ⅩⅦ
Ⅰ தத³நந்தரம்ʼ தேஷாம்ʼ ஸப்தகம்ʼஸதா⁴ரிணாம்ʼ ஸப்ததூ³தாநாம் ஏக ஆக³த்ய மாம்ʼ ஸம்பா⁴ஷ்யாவத³த், அத்ராக³ச்ச², மேதி³ந்யா நரபதயோ யயா வேஸ்²யயா ஸார்த்³த⁴ம்ʼ வ்யபி⁴சாரகர்ம்ம க்ருʼதவந்த:,
Ⅱ யஸ்யா வ்யபி⁴சாரமதே³ந ச ப்ருʼதி²வீநிவாஸிநோ மத்தா அப⁴வந் தஸ்யா ப³ஹுதோயேஷூபவிஷ்டாயா மஹாவேஸ்²யாயா த³ண்ட³ம் அஹம்ʼ த்வாம்ʼ த³ர்ஸ²யாமி|
Ⅲ ததோ (அ)ஹம் ஆத்மநாவிஷ்டஸ்தேந தூ³தேந ப்ராந்தரம்ʼ நீதஸ்தத்ர நிந்தா³நாமபி⁴: பரிபூர்ணம்ʼ ஸப்தஸி²ரோபி⁴ ர்த³ஸ²ஸ்²ருʼங்கை³ஸ்²ச விஸி²ஷ்டம்ʼ ஸிந்தூ³ரவர்ணம்ʼ பஸு²முபவிஷ்டா யோஷிதே³கா மயா த்³ருʼஷ்டா|
Ⅳ ஸா நாரீ க்ருʼஷ்ணலோஹிதவர்ணம்ʼ ஸிந்தூ³ரவர்ணஞ்ச பரிச்ச²த³ம்ʼ தா⁴ரயதி ஸ்வர்ணமணிமுக்தாபி⁴ஸ்²ச விபூ⁴ஷிதாஸ்தி தஸ்யா: கரே க்⁴ருʼணார்ஹத்³ரவ்யை: ஸ்வவ்யபி⁴சாரஜாதமலைஸ்²ச பரிபூர்ண ஏக: ஸுவர்ணமய: கம்ʼஸோ வித்³யதே|
Ⅴ தஸ்யா பா⁴லே நிகூ³ட⁴வாக்யமித³ம்ʼ ப்ருʼதி²வீஸ்த²வேஸ்²யாநாம்ʼ க்⁴ருʼண்யக்ரியாணாஞ்ச மாதா மஹாபா³பி³லிதி நாம லிகி²தம் ஆஸ்தே|
Ⅵ மம த்³ருʼஷ்டிகோ³சரஸ்தா² ஸா நாரீ பவித்ரலோகாநாம்ʼ ருதி⁴ரேண யீஸோ²: ஸாக்ஷிணாம்ʼ ருதி⁴ரேண ச மத்தாஸீத் தஸ்யா த³ர்ஸ²நாத் மமாதிஸ²யம் ஆஸ்²சர்ய்யஜ்ஞாநம்ʼ ஜாதம்ʼ|
Ⅶ தத: ஸ தூ³தோ மாம் அவத³த் குதஸ்தவாஸ்²சர்ய்யஜ்ஞாநம்ʼ ஜாயதே? அஸ்யா யோஷிதஸ்தத்³வாஹநஸ்ய ஸப்தஸி²ரோபி⁴ ர்த³ஸ²ஸ்²ருʼங்கை³ஸ்²ச யுக்தஸ்ய பஸோ²ஸ்²ச நிகூ³ட⁴பா⁴வம் அஹம்ʼ த்வாம்ʼ ஜ்ஞாபயாமி|
Ⅷ த்வயா த்³ருʼஷ்டோ (அ)ஸௌ பஸு²ராஸீத் நேதா³நீம்ʼ வர்த்ததே கிந்து ரஸாதலாத் தேநோதே³தவ்யம்ʼ விநாஸ²ஸ்²ச க³ந்தவ்ய:| ததோ யேஷாம்ʼ நாமாநி ஜக³த: ஸ்ருʼஷ்டிகாலம் ஆரப்⁴ய ஜீவநபுஸ்தகே லிகி²தாநி ந வித்³யந்தே தே ப்ருʼதி²வீநிவாஸிநோ பூ⁴தம் அவர்த்தமாநமுபஸ்தா²ஸ்யந்தஞ்ச தம்ʼ பஸு²ம்ʼ த்³ருʼஷ்ட்வாஸ்²சர்ய்யம்ʼ மம்ʼஸ்யந்தே|
