1 Da Dawfit mitt sei greeks-hauptmennah henn no mennah fumm Asaph, Heman un em Jedithun iahra families raus ksetzt fa broffetzeiya mitt grohsi un glenni harfa un mitt cymbals. Do sinn di nayma funn di mennah es deah deensht katt henn:

2 Fumm Asaph sei boova voah's da Sakkur, da Joseph, da Nethania un da Asarela. Em Asaph sei boova henn kshaft unnich em Asaph, un eah hott gebroffetzeit unnich em kaynich.

3 Fumm Jedithun sei boova voah's da Gedalia, da Sori, da Jesaia, da Hasabia, da Matthithia un da Simei—sexa alles zammah. Si henn kshaft unnich em Jedithun. Eah hott gebroffetzeit mitt di harf un hott da Hah glohbt un gedankt.

4 Fumm Heman sei boova voah's da Bukkia, da Matthania, da Usiel, da Sebuel, da Jerimoth, da Hanania, da Hanani, da Eliatha, da Giddalthi, da Romamthi-Eser, da Josbekasa, da Mallothi, da Hothir un da Mahesioth.

5 Dess voahra awl di boova fumm Heman, em Dawfit sei brofayt. Gott hott eem dee gevva vi eah fashprocha hott fa eem eah gevva. Gott hott em Heman fatzay boova un drei mayt gevva.

6 Awl dee mennah henn kshaft unnich iahra feddah fa singa im haus fumm Hah mitt grohsi un glenni harfa un cymbals fa deena im haus funn Gott. Da Asaph, Jedithun un da Heman henn kshaft unnich em kaynich.

7 Da nambah funn eena un iahra freindshaft es gland voahra un goot voahra am singa fa da Hah voah 288.

8 Yung un ald, leahrah un shoolah, henn awl gezowwa im lohs fa iahra eahvet.

9 Es eahsht lohs voah fa em Asaph sei shtamm un's is uf da Joseph kfalla. Es zvett lohs is uf da Gedalia kfalla, eah, sei boova un breedah voahra zvelfa,

10 es dridda is uf da Sakkur kfalla, eah, sei boova un breedah voahra zvelfa,

11 es fiahda is uf da Jizri kfalla, eah, sei boova un breedah voahra zvelfa,

12 es fimfda is uf da Nethania kfalla, eah, sei boova un breedah voahra zvelfa,

13 es sexda is uf da Bukkia kfalla, eah, sei boova un breedah voahra zvelfa,

14 es sivvada is uf da Jesarela kfalla, eah, sei boova un breedah voahra zvelfa,

15 es achta is uf da Jesaia kfalla, eah, sei boova un breedah voahra zvelfa,

16 es neinda is uf da Matthania kfalla, eah, sei boova un breedah voahra zvelfa,

17 es zeyyada is uf da Semei kfalla, eah, sei boova un breedah voahra zvelfa,

18 es elfta is uf da Asareel kfalla, eah, sei boova un breedah voahra zvelfa,

19 es zvelfda is uf da Hasabia kfalla, eah, sei boova un breedah voahra zvelfa,

20 es dreitzayda is uf da Subael kfalla, eah, sei boova un breedah voahra zvelfa,

21 es fatzayda is uf da Matthithia kfalla, eah, sei boova un breedah voahra zvelfa,

22 es fuftzayda is uf da Jeremoth kfalla, eah, sei boova un breedah voahra zvelfa,

23 es sechtzayda is uf da Hanania kfalla, eah, sei boova un breedah voahra zvelfa,

24 es sivvatzayda is uf da Josbekasa kfalla, eah, sei boova un breedah voahra zvelfa,

25 es achtzayda is uf da Hanani kfalla, eah, sei boova un breedah voahra zvelfa,

26 es neintzayda is uf da Mallothi kfalla, eah, sei boova un breedah voahra zvelfa,

27 es zvansishta is uf da Eliatha kfalla, eah, sei boova un breedah voahra zvelfa,

28 es ayna zvansishta is uf da Hothir kfalla, eah, sei boova un breedah voahra zvelfa,

29 es zvay un zvansishta is uf da Giddalthi kfalla, eah, sei boova un breedah voahra zvelfa,

30 es drei un zvansishta is uf da Mahesioth kfalla, eah, sei boova un breedah voahra zvelfa,

31 es fiah un zvansishta is uf da Romamthi-Eser kfalla, eah, sei boova un breedah voahra zvelfa.