1 Dokopa* Ese 40:3; Sak 2:1-2 mendeme makande ita mende namba ditala lao pituu, “Embame sakatatala Gotenya losuu anda andake* gotenya losuu anda andake Gotenya losuu anda andake lelyamo doko Kataisanya sosa doko kandao kongali joo lelyamo.dokopa olata toko dokopa dolapo makande pipi. Dopa petala Gote lao tama pilyamino endakali dupa itaki pyape. 2 Dopaka* Wee 79:1; Ais 63:18; Dan 7:25; Sak 12:3; Lu 21:24; Pa 12:6,14; 13:5 doko, losuu anda andake dokonya kamaka kame doko makande napinya kayape. Tenge doko kamaka dokaita netesa endakali dupa maitaena, dupame taono epe etete doko moko katao waimalyoo kana kingi ita kitomende-kisa dee lapoma katatami. 3 Dopa pitaminopa, nambame nambanya pii lao panenge akali lapoma epena latopa, dolapome iti angaitipi petala yuu gii taosene mende-kisa andate lapoma dee kingi ita tokange Gotenya pii doko lao panao katatambina,” lea.

4 Lapoma* Sak 4:3,11-14 dolapo yuu pitakanya Kamongo dokonya enombanya olipi ita lapomapi kia lama lapomapi jepae. 5 Mendeme* 2 Sam 22:9; 2 Kiŋ 1:10; Wee 97:3; Jet 5:14 dolapo koyasipuli lao masetamo kandao doko, dolaponya nengekaita itate yuli tao pyakaetala dolaponya yandapipi doko tata. Mendeme dolapo koyasipuli lao masetamo kandao doko, itate dokome yandapipi doko dopa pyoo kumapenge. 6 Dolapome* Eke 7:17-20; 11:10; 1 Sam 4:8; 1 Kiŋ 17:1; Je 5:17 Gotenya pii doko lao panatambinopa aiyuu naepena lao kaitinya kaitini lyokapenge pupu lapae doko dolapo-kisa singi. Dee dolapome endaki dupa kapa pao taiyoko injisepenge pupu lapae doko dolapo-kisa soo, kenda pipae tata dupame masetambinoli pyoo yuunya endakali dupa koyasepenge pupu lapae doko dolapo-kisa soaka pingi.

7 Dolapome* Dan 7:3,7,21; Pa 12:17; 13:1,5,7; 17:8 Gotenya pii doko lamaiyoo etapatambinopa, mena kapua mendepale mende yuli koo etete koko dokonya katao pyakalyingi dokome dolapo yanda pimaitala ita minao pyao kumaseta. 8 Pyao* Ais 1:9-10; Lu 13:34 kumasetala dolapo yuu taono andake kongali lao Sotoma lata Isipe lata pingi dokonya kaitini andake dokonya setata. Wamba dolaponya Kamongo doko taono dokonya ita pokonya kumia. 9 Endakali pii wakale wakale lengepi, yonge waka waka katengepi, yuu dupa pitakanya endakali tata dupa pitakame dolapo koto tepoma-kisa dee yongama gii mende pyoo kandatala mendemepi nyoo malu pina lao kayala nayatami. 10 Dolapome* Est 9:19; Jo 16:20 Gotenya pii doko lao panatambinosa yuunya endakali dupa tanda koo nyepala dolapo taeme kumilyambinona lao dupame mona yaepao oapi dupa mende mai mai pitami. 11 Koto* Ese 37:5,10 tepoma-kisa dee yongama gii mende pyoo patatamopa, Gotenya lete katasingi poo doko dolapo-kisa ipata. Dopa pitamopa dolapo sakatatala toya katatambinopa, kandatamino endakali dupame etete pakame kumatami. 12 Dolapome* 2 Kiŋ 2:11 setambinopa kaitinya katao pii mende latamo dokome dolapo lao puu lao wii lao lao pituu, “Nyilyambo ketae dakenya ipupa,” lata. Dopa latamopa dolapo kopa kaina dokonya kaiti-kisa patambino doko yandapipi dupame kandatami. 13 Gii* Ese 38:19-20; Pa 6:12; 8:5; 16:18 dokopaka titiwali andake mende minatala, taono dokonya anda yuupi dupa pitaka kingi ita pyoo lita petala dupanya mende koyata. Dee taono dokonya endakali taosene kalange dupa titiwali minatala pyao kumaseta. Dopa pitamopa endakali yangi katatamino dupame etete pakame kumapala, kaitinya Gote doko lao lalyetami. 14 Kenda* Ese 7:5; Pa 8:13; 9:12 pipae laponge doko etapea. Dee teponge doko tenda yapa ipatana kanjepape.

15 Enjele* Eke 15:18; Wee 10:16; 22:28; Dan 2:44; 7:14,27; Opa 21; Sak 14:9; Pa 1:5; 12:10 kalange dokome baanya beto doko leamopa, yangimi kaitinya katao puu lao lao pituu, “Yuu dupa pitaka indupa naimanya Kamongo Gotepa Kataisapa dolapome isoo katapelyambinona, tanga tangapi isoaka katatambina,” leami. 16 Dokopa* Pa 4:4,10 isingi akeli kingi ita lapoma-kisa dee kitomende Gotenya enomba-tena nyakamanya tokonya petengema dupame luma lakao tombauli soo Gote lao tama piami. 17 Dupame* Emo 3:13; 4:13; Pa 1:4,8; 4:8; 15:3; 16:5,7,14; 19:6,15; 21:22 lalyoo lao pituu,