JOHN-NA
I-ba Aphaba Pao
Wahoudok
John-na i-ba Aphaba Pao asi Jisu Christtagi punsigi maramda sandokna takpa Anouba Warepnaba-gi lairik mari adugi manungda amani. Lairik marimak adu “Gospel” haina kou-i, madugi wahanthokti “Aphaba Pao” haibani. Lairiksing adu Jisuna sikhraba matungda Matthew, Mark, Luk amadi John-na ibani. John-na i-ba Aphaba Pao asi Christtana poklaba matung chahi 90 mukki aduwaida Pakhonchatpa John-na iramba yai. John-na i-bani haina Lairik asida pandrabasu 1 John, 2 John amadi 3 John-gi chithising asida iribagi mawong- matouga yamna manei. Mamangngeigi ayiba kharana haibagi matung inna matam aduda mahak Ephesus-ta leirammi, maram aduna lairik asi Ephesus-ta leiringeida iramba yai. Jisudi ahingba Mapu Ibungogi Machanupa amadi Christta aduni haiba misingna thajabada mateng oinaba ibani haina John-na sengna hairi (20:31). Masi thajabagi mapanna Ibungo mahakki mingda eikhoina hingba phangjanabani. Lairik asi Jihudising amadi Jihudi nattabasing animakna panaba ibani. John-na i-ba Aphaba Pao asidi atoppa Aphaba Pao ahum adudagi khara makheidi khennei. Lairik asidi Jisuna toukhiba angakpa thabaksing aduda mityeng thammi aduga Ibungona haiba pandamsing adu yamna i-de. Atei maru oiba thoudok khara haibadi Jisuna baptize louba aduga leikanglagi maphamda athemba thengnakhiba adugi matangda Aphaba Pao asida ide.
Yaopham Takpa
1. Aphaba Pao asigi wahoudok (1:1-18)
2. Jisuna pangthokkhiba angakpa thabak kharagi maramda i-ba (1:19–12:50)
3. Jisuna siba amadi hinggatkadaba mang-oinana Jisugi punsida thokkhiba thoudok kayagi maramda sandokna takpa (13:1–20:31)
4. Tangkak 21 da Jisuna sibadagi hinggatlaba matungda misingda uhanbibagi maramda i-ba amadi lairik asi ibagi maram taklaga Aphaba Pao asi losilli (21:1-25)
1
Hingbagi wahei
1 Ahoubada Wahei adu leirammi; Wahei adu Tengban Mapuga leiminnarammi amasung Wahei adu Tengban Mapu oirammi. 2 Hek houba adudagi houna Wahei adu Tengban Mapuga leiminnarammi. 3 Ibungo mahakki mapanna Tengban Mapuna pot pumnamak sembikhi; Ibungo mahak yaodana semkhiba khutsem amata leite. 4 Ibungoda hingba leirammi aduga hingba aduna misinggi mangal oirammi. 5 Mangal aduna amambada ngalle aduga amamba aduna mangal adubu ngamde* 1:5 khangba nattraga wakhal taba ngamde.
6 1:6 Mat 3:1; Mrk 1:4; Luk 3:1,2Tengban Mapuna thabirakpa John kouba mi ama leirammi. 7 Mi khudingmak mahakki mapanna thajaraknaba, mahakna misingda mangal adugi maramda hainaba lakpani. 8 Mahak masamakti mangal adu natte adubu mahakti mangal adugi maramda hainanaba lakpani. 9 Mi khudingmakta mangal pibiba achumba mangal adu taibangpanda laklammi.
10 Wahei adu taibangpanda leirammi, aduga Mapu Ibungona taibangpan asi Ibungo mahakki mapanna sembikhiba oirabasu, taibangpannadi Ibungo mahakpu khanglamde. 11 Ibungo mahakna masagi oiba maphamda laklammi adubu mahakmakki misingna Ibungobu lousillamde. 12 Adubu mi kharanadi Ibungobu lousinjarammi amadi Ibungobu thajarammi; maram aduna Ibungona makhoida Tengban Mapugi machasing oinaba matik pibire. 13 Makhoina Tengban Mapugi machasing oirakpa asi mama mapana nattraga mioibagi apambana nattraga mapuroibagi warepna pokpiba adugumba natte adubu Mapu Ibungona pokpibani.
