Ri Utzilaj Tzij re Jesucristo tzꞌibꞌital kan ruma ri Mateo
1
Ri e ratiꞌ-umam ri Jesús ojertan
(Lc. 3:23-38)
1 Ri Qanimajawal Jesucristo e ralkꞌoꞌal kan ri David y ralkꞌoꞌal kan ri Abraham. E ri kipetebꞌem lo che ri Abraham e taq waꞌ:
2 Ri ralkꞌoꞌal ri Abraham, Isaac rubꞌiꞌ;
ri ralkꞌoꞌal ri Isaac, Jacob rubꞌiꞌ;
taq ri ralkꞌoꞌal ri Jacob, e ri Judá kukꞌ ri ratz-uchaqꞌ.
3 Taq ri ralkꞌoꞌal ri Judá, e ri Fares y ri Zara yey rubꞌiꞌ ri kichu e Tamar;
ri ralkꞌoꞌal ri Fares, Esrom rubꞌiꞌ;
ri ralkꞌoꞌal ri Esrom, Aram rubꞌiꞌ.
4 Ri ralkꞌoꞌal ri Aram, Aminadab rubꞌiꞌ;
ri ralkꞌoꞌal ri Aminadab, Naasón rubꞌiꞌ;
ri ralkꞌoꞌal ri Naasón, Salmón rubꞌiꞌ.
5 Ri ralkꞌoꞌal ri Salmón, Booz rubꞌiꞌ yey ruchu ri Booz e Rahab.
Ri ralkꞌoꞌal ri Booz, Obed rubꞌiꞌ yey rubꞌiꞌ ruchu ri Obed e Rut.
Ri ralkꞌoꞌal ri Obed, Isaí rubꞌiꞌ.
6 Ri ralkꞌoꞌal ri Isaí, e ri rey David
y ri ralkꞌoꞌal ri David, Salomón rubꞌiꞌ yey ruchu ri Salomón e ri rixoqil ri Urías.
7 Ri ralkꞌoꞌal ri Salomón, Roboam rubꞌiꞌ;
ri ralkꞌoꞌal ri Roboam, Abías rubꞌiꞌ;
ri ralkꞌoꞌal ri Abías, Asa rubꞌiꞌ.
8 Ri ralkꞌoꞌal ri Asa, Josafat rubꞌiꞌ;
ri ralkꞌoꞌal ri Josafat, Joram rubꞌiꞌ;
ri ralkꞌoꞌal ri Joram, Uzías rubꞌiꞌ.
9 Ri ralkꞌoꞌal ri Uzías, Jotam rubꞌiꞌ;
ri ralkꞌoꞌal ri Jotam, Acaz rubꞌiꞌ;
ri ralkꞌoꞌal ri Acaz, Ezequías rubꞌiꞌ.
10 Ri ralkꞌoꞌal ri Ezequías, Manasés rubꞌiꞌ;
ri ralkꞌoꞌal ri Manasés, Amón rubꞌiꞌ;
ri ralkꞌoꞌal ri Amón, Josías rubꞌiꞌ.
11 Taq ri ralkꞌoꞌal ri Josías, e ri Jeconías kukꞌ ri ratz-uchaqꞌ; rike xebꞌalax chupa taq ri qꞌij echiriꞌ raj Israel xekꞌam bꞌi Babilonia.
12 Echiriꞌ ekꞌamom chubꞌi Babilonia, xalax jun ralkꞌoꞌal ri Jeconías, Salatiel rubꞌiꞌ;
ri ralkꞌoꞌal ri Salatiel, Zorobabel rubꞌiꞌ.
13 Ri ralkꞌoꞌal ri Zorobabel, Abiud rubꞌiꞌ;
ri ralkꞌoꞌal ri Abiud, Eliaquim rubꞌiꞌ;
ri ralkꞌoꞌal ri Eliaquim, Azor rubꞌiꞌ.
14 Ri ralkꞌoꞌal ri Azor, Sadoc rubꞌiꞌ;
ri ralkꞌoꞌal ri Sadoc, Aquim rubꞌiꞌ;
ri ralkꞌoꞌal ri Aquim, Eliud rubꞌiꞌ.
15 Ri ralkꞌoꞌal ri Eliud, Eleazar rubꞌiꞌ;
ri ralkꞌoꞌal ri Eleazar, Matán rubꞌiꞌ;
ri ralkꞌoꞌal ri Matán, Jacob rubꞌiꞌ.
