79
79-küy •••• Yurtni basⱪan balayi’apǝttin kɵtürülgǝn nalǝ-zar
1 Asaf yazƣan küy: —
I Huda, ǝllǝr Ɵz mirasingƣa bɵsüp kirdi;
Ular Sening muⱪǝddǝs ibadǝthanangni bulƣidi;
Yerusalemni dɵwǝ-dɵwǝ harabilǝrgǝ aylandurdi. □ «I Huda, ǝllǝr Ɵz mirasingƣa bɵsüp kirdi; ular Sening muⱪǝddǝs ibadǝthanangni bulƣidi; Yerusalemni dɵwǝ-dɵwǝ harabilǝrgǝ aylandurdi» — bu küy Babil padixaⱨi Neboⱪadnisar miladiyǝdin ilgiriki 597-yili Yerusalemni, jümlidin muⱪǝddǝs ibadǝthanini wǝyran ⱪilip, nurƣun Israillarni ǝsirgǝ elip Babilƣa elip kǝtkǝndin keyin yezilƣan bolsa kerǝk.
2 Ular ⱪulliringning jǝsǝtlirini asmandiki uqar-ⱪanatlarƣa yǝm ⱪilip,
Mɵmin bǝndiliringning ǝtlirini daladiki ⱨaywanatlarƣa taxlap bǝrdi.
3 Ular hǝlⱪingning ⱪanlirini Yerusalem ǝtrapida sudǝk aⱪⱪuzdi,
Jǝsǝtlirini kɵmgili birǝr adǝmmu ⱪaldurmidi.
4 Ⱪoxnilirimiz aldida rǝswaƣa ⱪalduⱪ,
Ətrapimizdikilǝrgǝ mǝshirǝ wǝ mazaⱪ obyekti bolduⱪ.■ Zǝb. 44:14; 80:6
5 Ⱪaqanƣiqǝ, i Pǝrwǝrdigar?
Sǝn mǝnggügǝ ƣǝzǝplinǝmsǝn?
Sening yüriking ot bolup ɵrtiniwerǝmdu? □ «Sening yüriking ot bolup ɵrtiniwerǝmdu? » — ibraniy tilida «Sening ⱨǝsiting ot bolup ɵrtiniwerǝmdu? ». ■ Zǝb. 89:46
6 Ⱪǝⱨringni Seni tonumiƣan ǝllǝr üstigǝ,
Namingni bilmigǝn padixaⱨliⱪlar üstigǝ tɵkkǝysǝn! ■ Yǝr. 10:25
7 Qünki ular Yaⱪupni yalmap,
Uning makanini harabilikkǝ aylanduruwǝtti.
8 Ata-bowilirimizning ⱪǝbiⱨliklirini bizgǝ ⱨesablimiƣaysǝn;
Rǝⱨimdilliⱪliring bizning yenimizƣa qapsan kǝlgǝy!
Qünki biz intayin pǝs ǝⱨwalƣa qüxürülduⱪ. ■ Yǝx. 64:8
9 Ɵz namingning xɵⱨriti üqün bizgǝ yardǝm ⱪilƣaysǝn, i nijatliⱪimizning Hudasi,
Naming üqün bizni ⱪutⱪuzƣaysǝn, gunaⱨlirimizni kafarǝt ⱪilip kǝqürgǝysǝn;
10 Əllǝr nemixⱪa: «Ularning Hudasi ⱪǝyǝrdǝ?» dǝp mazaⱪ ⱪilixidu?
Ⱪulliring tɵkkǝn ⱪan ⱪǝrzining ⱨesabi ǝllǝr arisida, kɵz aldimizda ⱪilinsun.
11 Əsirlǝrning aⱨ-zarliri aldingƣa kǝlgǝy;
Bilikingning uluƣluⱪi bilǝn, ɵlümgǝ buyrulƣanlarni saⱪliƣaysǝn.
12 I Rǝb, yat ⱪoxnilirimizning Sanga ⱪilƣan zor ⱨaⱪaritini yǝttǝ ⱨǝssǝ ⱪoxup ɵzlirigǝ,
Yǝni ularning iqi-baƣriƣa ⱪayturƣaysǝn;
13 Xundaⱪ ⱪilip, Sening hǝlⱪing — Ɵzüng baⱪⱪan ⱪoyliring bolƣan bizlǝr,
Sanga mǝnggügǝ tǝxǝkkürlǝr eytimiz,
Əwladtin ǝwladⱪiqǝ Sening mǝdⱨiyiliringni ayan ⱪilimiz.
□79:1 «I Huda, ǝllǝr Ɵz mirasingƣa bɵsüp kirdi; ular Sening muⱪǝddǝs ibadǝthanangni bulƣidi; Yerusalemni dɵwǝ-dɵwǝ harabilǝrgǝ aylandurdi» — bu küy Babil padixaⱨi Neboⱪadnisar miladiyǝdin ilgiriki 597-yili Yerusalemni, jümlidin muⱪǝddǝs ibadǝthanini wǝyran ⱪilip, nurƣun Israillarni ǝsirgǝ elip Babilƣa elip kǝtkǝndin keyin yezilƣan bolsa kerǝk.
□79:5 «Sening yüriking ot bolup ɵrtiniwerǝmdu? » — ibraniy tilida «Sening ⱨǝsiting ot bolup ɵrtiniwerǝmdu? ».