Ⅰ அநந்தரம்ʼ யிரூஸா²லம ஆக³தா​: பி²ரூஸி²நோ(அ)த்⁴யாபகாஸ்²ச யீஸோ²​: ஸமீபம் ஆக³தா​:|

Ⅱ தே தஸ்ய கியத​: ஸி²ஷ்யாந் அஸு²சிகரைரர்தா²த³ அப்ரக்ஷாலிதஹஸ்தை ர்பு⁴ஞ்ஜதோ த்³ருʼஷ்ட்வா தாநதூ³ஷயந்|

Ⅲ யத​: பி²ரூஸி²ந​: ஸர்வ்வயிஹூதீ³யாஸ்²ச ப்ராசாம்ʼ பரம்பராக³தவாக்யம்ʼ ஸம்மந்ய ப்ரதலேந ஹஸ்தாந் அப்ரக்ஷால்ய ந பு⁴ஞ்ஜதே|

Ⅳ ஆபநாதா³க³த்ய மஜ்ஜநம்ʼ விநா ந கா²த³ந்தி; ததா² பாநபாத்ராணாம்ʼ ஜலபாத்ராணாம்ʼ பித்தலபாத்ராணாம் ஆஸநாநாஞ்ச ஜலே மஜ்ஜநம் இத்யாத³யோந்யேபி ப³ஹவஸ்தேஷாமாசாரா​: ஸந்தி|

Ⅴ தே பி²ரூஸி²நோ(அ)த்⁴யாபகாஸ்²ச யீஸு²ம்ʼ பப்ரச்சு²​:, தவ ஸி²ஷ்யா​: ப்ராசாம்ʼ பரம்பராக³தவாக்யாநுஸாரேண நாசரந்தோ(அ)ப்ரக்ஷாலிதகரை​: குதோ பு⁴ஜம்ʼதே?

Ⅵ தத​: ஸ ப்ரத்யுவாச கபடிநோ யுஷ்மாந் உத்³தி³ஸ்²ய யிஸ²யியப⁴விஷ்யத்³வாதீ³ யுக்தமவாதீ³த்| யதா² ஸ்வகீயைரத⁴ரைரேதே ஸம்மந்யநதே ஸதை³வ மாம்ʼ| கிந்து மத்தோ விப்ரகர்ஷே ஸந்தி தேஷாம்ʼ மநாம்ʼஸி ச|

Ⅶ ஸி²க்ஷயந்தோ பி³தீ⁴ந் ந்நாஜ்ஞா ப⁴ஜந்தே மாம்ʼ முதை⁴வ தே|

Ⅷ யூயம்ʼ ஜலபாத்ரபாநபாத்ராதீ³நி மஜ்ஜயந்தோ மநுஜபரம்பராக³தவாக்யம்ʼ ரக்ஷத² கிந்து ஈஸ்²வராஜ்ஞாம்ʼ லம்ʼக⁴த்⁴வே; அபரா ஈத்³ருʼஸ்²யோநேகா​: க்ரியா அபி குருத்⁴வே|

Ⅸ அந்யஞ்சாகத²யத் யூயம்ʼ ஸ்வபரம்பராக³தவாக்யஸ்ய ரக்ஷார்த²ம்ʼ ஸ்பஷ்டரூபேண ஈஸ்²வராஜ்ஞாம்ʼ லோபயத²|

Ⅹ யதோ மூஸாத்³வாரா ப்ரோக்தமஸ்தி ஸ்வபிதரௌ ஸம்மந்யத்⁴வம்ʼ யஸ்து மாதரம்ʼ பிதரம்ʼ வா து³ர்வ்வாக்யம்ʼ வக்தி ஸ நிதாந்தம்ʼ ஹந்யதாம்ʼ|

Ⅺ கிந்து மதீ³யேந யேந த்³ரவ்யேண தவோபகாரோப⁴வத் தத் கர்ப்³பா³ணமர்தா²த்³ ஈஸ்²வராய நிவேதி³தம் இத³ம்ʼ வாக்யம்ʼ யதி³ கோபி பிதரம்ʼ மாதரம்ʼ வா வக்தி

