78
ܡܲܣܟܝܼܠܔ ܕܐܣܦ.
1 ܗܲܒ݂ܠܔ ܢܵܬܵܐ، ܝܵܐ ܥܲܡܝܼ، ܠܢܵܡܘܿܣܝܼ،
ܨܲܠܹܝܡܘܼܢ ܢܵܬܵܘܟ݂ܘܿܢ ܠܗܹܡܸܙܡܵܢܹ̈ܐ ܕܦܘܼܡܝܼ.
2 ܒܸܬ ܦܵܬܚܹܢ ܒܡܲܬܠܵܐ ܦܘܼܡܝܼ،
ܒܸܬ ܡܲܢܒܸܥܸܢ ܩܸܨܸܡ̈ܝܵܬܹܐ ܡ̣ܢ ܙܲܒ݂ܢܹ̈ܐ ܩܲܕܝܼܡܵܝܹ̈ܐ،
3 ܐܲܝܢܝܼ ܕܫܡܝܼܥ ܠܲܢ ܘܝܕܝܼܥܵܝ ܠܲܢ،
ܘܐܲܒ݂ܵܗܵܬܲܢ̈ ܗܘܼܩܹܐ ܠܗܘܿܢ ܐܸܠܲܢ.
4 ܠܹܐ ܛܲܫܲܚ ܠܗܘܿܢ ܡ̣ܢ ܒܢܘܿܢܵܝ̈ܗܝ،
ܠܬܵܘܠܲܕܬܵܐ ܐܚܹܪܬܵܐ ܗܲܩܘܼܝܹܐ ܬܸܫܒܘܿܚܝܵܬܹ̈ܐ ܕܡܵܪܝܵܐ،
ܘܚܲܝܠܹܗ ܘܥܲܓ̰ܝܼܒܘܼܝܵܬܘܼ̈ܗܝ ܕܥܒ݂ܝܼܕ ܠܹܗ.
5 ܒܗ̇ܝ ܕܡܘܼܩܸܡ ܠܹܗ ܣܵܗܕܘܼܬܵܐ ܓܵܘ ܝܲܥܩܘܿܒ݂،
ܘܢܵܡܘܿܣܵܐ ܡܘܼܬܸܒ݂ ܠܹܗ ܓܵܘ ܐܝܼܣܪܵܐܹܝܠܔ،
ܕܦܩܝܼܕ ܠܹܗ ܠܐܲܒ݂ܵܗܵܬܲܢ̈،
ܠܡܲܕܘܼܥܵܝ ܠܒܢܘܿܢܵܝ̈ܗܝ.
6 ܩܵܐ ܕܝܵܕܥܵܐ ܬܵܘܠܲܕܬܵܐ ܐܚܹܪܬܵܐ، ܒܢܘܿܢܹ̈ܐ ܕܦܵܝܫܝܼ ܝܠܝܼܕܹܐ،
ܩܵܝܡܝܼ ܘܗܲܩܝܼ ܠܒܢܘܿܢܵܝ̈ܗܝ،
7 ܕܡܲܬܒ݂ܝܼ ܒܐܲܠܵܗܵܐ ܬܘܼܟ݂ܠܵܢܵܝܗܝ،
ܘܠܵܐ ܢܵܫܝܼ ܦܘܼܠܚܵܢܹ̈ܐ ܕܐܲܠܵܗܵܐ،
ܐܝܼܢܵܐ ܢܵܛܪܝܼ ܠܗܘܿܢ ܦܘܼܩܕܵܢܘܼ̈ܗܝ.
8 ܘܠܵܐ ܗܵܘܝܼ ܐܲܝܟ݂ ܐܲܒ݂ܵܗܵܬܵܝ̈ܗܝ،
ܬܵܘܠܲܕܬܵܐ ܩܫܝܼܬܵܐ ܘܡܵܪܘܿܕܬܵܐ،
ܬܵܘܠܲܕܬܵܐ ܕܠܵܐ ܡܘܼܩܘܹܐ ܠܵܗ̇ ܠܸܒܘܼܗ̇،
ܘܠܵܐ ܗܘܹܐ ܠܵܗ̇ ܪܘܼܚܘܼܗ̇ ܡܗܘܼܡܸܢܬܵܐ ܒܐܲܠܵܗܵܐ.