Ⅸ அத்ர ஜ்ஞாநயுக்தயா பு³த்³த்⁴யா ப்ரகாஸி²தவ்யம்ʼ| தாநி ஸப்தஸி²ராம்ʼஸி தஸ்யா யோஷித உபவேஸ²நஸ்தா²நஸ்வரூபா: ஸப்தகி³ரய: ஸப்த ராஜாநஸ்²ச ஸந்தி|
Ⅹ தேஷாம்ʼ பஞ்ச பதிதா ஏகஸ்²ச வர்த்தமாந: ஸே²ஷஸ்²சாத்³யாப்யநுபஸ்தி²த: ஸ யதோ³பஸ்தா²ஸ்யதி ததா³பி தேநால்பகாலம்ʼ ஸ்தா²தவ்யம்ʼ|
Ⅺ ய: பஸு²ராஸீத் கிந்த்விதா³நீம்ʼ ந வர்த்ததே ஸ ஏவாஷ்டம:, ஸ ஸப்தாநாம் ஏகோ (அ)ஸ்தி விநாஸ²ம்ʼ க³மிஷ்யதி ச|
Ⅻ த்வயா த்³ருʼஷ்டாநி த³ஸ²ஸ்²ருʼங்கா³ண்யபி த³ஸ² ராஜாந: ஸந்தி:, அத்³யாபி தை ராஜ்யம்ʼ ந ப்ராப்தம்ʼ கிந்து முஹூர்த்தமேகம்ʼ யாவத் பஸு²நா ஸார்த்³த⁴ம்ʼ தே ராஜாந இவ ப்ரபு⁴த்வம்ʼ ப்ராப்ஸ்யந்தி|
ⅩⅢ த ஏகமந்த்ரணா ப⁴விஷ்யந்தி ஸ்வகீயஸ²க்திப்ரபா⁴வௌ பஸ²வே தா³ஸ்யந்தி ச|
ⅩⅣ தே மேஷஸா²வகேந ஸார்த்³த⁴ம்ʼ யோத்ஸ்யந்தி, கிந்து மேஷஸா²வகஸ்தாந் ஜேஷ்யதி யத: ஸ ப்ரபூ⁴நாம்ʼ ப்ரபூ⁴ ராஜ்ஞாம்ʼ ராஜா சாஸ்தி தஸ்ய ஸங்கி³நோ (அ)ப்யாஹூதா அபி⁴ருசிதா விஸ்²வாஸ்யாஸ்²ச|
ⅩⅤ அபரம்ʼ ஸ மாம் அவத³த் ஸா வேஸ்²யா யத்ரோபவிஸ²தி தாநி தோயாநி லோகா ஜநதா ஜாதயோ நாநாபா⁴ஷாவாதி³நஸ்²ச ஸந்தி|
ⅩⅥ த்வயா த்³ருʼஷ்டாநி த³ஸ² ஸ்²ருʼங்கா³ணி பஸு²ஸ்²சேமே தாம்ʼ வேஸ்²யாம் ருʼதீயிஷ்யந்தே தீ³நாம்ʼ நக்³நாஞ்ச கரிஷ்யந்தி தஸ்யா மாம்ʼஸாநி போ⁴க்ஷ்யந்தே வஹ்நிநா தாம்ʼ தா³ஹயிஷ்யந்தி ச|
ⅩⅦ யத ஈஸ்²வரஸ்ய வாக்யாநி யாவத் ஸித்³தி⁴ம்ʼ ந க³மிஷ்யந்தி தாவத்³ ஈஸ்²வரஸ்ய மநோக³தம்ʼ ஸாத⁴யிதும் ஏகாம்ʼ மந்த்ரணாம்ʼ க்ருʼத்வா தஸ்மை பஸ²வே ஸ்வேஷாம்ʼ ராஜ்யம்ʼ தா³துஞ்ச தேஷாம்ʼ மநாம்ʼஸீஸ்²வரேண ப்ரவர்த்திதாநி|
ⅩⅧ அபரம்ʼ த்வயா த்³ருʼஷ்டா யோஷித் ஸா மஹாநக³ரீ யா ப்ருʼதி²வ்யா ராஜ்ஞாம் உபரி ராஜத்வம்ʼ குருதே|