Ⅻ தர்ஹி யூயம்ʼ மாது​: பிது ர்வோபகாரம்ʼ கர்த்தாம்ʼ தம்ʼ வாரயத²|

ⅩⅢ இத்த²ம்ʼ ஸ்வப்ரசாரிதபரம்பராக³தவாக்யேந யூயம் ஈஸ்²வராஜ்ஞாம்ʼ முதா⁴ வித⁴த்³வ்வே, ஈத்³ருʼஸா²ந்யந்யாந்யநேகாநி கர்ம்மாணி குருத்⁴வே|

ⅩⅣ அத² ஸ லோகாநாஹூய ப³பா⁴ஷே யூயம்ʼ ஸர்வ்வே மத்³வாக்யம்ʼ ஸ்²ருʼணுத பு³த்⁴யத்⁴வஞ்ச|

ⅩⅤ பா³ஹ்யாத³ந்தரம்ʼ ப்ரவிஸ்²ய நரமமேத்⁴யம்ʼ கர்த்தாம்ʼ ஸ²க்நோதி ஈத்³ருʼஸ²ம்ʼ கிமபி வஸ்து நாஸ்தி, வரம் அந்தராத்³ ப³ஹிர்க³தம்ʼ யத்³வஸ்து தந்மநுஜம் அமேத்⁴யம்ʼ கரோதி|

ⅩⅥ யஸ்ய ஸ்²ரோதும்ʼ ஸ்²ரோத்ரே ஸ்த​: ஸ ஸ்²ருʼணோது|

ⅩⅦ தத​: ஸ லோகாந் ஹித்வா க்³ருʼஹமத்⁴யம்ʼ ப்ரவிஷ்டஸ்ததா³ ஸி²ஷ்யாஸ்தத்³ருʼஷ்டாந்தவாக்யார்த²ம்ʼ பப்ரச்சு²​:|

ⅩⅧ தஸ்மாத் ஸ தாந் ஜகா³த³ யூயமபி கிமேதாத்³ருʼக³போ³தா⁴​:? கிமபி த்³ரவ்யம்ʼ பா³ஹ்யாத³ந்தரம்ʼ ப்ரவிஸ்²ய நரமமேத்⁴யம்ʼ கர்த்தாம்ʼ ந ஸ²க்நோதி கதா²மிமாம்ʼ கிம்ʼ ந பு³த்⁴யத்⁴வே?

ⅩⅨ தத் தத³ந்தர்ந ப்ரவிஸ²தி கிந்து குக்ஷிமத்⁴யம்ʼ ப்ரவிஸ²தி ஸே²ஷே ஸர்வ்வபு⁴க்தவஸ்துக்³ராஹிணி ப³ஹிர்தே³ஸே² நிர்யாதி|

ⅩⅩ அபரமப்யவாதீ³த்³ யந்நராந்நிரேதி ததே³வ நரமமேத்⁴யம்ʼ கரோதி|

ⅩⅪ யதோ(அ)ந்தராத்³ அர்தா²ந் மாநவாநாம்ʼ மநோப்⁴ய​: குசிந்தா பரஸ்த்ரீவேஸ்²யாக³மநம்ʼ

ⅩⅫ நரவத⁴ஸ்²சௌர்ய்யம்ʼ லோபோ⁴ து³ஷ்டதா ப்ரவஞ்சநா காமுகதா குத்³ருʼஷ்டிரீஸ்²வரநிந்தா³ க³ர்வ்வஸ்தம இத்யாதீ³நி நிர்க³ச்ச²ந்தி|

ⅩⅩⅢ ஏதாநி ஸர்வ்வாணி து³ரிதாந்யந்தராதே³த்ய நரமமேத்⁴யம்ʼ குர்வ்வந்தி|

ⅩⅩⅣ அத² ஸ உத்தா²ய தத்ஸ்தா²நாத் ஸோரஸீதோ³ந்புரப்ரதே³ஸ²ம்ʼ ஜகா³ம தத்ர கிமபி நிவேஸ²நம்ʼ ப்ரவிஸ்²ய ஸர்வ்வைரஜ்ஞாத​: ஸ்தா²தும்ʼ மதிஞ்சக்ரே கிந்து கு³ப்த​: ஸ்தா²தும்ʼ ந ஸ²ஸா²க|

ⅩⅩⅤ யத​: ஸுரபை²நிகீதே³ஸீ²யயூநாநீவம்ʼஸோ²த்³ப⁴வஸ்த்ரியா​: கந்யா பூ⁴தக்³ரஸ்தாஸீத்| ஸா ஸ்த்ரீ தத்³வார்த்தாம்ʼ ப்ராப்ய தத்ஸமீபமாக³த்ய தச்சரணயோ​: பதித்வா