9 ܒܢܲܝ̈ ܐܲܦܪܹܝܡ ܟ̰ܘܼܟܒܸܢܹ̈ܐ، ܕܵܪ̈ܝܵܢܹܐ ܕܩܸܫܬܵܐ،
ܐܝܼܢܵܐ ܕܝܼܪܗܘܿܢ ܠܒܵܬܪܵܐ ܒܝܵܘܡܵܐ ܕܦܠܵܫܵܐ.
10 ܠܵܐ ܢܛܝܼܪܗܘܿܢ ܘܲܥܕܵܐ ܕܐܲܠܵܗܵܐ،
ܘܡܘܼܚܦܸܠܔ ܠܗܘܿܢ ܠܸܚܕܵܪܵܐ ܒܢܵܡܘܿܣܹܗ.
11 ܘܢܫܹܐ ܠܗܘܿܢ ܦܘܼܠܚܵܢܘܼ̈ܗܝ،
ܘܕܘܼܡܵܪ̈ܘܼܗܝ ܕܡܘܼܚܙܹܐ ܠܹܗ ܐܸܠܵܝܗܝ.
12 ܩܲܕܡ ܐܲܒ݂ܵܗܵܬܵܝ̈ܗܝ ܥܒ݂ܝܼܕ ܠܹܗ ܕܘܼܡܵܪܹ̈ܐ،
ܒܐܲܪܥܵܐ ܕܡܸܨܪܹܝܢ، ܒܕܸܫܬܵܐ ܕܨܘܿܥܵܢ.
13 ܦܘܼܠܸܥ ܠܹܗ ܝܵܡܵܐ ܘܡܘܼܥܒܸܪܵܝ ܠܹܗ،
ܘܡܘܼܟܠܹܐ ܠܹܗ ܡ̈ܝܼܵܐ ܐܲܝܟ݂ ܩܘܼܚܵܐ.
14 ܘܡܕܘܼܒܪܵܝ ܠܹܗ ܒܥܢܵܢܵܐ ܒܐܝܼܡܵܡܵܐ،
ܘܟܠܹܗ ܠܲܝܠܹܐ ܒܒܲܗܪܵܐ ܕܢܘܼܪܵܐ.
15 ܟ̰ܠܝܼܦ ܠܹܗ ܐܝܼܨܵܪܹ̈ܐ ܓܵܘ ܒܲܪܝܼܵܐ،
ܘܡܘܼܫܬܝܼܵܝ ܠܹܗ ܪܵܒܵܐ ܐܲܝܟ݂ ܕܡ̣ܢ ܬܗܘܿܡܹ̈ܐ.
16 ܘܦܘܼܠܸܛ ܠܹܗ ܫܵܩ̈ܝܼܵܬܹܐ ܡ̣ܢ ܩܵܝܵܐ،
ܘܡܘܼܓ̰ܪܹܐ ܠܹܗ ܐܲܝܟ݂ ܢܲܗܪ̈ܵܘܵܬܹܐ ܡ̈ܝܼܵܐ.
17 ܐܝܼܢܵܐ ܡܘܼܙܝܸܕ ܠܗܘܿܢ ܡܸܢܕܪܸܫ ܠܸܚܛܵܝܵܐ ܥܲܠܘܼܗܝ،
ܠܸܥܒ݂ܵܕܵܐ ܡܵܪܘܿܕܘܼܬܵܐ ܥܲܠܔ ܥܸܠܵܝܵܐ ܒܐܲܪܥܵܐ ܒܵܪܘܿܙܬܵܐ.
18 ܘܓ̰ܘܼܪܸܒ ܠܗܘܿܢ ܠܐܲܠܵܗܵܐ ܒܠܸܒܵܝܗܝ،
ܠܸܛܠܵܒܵܐ ܡܹܐܟ݂ܘܼܠܬܵܐ ܩܵܐ ܓܵܢܵܝܗܝ.
