomane mindi aku siku pilku temane toringi. LipeMundorumuYema 7:38,53 Gallesia 3:19 kanani. yunge ungu mane niringi aku ungu manema tondolo pupe perimu. Kanu ungu manema naa pilku pulue toringi yemboma teko kenjeringimunge mele kalolime lsingi. Kinié Pulu Yemone olio lipe tapondopa, ‘Mindili nolemela ulkena wendo ongo na-kinie pea molko kondonge aulkena pangi.’ nilimo ulu akumu† 10 bokumunge alsena anjokondo “21. kisim bek”. paa olandopamo. Pe angellomane ou ningu siringi ungume pulue toringi kinie mongo lsingi liemo Pulu Yemone olio kinié lipe tapondombando tapondolemo ulu Awili‡ bokumunge alsena anjokondo “6. Bikpela”. ⸤Yesusi⸥ yuni yuyu ou kumbi lepa nimbe sirimu aku ulu paa olandopamo mundupu siye kolomulu liemo pe olio ulu pulu keri telemolomanga nambepo kowa pupu mindili naa nomoloye? ⸤Kinié Pulu Yemone olio-kinie ungu konde te nimbe panjipe mi lierimumu pelemo walemanga⸥ Pulu Yemone olio lipe tapondoli kongonomo paa olandopa akumunge olio manda kowa paa naa pumolo.
Pulu Yemone olio lipe tapondomba mele ungu akumu ou kumbi lepa Awili ⸤Yesusi⸥ yuni yuyu nimbe sirimu kinie pe aku ungu nirimumu pilieringi yemane yando oliondo ningendo: “I ungumu paa sike.” niringi. 4 Aku siku ningu molangi Pulu Yemone kepe “Malonga ungumu paa sike.’ ningu piliengi!’ nimbe kanu yema lipe tapondopa tondoloma sirimu kinie enone lipe ora sirimu ulu tondoloma teringi.§ Mako 16:20, Lipe Mundorumu Yema 2:43, 5:12, 14:3. Pulu Yemone Mini Kake Telimunge tondolomo lipe yuyu konopuni pilipelie kongono molo ulu lupe lupema tenge tondoloma ungu ningu siringi yemboma moke tepa sirimu.* Ou-Korini 12:1-11,27-31. ⸤Pe kanu ungu kondemo ‘Paa piliengi!’ nimbe Pulu Yemone yuyu kanu ungu kondemo lipe tapondorumu liemo kanu ungumu pilku likulie munduku siye kolonge yemboma mongo naa lingeye?⸥
2:5-18 Pulu Yemone ‘Yesusi Yu Yunge Angenupilime Mele Molopili.’ Nirimu Ungu Te
2:5-13 Yesusi Yu Ye Paa Peanga Olandopamone
5 Ma konde te wendo ombámondo nikimulu aku mamo Pulu Yemone ‘nokangi.’ nirimu akumu angellomando naa nirimu. 6 Aku molo. Pulu Yemonga bokune ⸤yembomane ma pe wendo ombámo nokongema⸥ ungu te nimbe sipelie nimbendo:
“⸤Pulu Yemo,⸥
nuni olio yemboma nambolka melema
konopu lekolie
olio kanoko imbi silinoye?
Mana yembomane melemele yemboma
nambemune nuni kondo kolko nokolenoye?† Jopo 7:17, Konana 144:3.
7 ⸤Nuni yembomando ninindu:⸥
“ ‘Yemboma angellomanga laye-kolo
maniendopa‡ Imunge ungu pulumu mimi siku naa pilimele. Marene ningendo: “ ‘wale laye-kolo mindi maniendopa molangi.’ molopili.” nilimele. molangi.’ nimbo.” nirinu.
⸤Pe⸥ nuni enonga imbime liku ola mundunduku,
nambama siku,
8 ‘enone melema pali nokangi.’ nirinu.”§ Konana 8:4-6.
nimbe molemo. Pulu Yemone ‘Mana yembomane melema pali nokangi.’ nirimu bokune molemo liemo Pulu Yemone mele terimumenga teluri kepe ‘Enone naa nokangi.’ nirimu melte paa naa lemo.
