1 Tu güe lá'anazqueza' Xránadxu Dios te zra chizrela.

Tu gúl-lazqueza' da güe lá'ana na Le̱'.

2 Xezaca ba lázrele̱na' Xránadxu Dios.

Xelén benne' dxexruj lazre' da caní, na' welebéle̱'e̱ne̱'.

3 Le gucá'ana szren Xránadxu Dios tu zren nen neda',

na' tu zren gucá'ana szrendxu La lá'azxa chie̱'.

4 Bláwizra' Xránadxu Dios, na' Le̱' benne̱' chia',

ne bselé̱' neda' lu xúgute̱ da buluchebe na neda'.

5 Benne' ca' gulebeza lazre̱' Le̱' belelé'ene̱' da xabáa chee̱',

ne quebe belexedué'ene̱'.

6 Neda', benne' xache', bláwizra',

na' ben Xránadxu Dios chia',

ne bselé̱' neda' lu xúgute̱ da dxezaca zi'a.

7 Gubáz chee̱ Xránadxu zue̱' cuita benne' ca' dxelezrebe̱' Le̱',

na' dxucu'uje̱' benne' ca'.

8 Le guxúe xque, na' lé'ele naca xrlátaje Xránadxu Dios.

Ba neza zrente̱ naca na chee̱ bénnea' dxuxrén lazre̱' Le̱'.

9 Le zrebe Xránadxu Dios, le'e, nácale benne' chee̱ Lé̱queze̱',

lawe' da quee bi dxelexazrje benne' ca' dxelezrebe̱' Le̱'.

10 Be̱zre xíxre'du ca' dxelexázrjeba', ne dxeledunba'.

Benne' ca' dxelebeza lazre̱' Xránadxu Dios

11 Le da, bidau', ne le xen chia'.

Gusé̱deda' le'e chee̱ zrébele Xránadxu Dios.

12 ¿Nu benne' ládujla le'e dxaca lazre̱' xegá'ane̱'

bénnea' dxaca lazre̱' sue̱' zane' iza chee̱ lé'ene̱' da chawe'?

13 Bxue xanne' ca dxuchálaju' chee̱ quebe nneu' da cale̱la,

ne chee̱ quebe guchálaju' da we̱n lazre'.

14 Bsan da cale̱la da dxunu', na' be̱n da xrlátaje.

Be̱n ba xuzre gapu' xel-la' dxebeza zri lazre',

15 Dxuxúe Xránadxu Dios benne' ca' zaj naque̱' xrlátaje,

ne dxuzé̱ nague̱' da dxululáwizre̱' Le̱'.

16 Dxezrá'a Xránadxu Dios benne' ca' dxelune̱' da cale̱la,

chee̱ quebe sua nu benne' chajsá lazre̱'

17 Benne' xrlátaje ca' dxululáwizre̱' Xránadxu Dios,

ne dxuselé̱' benne' ca' lu xúgute̱ da dxelezaca zi'e̱.

18 Gágute̱ zua Xránadxu Dios naga zaj zra' benne' ca'

ne dxuselé̱' benne' ca' dxelexewi'ine lazre̱'.

19 Da zante̱ da dxezaca zi' benne' xrlátaje.

Dxuselá Xránadxu Dios bénnea' lu xúgute̱ da ca'.

20 Le̱' dxuxúequeze̱' xúgute̱ zrita xu'e̱,

na' netú zrita chee̱' quebe gachaj na.

21 Dul-la da dxun benne' we̱n da cale̱la gute na le̱',

na' xelebía xi' benne' ca' dxelecuídene̱' benne' xrlátaje.

22 Xránadxu Dios dxexá'awe̱' bénne'du xu'u

na' xúgute̱ benne' ca' dxuluxrén lazre̱' Le̱'