1-2 Mateꞌen te Yesus Karistus fali neni daebafok ia mai fo toꞌu palenda leo Manek. Mae hataholi bei kasodak, ma mae hataholi mana mate kala so, basa sala leu lataa Ndia, fo Ana naketu sila dedeꞌa nala. De, au adenu o tebe-tebe nai Manetualain ma Yesus Karistus matan, fo muu tui-bengga hataholi la Manetualain Dedeꞌa-kokolan. Mahehele taa-taa! Boso duduꞌa fain ndia malole do taa. Matudu hataholi la sala nala. Ma toko-kaꞌi neulalau sala, no nggale loak. Matetea hataholi la dale nala, munik nanonoli ndoos.

3 Te neu ko mbila-binesak, hataholi la tala nau lamanene nanonoli ndoos bali. Ala lakabubua lala mese nala, mana kokolak tungga sila hihiin, fo tao kada lamahoko dale nala. 4 Ala susule ndiꞌidoo nala, fo timba heni nanonoli ndoos. Tehuu ala pasak ndiꞌidoo nala, fo lamanene tutuꞌi pepeko kala!

5 Mae leobee boe oo, o musi pake duduꞌa naluk bangganaꞌuk. Matetea nai doidosok dale. Muu tui-bengga Hala Malole, fo hataholi la simbok Yesus Karistus. Ono-lau hataholi la no dale namahokok losa basa ues ndia. Boso tao kada no dale bibiak.

6 Boso mbali au, huu au fai mamateng deka-deka so. Au ia sama leo nggalas, tehuu isin sangga basan so.* Faik fo hataholi Yahudi la, tao tunu-hotuk nai Uma Ina Huhule-haladoik, hambu tunu-hotuk esa, ndia, musi mboꞌa anggol oek neu mei tunu-hotuk lain. Fama Paulus fee nakandandaak, nae, ndia sodan sama leo anggol oek, fo sangga mboꞌa basan so, fo ana dadik tunu-hotuk neu Manetualain. 7 Tehuu au asusua tingga-tingga, de au alaik losa too-lane so. Au tungga akandoo Yesus Karistus, fo ta singgo sudi bee uu. 8 Hatematak ia, ela kada dedeꞌak esak, fo au ahanin. Ndia piala fo Lamatuak mbeda mema kana, soaneu basa hataholi fo lasoda lo ndoos. Ita Lamatuan ndia, na ndia mana maketu no ndoos. Ndia ta namabela seselik. Nandaa no ndia fain, na Ana fee au piala ndia. Ma ta kada au mesanggau. Te basa hataholi mana sue Ndia, ma lahani Ndia mamain, sila hambu beker leondiak boe!

9 Tius ei! Mai lai-lai fo tilo au dei! 10 Huu hatematak ia, kada au mesa nggau. Kareskes laꞌo neni nusa Galati neu so. Ma Titus neni nusa Dalmatia neu so boe. Ma Demas sue hata daebafok ia fo papake tak, de ana laꞌo ela au so, fo neni kota Tesalonika neu.✡ Kolose 4:14; Filmon 24; 2 Korintus 8:23; Galati 2:3; Titus 1:4 11 Kada Lukas mesa kana leo no au nai ia. Sangga mala Markus, fo ei dua nggei mai noꞌu. Huu ndia bisa tulu-fali au, mata-mata kala nai ia.✡ Kolose 4:14; Filmon 24; Hataholi Nadedenu nala Tutuin 12:12, 25; 13:13; 15:37-39; Kolose 4:10 12 Au haitua Tikikus neni kota Efesus neu so.✡ Hataholi Nadedenu nala Tutuin 20:4; Efesus 6:21-22; Kolose 4:7-8 13 Mete ma o mai, na, boso lilii muni au badu jeket fo au laꞌo élan nai Karpus uman, nai kota Troas. Ma boso lilii muni au susula nggala, nakalenak nana sulak nai banda louk.✡ Hataholi Nadedenu nala Tutuin 20:6

14 Aleksander mana tutu liti ndia, ana tao manggalauk ta fak neu au so. Elan neme naa, te neu ko Lamatuak bala ndia, tungga ndia tatao manggalaun ndia.✡ 1 Timotius 1:20; Sosoda Koa-kio kala 62:12; Roma 2:6 15 O musi mata neuk mua hataholi ndia, huu nateme laban ita dedeꞌa-kokolan.

16 Faik makasososan au ambadeik nai mana maketu matan fo au lada au dedeꞌang, na, ta hambu hataholi esa nanonoo no au boe. Sila basa sala laꞌo ela au. Neme naa leo! Ela kada Manetualain nafalende heni sila sala nala. 17 Mae leondiak boe oo, tehuu Lamatuak ta laꞌo ela au. Ana natetea au, suek au bisa u tui-bengga Ndia Hala Malolen no ta toꞌa hata esa boe. Au tui-bengga leondiak neu basa hataholi ta Yahudi la, fo ala lamanene Hala Malole ndia. Ma au boe oo, akamboꞌik uma soe inahuuk ndia mai. 18 Ma neu ko Manetualain nakamboꞌik au neme basa manggalau kala sila mai. Ma Ana nakalalaꞌok au no sodak, neni nusa-sodak uu. Nai ndia, Ndia ndia toꞌu palenda.

Manetualain ndia ana seli! Au koa-kio soꞌu akadedema kana ta no namaketuk. Amin.

19 Boso lilii fee soda-molek neu kaꞌa Priskila,† Dedeꞌa Yunani nai ia nae, Priska. Priska no Priskila ndia, nadek dua te hataholi esak. no saon kaꞌa Akila. Leondiak boe neu basa Onesiforus bobonggin.✡ Hataholi Nadedenu nala Tutuin 18:2; 2 Timotius 1:16-17 20 Erastus bei leo nai kota Korintus. Fai makahulun au laꞌo ela Trofimus nai kota Miletus, huu faik ndia, namahedi belak.✡ Hataholi Nadedenu nala Tutuin 19:22; Roma 16:23; Hataholi Nadedenu nala Tutuin 20:4; 21:29 21 Masusua fo fai makasufun bei ta mai, naa te o losa so. Ita nonoon manai ia kala, ndia: Ebulus, Pudes, Linus, ma kaꞌa Klaudia. Ala haitua soda-molek neu ei basa nggei. Leondiak boe oo neu ita tolanoo salanik feꞌe nala.

22 Au hule fo Manetualain no o nakandoo, ma Ana natudu Ndia dale malolen neu ei basa nggei.