19 ܘܗܘܼܡܙܸܡ ܠܗܘܿܢ ܥܲܠܔ ܐܲܠܵܗܵܐ،
ܐܡܝܼܪܗܘܿܢ: ”ܗܵܐ، ܡܵܨܹܐ ܐܲܠܵܗܵܐ ܠܡܲܪܝܘܼܙܹܐ ܨܘܼܦܪܵܐ ܓܵܘ ܒܲܪܝܼܵܐ؟
20 ”ܗܵܐ، ܡܚܹܐ ܠܹܗ ܠܐܝܼܨܵܪܵܐ ܘܓ̰ܪܹܐ ܠܗܘܿܢ ܡ̈ܝܼܵܐ،
ܘܫܵܩ̈ܝܼܵܬܹܐ ܫܦܝܼܟ݂ ܠܗܘܿܢ،
ܗܵܐ، ܐܘܼܦ ܠܲܚܡܵܐ ܡܵܨܹܐ ܠܝܼܵܗܒ݂ܵܐ؟
ܝܲܢ ܡܵܨܹܐ ܗܲܕܸܪ ܒܸܣܪܵܐ ܩܵܐ ܥܲܡܹܗ؟“
21 ܒܘܼܬ ܐܵܗܵܐ، ܫܡܝܼܥ ܠܹܗ ܡܵܪܝܵܐ ܘܟܪܝܼܒ ܠܹܗ،
ܘܢܘܼܪܵܐ ܬܦܹܐ ܠܹܗ ܒܝܲܥܩܘܿܒ݂،
ܘܟܲܪܒܵܐ ܐܣܝܼܩ ܠܵܗ̇ ܥܲܠܔ ܐܝܼܣܪܵܐܹܝܠܔ،
22 ܣܵܒܵܒ ܠܵܐ ܗܘܼܡܸܢܗܘܿܢ ܒܐܲܠܵܗܵܐ،
ܘܠܵܐ ܣܒܝܼܪܗܘܿܢ ܒܦܘܼܪܩܵܢܹܗ.
23 ܐܝܼܢܵܐ ܦܩܝܼܕ ܠܹܗ ܠܥܢܵܢܹ̈ܐ ܡ̣ܢ ܥܸܠܸܠܔ،
ܘܦܬܝܼܚ ܠܹܗ ܬܲܪ̈ܥܵܢܹܐ ܕܫܡܲܝܵܐ.
24 ܘܡܘܼܪܥܹܐ ܠܹܗ ܥܲܠܵܝܗܝ ܡܲܢܢܵܐ ܠܹܐܟ݂ܵܠܵܐ،
ܘܕܲܚܠܵܐ ܕܫܡܲܝܵܐ ܝܘܼܗܒܹܠܔ ܠܹܗ ܐܸܠܵܝܗܝ.
25 ܠܲܚܡܵܐ ܕܡܲܠܲܐܟܹ̈ܐ ܐܟ݂ܝܼܠܔ ܠܹܗ ܐܢܵܫܵܐ،
ܙܘܵܕܹ̈ܐ ܫܘܼܕܸܪܹܗ ܐܸܠܵܝܗܝ ܠܸܣܒ݂ܵܥܵܐ.
26 ܡܘܼܡܚܹܐ ܠܹܗ ܦܵܘܚܵܐ ܕܡܲܕܢܚܵܐ ܒܫܡܲܝܵܐ،
ܘܡܕܘܼܒܸܪܹܗ ܒܚܲܝܠܹܗ ܦܵܘܚܵܐ ܕܬܲܝܡܢܵܐ.
27 ܡܘܼܪܥܹܐ ܠܹܗ ܥܲܠܵܝܗܝ ܒܸܣܪܵܐ ܐܲܝܟ݂ ܥܲܦܪܵܐ،
ܘܛܲܝܪܵܐ ܡܵܪܹܐ ܓܘܼܠܦܵܐ ܐܲܝܟ݂ ܣܹܠܵܐ ܕܝܵܡܵܬܹ̈ܐ.
28 ܕܪܹܐ ܠܹܗ ܒܓܵܘܵܐ ܕܡܲܫܪܝܼܬܵܝܗܝ،
ܠܚܵܕܸܪ̈ܘܵܢܹܐ ܕܡܲܫܟܢܵܝ̈ܗܝ.
29 ܘܐܟ݂ܝܼܠܔ ܠܗܘܿܢ ܘܣܒ݂ܝܼܥ ܠܗܘܿܢ ܪܵܒܵܐ،
ܘܝܘܼܗܒܹܠܔ ܠܹܗ ܐܸܠܵܝܗܝ ܫܲܗܘܲܬܬܵܝܗܝ.