Nalo ⸤‘yembomane melema pali nokonge’ nilimo nimbe molemo mele kinié aku sipu nimbu naa kanolemolo.⸥ Kinié ‘yembomane melemanga mare naa nokolemele.’ nimbu kanolemolo.* sukundu Giriki ungune kinie Ingillisi ungune kinie Pisini boku oumunge kinie “ye” kinie “yu” kinie “yemonga malo” kinie nimbe molemo, akumu yembo marene pilkulie “Kirasindu nimbe nirimunje.” ningu pilimele. Nalo Pisini Baipelena “yemboma” toringi molemo, akumu “yemonga ungu pulumu papu toringi molemo.” nimbu pilipulie “Umbu-Ungune aku sipe molopilila” nimbu torumulu. Inie 2:6-8 Pisini boku oumunge “yemo” nimbe “yu” nimbe “yemonga malo” nimbe molemo akumu Kirasi molonje. Inie 2:9 sike Kirasi. 9 ‘Aku sike nalo kinié ⸤mana ye telu sike⸥ yunge imbi kinie nambaselo melemanga pali paa olandopa molkomo.’ nimbu kanolemolo.† inie yakondo 1:4; bokumunge alsena anjokondo “21. kisim bek” kananila. Akumu Yesusi. Ou Pulu Yemone olio we kondo kolopa ‘yu yemboma lipe tapondopa enonga pali kolo wangopa mindili nomba kolondopili.’ nimbe ‘yu angellomanga manie mele molopili.’ nirimu. Yu mindili nomba kolorumumunge Pulu Yemone yu melemanga pali namba olandopa sipe yunge imbi lipe ola mundundorumu nimbu kanolemolo.
10 Akumunge ungu te pea niembo: Pulu Yemone melema pali terimu, yu melemanga pali Pulu Yemo. Yuni yuyu pilipelie melema terimu, akume kinié nokolemo akumunge yuni yembo awisili mako topa ‘Nanga ambolangoma molko,‡ bokumunge alsena anjokondo “31.3. pikinini bilong God”.
na kinie pea tapu topo molamili.’ nirimu kinie eno lipe tapondopa, mindili nolemela aulkena wendo lipe, yu-kinie molko kondonge aulkena lipe mondorumu yemo ‘mindili nopili.’ nirimu akumu papu nirimu. Yu mindili norumumunge yu ye paa peanga sumbi nilimu molopa eno lipe tapondopa mulu koleana punge aulkemo lipe ora simbendo memba pulimo. 11 ⸤Yuni Pulu Yemonga ambolango awisili manda mulu koleana memba pulimomonga pulumu isipe:⸥ Yu kinie eno kinie yembo talape telumu. Ye tene yemboma lipe tapondopa ‘Pulu Yemone kanopa ‘yunge yembo kake telime’ nimbe kanopili.’§ Jono 17:17. nilimo yemo kinie kanu yemone yemboma lipe tapondolemo-na eno Pulu Yemone kanopa ‘nanga yembo kake telime’ nimbe kanolemo yemboma kinie olionga Lapa telumu. Akumunge yuni enondo “Ano” nimbendo pipili naa kolemo.* inie anjokondo 11:16, Mako 8:38, LLuku 9:26, Pe-Timoti 1:8. 12 Akumunge ou ungu te nimbendo:
“⸤Pulu Yemo,⸥ nu moleno mele
nanga angenupilindu nimbu simbo.
Eno-kinie pea nu popo tomolondo
maku topo molomolo kinie eno pilku molangi
konana nimbu nu kapi nimbo.Ӡ Konana 22:22.
nirimu. 13 Akumunge kelepa walse yuni ungu te nimbendo:
“⸤Nanga angenupilimene telemele mele⸥
nane ⸤aku sipu⸥ Pulu Yemone
“Na nokombo.” nirimu mele ‘Sike temba.’
nimbu pilipu taka lipu molombo.”‡ Aisaya 8:17ekendo.
nirimula.
Akumunge ungu te pea nimbendo:
“Pulu Yemone na ambolango sirimume kinie
pea molemolo.Ӥ Aisaya 8:18.
