Da 127. Psalm.
Alles Goodes Kumd Fumm Hah
Fumm Solomon. En leet fa ksunga sei uf em vayk nuff an Jerusalem.
1 Vann da Hah's haus nett baut,
dann is di eahvet funn di shaff-leit fa nix.
Vann da Hah nett ivvah di shtatt vatsht,
dann doon di vatshah es vatsha fa nix.
2 Es is fa nix es diah free uf shtaynd,
un shpoht in's bett gaynd,
am shaffa fa broht zu essa;
fa eah gebt shlohf zu selli es eah leeb hott.
3 Kinnah sinn en kshenk fumm Hah,
un di frucht fumm muddahs-leib is gevva bei eem.
4 Vi arrows in di hand fumm greeks-gnecht,
so sinn di boova es geboahra sinn zu ebbah es noch yung is.
5 Ksaykend is da mann
es sei arrow-sakk foll hott mitt si.
Si vadda nett kshohmd
vann si shvetza mitt iahra feinda im doah.