30 ܘܟܲܕ ܠܵܐ ܦܪܝܼܩܹܐ ܡ̣ܢ ܫܲܗܘܲܬܬܵܝܗܝ،
ܗܸܫ ܡܹܐܟ݂ܘܼܠܬܵܝܗܝ ܓܵܘ ܦܘܼܡܵܝܗܝ،
31 ܟܲܪܒܵܐ ܕܐܲܠܵܗܵܐ ܐܣܝܼܩ ܠܵܗ̇ ܥܲܠܵܝܗܝ،
ܘܩܛܝܼܠܔ ܠܹܗ ܡ̣ܢ ܓܲܒܵܪ̈ܵܝܗܝ،
ܘܠܥܠܲܝܡܹ̈ܐ ܕܐܝܼܣܪܵܐܹܝܠܔ ܡܘܼܟܸܦ ܠܹܗ.
32 ܒܟܠܹܗ ܐܵܗܵܐ ܚܛܹܐ ܠܗܘܿܢ ܡܸܢܕܪܸܫ،
ܘܠܵܐ ܗܘܼܡܸܢܗܘܿܢ ܒܥܲܓ̰ܝܼܒܘܼܝܵܬܘܼ̈ܗܝ.
33 ܘܬܝܼܡܵܝ ܠܹܗ ܝܵܘܡܵܢܵܝ̈ܗܝ ܒܣܪܝܼܩܘܼܬܵܐ،
ܘܫܸܢܵܝ̈ܗܝ ܒܣܘܼܪܵܕܵܐ.
34 ܐܝܼܡܲܢ ܕܩܛܝܼܠܵܝ ܠܹܗ، ܛܥܹܐ ܠܗܘܿܢ ܐܸܠܹܗ،
ܘܕܝܼܪܗܘܿܢ ܘܩܘܼܕܸܡ ܠܗܘܿܢ ܠܐܲܠܵܗܵܐ.
35 ܕܟ݂ܝܼܪܗܘܿܢ ܕܐܲܠܵܗܵܐ ܝܗܘܵܐ ܐܝܼܨܵܪܵܝܗܝ،
ܘܐܲܠܵܗܵܐ ܥܸܠܵܝܵܐ ܝܗܘܵܐ ܦܵܪܘܿܩܵܝܗܝ.
36 ܐܝܼܢܵܐ ܫܘܼܕܸܠܔ ܠܗܘܿܢ ܐܸܠܹܗ ܒܦܘܼܡܵܝܗܝ،
ܘܒܠܸܫܵܢܵܝܗܝ ܕܘܼܓܸܠܔ ܠܗܘܿܢ ܐܸܠܹܗ،
37 ܣܵܒܵܒ ܠܸܒܵܝܗܝ ܠܹܐ ܝܗܘܵܐ ܡܩܵܘܝܵܢܵܐ ܥܲܡܹܗ،
ܐܘܼܦ ܠܹܐ ܝܗܘܵܘ ܡܗܘܼܡܢܹ̈ܐ ܒܘܲܥܕܹܗ.
38 ܐܝܼܢܵܐ ܗ̇ܘ ܡܪܲܚܡܵܢܵܐ ܦܘܼܚܸܠܔ ܠܹܗ ܥܵܘܠܵܝܗܝ ܘܠܵܐ ܡܘܼܚܪܸܒ݂ܵܝ ܠܹܗ،
ܘܡܘܼܙܝܸܕ ܠܹܗ ܠܡܲܕܘܼܪܹܐ ܟܲܪܒܹܗ،
ܘܠܵܐ ܡܘܼܪܥܸܫ ܠܹܗ ܟܠܵܗ̇ ܚܸܡܬܹܗ.
39 ܘܕܟ݂ܝܼܪܹܗ ܕܒܸܣܪܵܐ ܝܗܘܵܘ ܐܵܢܝܼ،
ܦܵܘܚܵܐ ܕܐܵܙܹܠܔ ܘܠܹܐ ܕܵܐܹܪ.