ⅩⅩⅥ ஸ்வகந்யாதோ பூ⁴தம்ʼ நிராகர்த்தாம்ʼ தஸ்மிந் விநயம்ʼ க்ருʼதவதீ|

ⅩⅩⅦ கிந்து யீஸு²ஸ்தாமவத³த் ப்ரத²மம்ʼ பா³லகாஸ்த்ருʼப்யந்து யதோ பா³லகாநாம்ʼ கா²த்³யம்ʼ க்³ருʼஹீத்வா குக்குரேப்⁴யோ நிக்ஷேபோ(அ)நுசித​:|

ⅩⅩⅧ ததா³ ஸா ஸ்த்ரீ தமவாதீ³த் போ⁴​: ப்ரபோ⁴ தத் ஸத்யம்ʼ ததா²பி மஞ்சாத⁴​:ஸ்தா²​: குக்குரா பா³லாநாம்ʼ கரபதிதாநி கா²த்³யக²ண்டா³நி கா²த³ந்தி|

ⅩⅩⅨ தத​: ஸோ(அ)கத²யத்³ ஏதத்கதா²ஹேதோ​: ஸகுஸ²லா யாஹி தவ கந்யாம்ʼ த்யக்த்வா பூ⁴தோ க³த​:|

ⅩⅩⅩ அத² ஸா ஸ்த்ரீ க்³ருʼஹம்ʼ க³த்வா கந்யாம்ʼ பூ⁴தத்யக்தாம்ʼ ஸ²ய்யாஸ்தி²தாம்ʼ த³த³ர்ஸ²|

ⅩⅩⅪ புநஸ்²ச ஸ ஸோரஸீதோ³ந்புரப்ரதே³ஸா²த் ப்ரஸ்தா²ய தி³காபலிதே³ஸ²ஸ்ய ப்ராந்தரபா⁴கே³ந கா³லீல்ஜலதே⁴​: ஸமீபம்ʼ க³தவாந்|

ⅩⅩⅫ ததா³ லோகைரேகம்ʼ ப³தி⁴ரம்ʼ கத்³வத³ஞ்ச நரம்ʼ தந்நிகடமாநீய தஸ்ய கா³த்ரே ஹஸ்தமர்பயிதும்ʼ விநய​: க்ருʼத​:|

ⅩⅩⅩⅢ ததோ யீஸு² ர்லோகாரண்யாத் தம்ʼ நிர்ஜநமாநீய தஸ்ய கர்ணயோங்கு³லீ ர்த³தௌ³ நிஷ்டீ²வம்ʼ த³த்த்வா ச தஜ்ஜிஹ்வாம்ʼ பஸ்பர்ஸ²|

ⅩⅩⅩⅣ அநந்தரம்ʼ ஸ்வர்க³ம்ʼ நிரீக்ஷ்ய தீ³ர்க⁴ம்ʼ நிஸ்²வஸ்ய தமவத³த் இதப²த​: அர்தா²ந் முக்தோ பூ⁴யாத்|

ⅩⅩⅩⅤ ததஸ்தத்க்ஷணம்ʼ தஸ்ய கர்ணௌ முக்தௌ ஜிஹ்வாயாஸ்²ச ஜாட்³யாபக³மாத் ஸ ஸுஸ்பஷ்டவாக்யமகத²யத்|

ⅩⅩⅩⅥ அத² ஸ தாந் வாட⁴மித்யாதி³தே³ஸ² யூயமிமாம்ʼ கதா²ம்ʼ கஸ்மைசித³பி மா கத²யத, கிந்து ஸ யதி ந்யஷேத⁴த் தே ததி பா³ஹுல்யேந ப்ராசாரயந்;

ⅩⅩⅩⅦ தே(அ)திசமத்க்ருʼத்ய பரஸ்பரம்ʼ கத²யாமாஸு​: ஸ ப³தி⁴ராய ஸ்²ரவணஸ²க்திம்ʼ மூகாய ச கத²நஸ²க்திம்ʼ த³த்த்வா ஸர்வ்வம்ʼ கர்ம்மோத்தமரூபேண சகார|