16 Y ri ralkꞌoꞌal ri Jacob e ri José, ri rachijil ri María, ruchu ri Jesús. Yey ri Jesús e ri kabꞌiꞌx “Cristo” che.
17 Jekꞌulaꞌ chi konoje ri tikawex ujeqebꞌem lo chwi ri Abraham kꞌa chwach ri David, xebꞌikꞌow kajlajuj lemaꞌj; chwi lo ri David kꞌa chwach echiriꞌ xekꞌam bꞌi raj Israel pa ri tinamit Babilonia, xebꞌikꞌow kajlajuj lemaꞌj; yey chwi lo echiriꞌ xekꞌam bꞌi raj Israel pa ri tinamit Babilonia kꞌa chwach ri ralaxibꞌal ri Cristo, xebꞌikꞌow kajlajuj lemaꞌj.
Ri ralaxibꞌal ri Jesús
(Lc. 2:1-7)
18 Jewaꞌ xuꞌan ri ralaxibꞌal ri Qanimajawal Jesucristo: Ri María, ruchu ri Jesús, unimam chik kakꞌuliꞌ rukꞌ ri José. Ekꞌuchiriꞌ kꞌamajaꞌ kakijunimaj kibꞌ, ri María xkanaj yewaꞌ ixoq ruma ruchuqꞌabꞌ ri Santowilaj Ruxlabꞌixel ri Dios. 19 Ri José, ri rachijil ri María, ruma lik jusukꞌ rubꞌinik y ruma na karaj taj kuya ukꞌix ri María chikiwach ri winaq, xraj kꞌut kuya kanoq e laꞌ na jinta kꞌo kenaꞌbꞌen re. 20 Ekꞌuchiriꞌ kuchꞌobꞌ raqan puwi waꞌ, xaqikꞌateꞌt jun ángel re ri Dios xukꞌut ribꞌ pa uwachikꞌ y xubꞌiꞌij che: «José, at ralkꞌoꞌal kan ri David, maxiꞌij awibꞌ che kakꞌam ri María re kuꞌan awixoqil,* Ri kakiꞌan rojertan raj Israel, e nabꞌe kakiyijbꞌaꞌ ruwujil ri kꞌulanikil jun junabꞌ chwach pan echiriꞌ kekꞌojiꞌ junam pa kocho. Ekꞌuchiriꞌ xkanaj kan ri María yewaꞌ ixoq, kꞌo chi ruwujil rukꞌulanikil rukꞌ ri José, tobꞌ rire kꞌa kꞌo pa kocho ruchu-uqaw. Ekꞌu riꞌ ri José ruma ri tzij kiꞌanom chik, xuchꞌobꞌ raqan kuya kan ruwujil re jachbꞌal ibꞌ che ri María. Dt. 24:1 ma rumatzem rire, ukꞌulum ruma ri Santowilaj Ruxlabꞌixel ri Dios. 21 Kalax kꞌu jun ralabꞌ y Jesús rubꞌiꞌ kakojo, ma Rire kebꞌukolobꞌej† “Jesús” pa ri chꞌaꞌtem hebreo keꞌelawi “Kolobꞌenel”. rutinamit che ri kimak» xchaꞌ.
22 Ronoje waꞌ xuꞌano chaꞌ e kuꞌana janipa ri kubꞌiꞌij Ruchꞌaꞌtem ri Dios echiriꞌ ri qꞌalajisanel re ri Dios xubꞌiꞌij:
23 Chitanapeꞌ: Jun chomilaj qꞌapoj ali kakanaj yewaꞌ ixoq y kalax jun ralabꞌ. Ekꞌu rubꞌiꞌ kabꞌiꞌxik: Emanuel Is. 7:14
xchaꞌ. Waꞌ keꞌelawi “Dios xoꞌljeqel qukꞌ”. 24 Ekꞌuchiriꞌ xkꞌun saq chwach ri José, e xuꞌan ri xtaq che ruma ri ángel re ri Dios; xukꞌam kꞌu ri María re rixoqil. 25 Pero xuchajij na ruchomal ri María ma na xkꞌojiꞌ ta rukꞌ kꞌa echiriꞌ xalax na ri ralko ralabꞌ. Y Jesús rubꞌiꞌ xukojo.
*1:20 Ri kakiꞌan rojertan raj Israel, e nabꞌe kakiyijbꞌaꞌ ruwujil ri kꞌulanikil jun junabꞌ chwach pan echiriꞌ kekꞌojiꞌ junam pa kocho. Ekꞌuchiriꞌ xkanaj kan ri María yewaꞌ ixoq, kꞌo chi ruwujil rukꞌulanikil rukꞌ ri José, tobꞌ rire kꞌa kꞌo pa kocho ruchu-uqaw. Ekꞌu riꞌ ri José ruma ri tzij kiꞌanom chik, xuchꞌobꞌ raqan kuya kan ruwujil re jachbꞌal ibꞌ che ri María. Dt. 24:1
†1:21 “Jesús” pa ri chꞌaꞌtem hebreo keꞌelawi “Kolobꞌenel”.