40 ܟܡܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵܐ ܐܸܠܹܗ ܓܵܘ ܒܲܪܝܼܵܐ،
ܩܵܡ ܡܲܟܪܸܒܝܼ ܠܹܗ ܓܵܘ ܒܲܝܵܒܵܢ.
41 ܘܕܝܼܪܗܘܿܢ ܘܓ̰ܘܼܪܸܒ ܠܗܘܿܢ ܠܐܲܠܵܗܵܐ،
ܘܠܩܲܕܝܼܫܵܐ ܕܐܝܼܣܪܵܐܹܝܠܔ ܡܘܼܦܫܸܡ ܠܗܘܿܢ.
42 ܠܵܐ ܕܟ݂ܝܼܪܗܘܿܢ ܐܝܼܕܹܗ،
ܝܵܘܡܵܐ ܕܦܘܼܪܩܵܝ ܠܹܗ ܡ̣ܢ ܡܲܠܝܸܨܵܢܵܐ،
43 ܐܝܼܡܲܢ ܕܡܘܼܬܸܒ݂ ܠܹܗ ܒܡܸܨܪܹܝܢ ܢܝܼܫܲܢܩܘܼ̈ܗܝ،
ܘܥܲܓ̰ܝܼܒܘܼܝܵܬܘܼ̈ܗܝ ܓܵܘ ܕܸܫܬܵܐ ܕܨܘܿܥܵܢ،
44 ܘܡܘܼܚܕܸܪܹܗ ܠܕܸܡܵܐ ܢܲܗܪ̈ܵܘܵܬܵܝܗܝ ܘܫܵܩܝܼܵܬܵܝ̈ܗܝ،
ܕܠܵܐ ܡܵܨܝܼ ܫܵܬܝܼ.
45 ܫܘܼܕܸܪܹܗ ܥܲܠܵܝܗܝ ܕܸܒܘܼܪܬܵܐ ܘܩܵܡ ܐܵܟ݂ܠܵܐ ܠܗܘܿܢ،
ܘܦܸܩܵܐ ܘܩܵܡ ܡܲܚܪܸܒ݂ܵܐ ܠܗܘܿܢ.
46 ܝܘܼܗܒܹܠܔ ܠܹܗ ܠܬܸܪܬܸܪܵܐ ܛܥܘܼܢܬܵܝܗܝ،
ܘܓ̰ܵܦܵܝܗܝ ܠܩܲܡܨܵܐ.
47 ܩܛܝܼܠܔ ܠܹܗ ܒܒܲܪܕܵܐ ܓܸܦܝܵܬܵܝ̈ܗܝ،
ܘܫܲܩܡܵܝ̈ܗܝ ܒܛܠܘܼܠܵܐ ܡܘܼܓܕܸܠܵܐ.
48 ܣܘܼܦܹܐ ܠܹܗ ܠܒܲܪܕܵܐ ܒܥܝܼܪܵܝܗܝ،
ܘܩܸܢܝܵܢܵܝ̈ܗܝ ܠܒܸܪ̈ܩܹܐ.
49 ܫܘܼܕܸܪܹܗ ܥܲܠܵܝܗܝ ܚܸܡܬܵܐ ܕܟܲܪܒܹܗ،
ܚܸܡܬܵܐ، ܟܲܪܒܵܐ، ܘܐܘܼܠܨܵܢܵܐ،
ܡܫܲܕܪܹ̈ܐ ܕܡܲܠܲܐܟܹ̈ܐ ܕܣܸܪ̈ܝܵܬܹ̈ܐ.
50 ܡܘܼܫܘܹܐ ܠܹܗ ܫܒ݂ܝܼܠܵܐ ܠܟܲܪܒܹܗ،
ܠܵܐ ܚܣܝܼܟ݂ ܠܹܗ ܡ̣ܢ ܡܵܘܬܵܐ ܓܵܢܵܝܗܝ،
ܐܸܠܵܐ ܚܲܝܵܝ̈ܗܝ ܠܡܵܘܬܵܢܵܐ ܣܘܼܦܹܐ ܠܹܗ.
51 ܡܚܹܐ ܠܹܗ ܟܠܔ ܒܘܼܟ݂ܪܵܐ ܓܵܘ ܡܸܨܪܹܝܢ،
ܪܹܝܫܝܼܬܵܐ ܕܥܘܼܫܢܵܝ̈ܗܝ ܓܵܘ ܡܲܫܟܢܵܐ ܕܚܵܡ.