14 Wahei aduna sayollaktuna thoujal amadi achumbana pik thanduna eikhoigi irakta leibirare. Aduga eikhoina Ibungo mahakki matik mangal haibadi Mapagi amatta ngairaba Macha oibagi matik mangal adu ujare.
15 John-na Ibungo mahakki maramda hairammi. Mahakna houna hairak-i, “‘Ibungona eigi tungda lengbirakli adubu Ibungo mahakti eina poktringeida hannana leirabani maram asina Ibungona eingondagi henna chao-i,’ haina eina nakhoida haikhiba Ibungo mahak adu asini.”
16 Athanba thoujalgi pukkei oiriba Ibungo mangondagi yaipha thoujal amagi mathakta yaipha thoujal ama eikhoi pumnamakna phangjare. 17 Wayel Yathangdi Moses-ki mapanna pibibani adubu thoujal amasung achumbadi Jisu Christtagi mapanna lakpani. 18 Mi kana amatana Tengban Mapubu kheidounungdasu ukhidri. Adubu Mapaga yamna naknana leiriba amatta ngairaba Machanupa Mapu Ibungona Ibungo mahakpu phongdokle.
Baptize toubiba John-gi pao
(Mat 3:1-12; Mrk 1:1-8; Luk 3:1-18)
19 Jerusalem-da leiba Jihudisingna, John-bu kanano haina hangnaba purohitsing amasung Levi-singbu John-gi manakta tharaklammi.
20 Mahakna paokhum piningdaba touramde aduga i-phong phongna sengna hairak-i, “Eidi Christta adu natte.”
21 1:21 Mal 4:5; Aniwa 18:15,18; Isei 48:10,11Maduda makhoina hanglak-i, “Adu oirabadi nahak kanano? Nahak Elijah-ra?”
John-na khumlak-i, “Ei natte.”
Adudagi makhoina hanglak-i, “Adudi Mapu Ibungogi wa phongdokpa maichou ama lakkani haibadu nahakla?”
Mahakna khumlak-i, “Natte”
22 Aroibada makhoina hairak-i, “Adu oirabadi nahak kanano haibasi eikhoida haibirak-u. Eikhoibu tharakpa makhoising aduda tamlunaba nahakna paokhum amadi pibiyu. Nahakna nasagi maramda kari haijabage?”
23 1:23 Isa 40:3 (LXX)Mapu Ibungogi wa phongdokpa maichou Isaiah-gi waheising sijinnaduna John-na paokhum pirak-i:
“Lamjao lamhangda laoriba kanagumba amagi khonjel adu eini:
‘MAPU IBUNGO† 1:23 Jehova mahakna chatnanaba lambi adu chumhallu!’ ”
24 Pharisee kharasu John-gi maphamda tharak-i, 25 makhoina John-da hanglak-i, “Nahak Christta adusu Elijah adusu Mapu Ibungogi wa phongdokpa maichou adusu nattrabadi karigi nahakna baptize touribano?”
26 Maduda John-na khumlak-i, “Einadi isingda baptize tou-i adubu nakhoina khangdaba kanagumba ama nakhoigi narakta lepli. 27 Ibungo mahakna eigi tungda lakli aduga eidi Ibungo mahakki sandal mari louthokpa phaoba matik chade.”
28 John-na baptize toubiba mapham Jordan turen-gi nongpok thangba wangmada leiba Bethany-da masigi thoudok asi thokkhibani.