nirimula. Olio Lipe Tapondopa Molopo Kondomolo Aulkemo Akisinderimu Yemonga Ungu Te
2:14-18 Yesusi Olio Lipe Tapondombando Mana Ye A Lierimu Ungu Te
14 Ambolangomando ⸤‘Nanga angenupilime’⸥ nirimu akumu mana yembomando nirimu, akumunge Yesusi yu ‘eno mele molambo.’ nimbe mana ye alepa molorumu. ‘Enonga nimbu kolondopolie kololi ulu pulumu nokolemo yemo topo manie mundembo.’ nimbe* Ou-Korini 15:26,54-57, Pe-Timoti 1:10, Lipe Ora Sirimu 1:18. aku sipe mana ye alepalie kolorumu. Kololi ulu pulumu nokolemo ye† ‘Kololi ulu pulumu nokoli ye’ akumu yembo marene topele toko ningendo: “Yemboma kolongendo mini wale munduku molangi’ nilimo ye’ nilimele; ya 2:15 aku sipe mele. akumu depelemo.‡ Setene kanumu; bokumunge alsena anjokondo “9. devil”. 15 ‘Kolongendo alieli konopu kimbu siku pipili kolko mindi molemele yemboma aku siku molemele aulkena wendo liembo.’ nimbe Yesusi kolorumu. ⸤Kurumenga nomi Setenene⸥ ‘Eno pipili kolangi’ nilimo akumu ka ulkena mele panjilimo. 16 ‘Yesusini aku sipe terimu akumu angelloma lipe tapondombando paa naa terimu.’ nimbu kanolemolo; ‘Eporayamone kalopa lsimu yemboma lipe tapondombando paa sike terimu.’ nimbu kanolemolo. 17 Akumunge yunge angenupilime mana molemele mele yu aku sipe mana molopa eno umbune telemo molo mindili nolemele aku sipe ulume pali yu-kinie telu sipe wendo naa olkanje kapola molo. Yu yembomanga kondo kolopa Pulu Yemo popo tondoli ye awili olandopamo§ bokumunge alsena anjokondo “34. pris- 34.3. hetpris”. molopa Pulu Yemonga kumbikerena aku kongonomo tondolo mundupe ambolopa molomba aulke te lupe naa perimu. Yu Pulu Yemone ‘yembomanga ulu pulu kerime omba manie pupili.’ nimbé, yu-kinie kapola kapola molonge kongonomo tembando aku sipe mana ye te mindi omba molorumumunge kinié aku kongonomo kapola tepa molemo. Wenje kapola naa tepa molka.* ungu pulumu LLipai 16:20-22, 17:11. 18 Yu-kinie kondi topa manda lieli ulu awisili wendo omba, mindili norumu† Mateyu 4:1-2, 16:23, LLuku 22:41-44, Mateyu 16:1. akumunge yemboma-kinie kondi topa manda lieli ulume wendo olemo kinie yuni manda eno lipe tapondolemo.
*2:2-3: Akumu Wendo Oringi 19-20selo molemomondo nirimu. Nalo ‘angellomane ungu manema Mosisi siringi’ aku ungumu akune naa molemo. Juda yembomane mindi aku siku pilku temane toringi. LipeMundorumuYema 7:38,53 Gallesia 3:19 kanani.
†2:2-3: 10 bokumunge alsena anjokondo “21. kisim bek”.
‡2:2-3: bokumunge alsena anjokondo “6. Bikpela”.
§2:4: Mako 16:20, Lipe Mundorumu Yema 2:43, 5:12, 14:3.
*2:4: Ou-Korini 12:1-11,27-31.
†2:6: Jopo 7:17, Konana 144:3.
‡2:7: Imunge ungu pulumu mimi siku naa pilimele. Marene ningendo: “ ‘wale laye-kolo mindi maniendopa molangi.’ molopili.” nilimele.
§2:8: Konana 8:4-6.
*2:8: sukundu Giriki ungune kinie Ingillisi ungune kinie Pisini boku oumunge kinie “ye” kinie “yu” kinie “yemonga malo” kinie nimbe molemo, akumu yembo marene pilkulie “Kirasindu nimbe nirimunje.” ningu pilimele. Nalo Pisini Baipelena “yemboma” toringi molemo, akumu “yemonga ungu pulumu papu toringi molemo.” nimbu pilipulie “Umbu-Ungune aku sipe molopilila” nimbu torumulu. Inie 2:6-8 Pisini boku oumunge “yemo” nimbe “yu” nimbe “yemonga malo” nimbe molemo akumu Kirasi molonje. Inie 2:9 sike Kirasi.
†2:9: inie yakondo 1:4; bokumunge alsena anjokondo “21. kisim bek” kananila.
‡2:10: bokumunge alsena anjokondo “31.3. pikinini bilong God”.
*2:11: inie anjokondo 11:16, Mako 8:38, LLuku 9:26, Pe-Timoti 1:8.
†2:12: Konana 22:22.
‡2:13: Aisaya 8:17ekendo.
§2:13: Aisaya 8:18.
*2:14: Ou-Korini 15:26,54-57, Pe-Timoti 1:10, Lipe Ora Sirimu 1:18.
†2:14: ‘Kololi ulu pulumu nokoli ye’ akumu yembo marene topele toko ningendo: “Yemboma kolongendo mini wale munduku molangi’ nilimo ye’ nilimele; ya 2:15 aku sipe mele.
‡2:14: Setene kanumu; bokumunge alsena anjokondo “9. devil”.
§2:17: bokumunge alsena anjokondo “34. pris- 34.3. hetpris”.
*2:17: ungu pulumu LLipai 16:20-22, 17:11.
†2:18: Mateyu 4:1-2, 16:23, LLuku 22:41-44, Mateyu 16:1.