52 ܘܦܘܼܠܸܛ ܠܹܗ ܠܥܲܡܹܗ ܐܲܝܟ݂ ܥܸܪ̈ܒܹܐ،
ܘܡܕܘܼܒܪܵܝ ܠܹܗ ܐܲܝܟ݂ ܦܸܣܩܵܐ ܓܵܘ ܒܲܪܝܼܵܐ.
53 ܘܡܗܘܼܕܝܵܝ ܠܹܗ ܒܫܲܝܢܵܐ ܗܵܕܵܐ ܕܠܵܐ ܙܕܝܼܥ ܠܗܘܿܢ،
ܐܝܼܢܵܐ ܠܕܸܫ̃ܡܸܢܵܝ̈ܗܝ ܟܘܼܣܹܐ ܠܵܗ̇ ܝܵܡܵܐ.
54 ܘܡܘܼܝܬܵܝ ܠܹܗ ܠܬܚܘܼܡܵܐ ܕܩܘܼܕܫܹܗ،
ܛܘܼܪܵܐ ܕܩܢܹܐ ܠܵܗ̇ ܝܲܡܝܼܢܹܗ.
55 ܘܛܪܝܼܕ ܠܹܗ ܡ̣ܢ ܩܲܕܡܵܝܗܝ ܐܸܡܘܵܬܹ̈ܐ،
ܘܦܘܼܠܸܥ ܠܹܗ ܐܸܠܵܝܗܝ ܝܵܪܬܘܼܬܵܐ ܒܟܝܘܼܠܵܐ،
ܘܡܘܼܫܪܹܐ ܠܹܗ ܒܡܲܫܟܢܵܝ̈ܗܝ ܫܲܒ݂ܛܹ̈ܐ ܕܐܝܼܣܪܵܐܹܝܠܔ.
56 ܐܝܼܢܵܐ ܓ̰ܘܼܪܸܒ ܠܗܘܿܢ ܘܥܒ݂ܝܼܕ ܠܗܘܿܢ ܡܵܪܘܿܕܘܼܬܵܐ ܥܲܠܔ ܐܲܠܵܗܵܐ ܥܸܠܵܝܵܐ،
ܘܣܵܗܕܘܵܬܘܼ̈ܗܝ ܠܵܐ ܢܛܝܼܪܗܘܿܢ.
57 ܘܩܠܝܼܒ ܠܗܘܿܢ ܘܥܒ݂ܝܼܕ ܠܗܘܿܢ ܚܵܝܝܼܢܘܼܬܵܐ ܐܲܝܟ݂ ܐܲܒ݂ܵܗܵܬܵܝ̈ܗܝ،
ܦܟ̰ܝܼܠܔ ܠܗܘܿܢ ܐܲܝܟ݂ ܩܸܫܬܵܐ ܦܠܝܼܡܬܵܐ.
58 ܘܡܘܼܟܪܸܒ ܠܗܘܿܢ ܐܸܠܹܗ ܒܘܼܬ ܕܘܼܟܵܢܵܝ̈ܗܝ ܪ̈ܵܡܹܐ،
ܘܒܨܲܠܡܵܝ̈ܗܝ ܩܵܡ ܡܲܥܒܸܪܝܼ ܠܹܗ ܒܛܢܵܢܵܐ.
59 ܫܡܝܼܥ ܠܹܗ ܐܲܠܵܗܵܐ ܘܟܪܝܼܒ ܠܹܗ،
ܘܡܘܼܣܠܹܐ ܠܹܗ ܪܵܒܵܐ ܠܐܝܼܣܪܵܐܹܝܠܔ.
60 ܘܫܒ݂ܝܼܩ ܠܹܗ ܡܲܫܟܢܵܐ ܕܫܝܼܠܘܿ،
ܡܛܲܠܠܵܐ ܕܡܘܼܫܪܹܐ ܠܹܗ ܒܹܝܠܔ ܒܢܲܝ̈ܢܵܫܵܐ.
61 ܘܣܘܼܦܹܐ ܠܹܗ ܠܓܵܠܘܼܬܵܐ ܚܲܝܠܹܗ،
ܘܚܸܩܪܹܗ ܒܐܝܼܕܵܐ ܕܡܲܠܝܸܨܵܢܵܐ.
62 ܘܣܘܼܦܹܐ ܠܹܗ ܥܲܡܹܗ ܠܣܲܝܦܵܐ،
ܘܠܝܵܪܬܘܼܬܹܗ ܟܪܝܼܒ ܠܹܗ.
63 ܥܠܲܝܡܵܝ̈ܗܝ ܩܵܡ ܐܵܟܹܠܔ ܠܗܘܿܢ ܢܘܼܪܵܐ،
ܘܒܬܘܼܠܵܬܵܝ̈ܗܝ ܠܵܐ ܦܝܼܫ ܠܗܘܿܢ ܚܩܝܼܪܹܐ ܒܓܒ݂ܵܪܬܵܐ.
64 ܟܵܗܢܵܝ̈ܗܝ ܒܣܲܝܦܵܐ ܢܦܝܼܠܔ ܠܗܘܿܢ،
ܘܐܲܪ̈ܡܸܠܝܵܬܵܝܗܝ ܠܵܐ ܒܟܹܐ ܠܗܘܿܢ.
65 ܗ̇ܝܓܵܗ ܪܥܝܼܫ ܠܹܗ ܐܲܝܟ݂ ܛܠܝܼܥܵܐ ܡܵܪܝܵܐ،
ܐܲܝܟ݂ ܓܲܒܵܪܵܐ ܕܨܲܠܸܠܔ ܡ̣ܢ ܚܲܡܪܵܐ.
66 ܘܡܚܹܐ ܠܹܗ ܕܸܫ̃ܡܸܢܘܼ̈ܗܝ ܠܒܵܬܪܵܐ؛
ܠܵܘܡܵܐ ܕܠܥܵܠܲܡ ܝܘܼܗܒܹܠܔ ܠܹܗ ܐܸܠܵܝܗܝ.
67 ܘܡܘܼܣܠܹܐ ܠܹܗ ܠܡܲܫܟܢܵܐ ܕܝܵܘܣܸܦ،
ܘܠܫܲܒ݂ܛܵܐ ܕܐܲܦܪܹܝܡ ܠܵܐ ܓܘܼܒܹܐ ܠܹܗ.
68 ܐܸܠܵܐ ܓܘܼܒܹܐ ܠܹܗ ܠܫܲܒ݂ܛܵܐ ܕܝܼܗܘܼܕܵܐ،
ܠܛܘܼܪܵܐ ܕܨܸܗܝܘܿܢ ܕܟܹܐ ܡܲܚܸܒ.
69 ܘܒܢܹܐ ܠܹܗ ܐܲܝܟ݂ ܪ̈ܵܘܡܹܐ ܡܲܩܕܫܹܗ،
ܐܲܝܟ݂ ܐܲܪܥܵܐ ܕܫܘܼܬܐܸܣ ܠܹܗ ܠܥܵܠܲܡ.
70 ܘܓܘܼܒܹܐ ܠܹܗ ܠܕܵܘܝܼܕ ܪܹܓܹܗ،
ܘܩܵܡ ܫܵܩܹܠܔ ܠܹܗ ܡ̣ܢ ܓܘܼܡܵܢܹ̈ܐ ܕܥܸܪ̈ܒܹܐ.
71 ܡ̣ܢ ܒܵܬܪ ܘܲܥܢܹ̈ܐ ܡܲܡܸܨܵܢܹ̈ܐ ܩܵܡ ܡܲܝܬܹܐ ܠܹܗ،
ܕܡܲܪܥܹܐ ܠܝܲܥܩܘܿܒ݂ ܥܲܡܹܗ،
ܘܠܐܝܼܣܪܵܐܹܝܠܔ ܝܵܪܬܘܼܬܹܗ.
72 ܘܡܘܼܪܥܝܼܵܝ ܠܹܗ ܐܲܝܟ݂ ܬܲܡܝܼܡܘܼܬܵܐ ܕܠܸܒܹܗ،
ܘܒܡܗܝܼܪܘܼܬܵܐ ܕܐܝܼܕܵܬܘܼ̈ܗܝ ܡܗܘܼܕܝܵܝ ܠܹܗ.