Tengban Mapugi Yaomacha
29 Mathanggi numitta Jisuna John-gi manakta lakpadu ure maduda John-na hairak-i, “Yeng-u, taibangpanbagi pappu pubiduna louthokpiba Tengban Mapugi Yaomacha adu! 30 Ibungo asigi maramdani eina haikhibadu, ‘Kanagumba ama eigi tungda lengbirakli, Ibungo mahakti eina poktringeidagi hannana leirabani maramsina Ibungona eingondagi henna chao-i.’ 31 Einadi Ibungobu kanano haiba khanglamde adubu eina isingda baptize toubasi Ibungo mahakpu Israel-da phongdoknabani.”
32 Adudagi John-na sakhi asi pirammi: “Thawai aduna swargadagi khunugumna lengtharaktuna Ibungoda leiba adu eina ure. 33 Eibu isingda baptize tounaba thabiba Ibungo mahakna eingonda, ‘Thawai aduna kanagumba amagi mathakta lengtharaktuna leiba nahakna ugani; mahak aduna Thawai Asengbada baptize toubigani,’ haina haibiramdrabadi eina Ibungo mahakpu khanglamloidabani. 34 Eina madumak ujare aduga Ibungo mahak asi Tengban Mapugi Machanupani haina eina nakhoida hairi.”
Jisugi ahanba tung-inbasing
35 Mathanggi numitta John-na mahakki tung-inba aniga loinana leptuna leirammi. 36 Jisuna mapham aduda chatpadu ubada mahakna hairak-i, “Yeng-u, Tengban Mapugi Yaomacha adu.”
37 John-na haiba adu mahakki tung-inba aniduna tarabada makhoina Jisugi matung induna chatkhirammi. 38 Jisuna leithorakpada makhoina mahakki tung illakliba adu ure maduda Ibungona hanglak-i, “Nakhoi kari pambage?”
Maduda makhoina khumlak-i, “Rabbi” (Masigi wahanthokti “Oja Ibungo” haibani), “Ibungo nahak kadaida leibibage?”
39 Ibungona khumlak-i, “Lak-u aduga nakhoina u-gani.” (Matam adu numit yungba matung pung marimuk tabada oirammi.) Maram aduna makhoina Ibungoga loinana chattuna Ibungona leiba mapham adu ujare aduga numit aduma makhoina Ibungoga loinana leiminnarammi.
40 John-na haiba adu taduna Jisugi tung inkhiba makhoi anigi marakta amadi Simon Peter-gi manao Andrew-ni. 41 Andrew-na ihan hanna mahakki mayamba Simon-bu thiraga mangonda hairammi, “Eikhoina Messiah adu phangjare.” (Madudi “Christta” haibani) 42 Adudagi mahakna Simon-bu Jisugi manakta purakle.
Jisuna Simon-da yenglaga hairak-i, “Nahakti John-gi machanupa Simon-ni, adubu nahakki naming Cephas kougani.” (Masigi wahanthokti “Peter”‡ 1:42 Peter haibadi “Nung” haibani haibani.)
Jisuna Philip amadi Nathanael-bu kouba
43 Mathanggi numitta Galilee-da Jisuna chatke leple. Ibungona Philip-pu thengnarabada mangonda hairak-i, “Eigi itung illak-u!” 44 (Andrew amadi Peter-gumna Philip-su Bethsaida sahardagini.) 45 Philip-na Nathanael-bu phanglabada mangonda hairammi, “Moses-na Wayel Yathangda amasung Mapu Ibungogi wa phongdokpa maichousingnasu ibiramba mahak adu eikhoina phangle. Mahak adudi Joseph-ki machanupa, Nazareth-ki Jisuni.”
46 Nathanael-na hanglak-i, “Nazareth-tagibu karigumba aphaba thorakpa ngambra?”
Maduda Philip-na khumlak-i, “Laktuna yeng-u.”
47 Mahakki manakta Nathanael-na lakpadu urabada Jisuna mangonda hairak-i, “Mapham asida tasengba Israel-gi mi ama leire; mangonda lounamba leite.”
48 Nathanael-na Ibungoda hanglak-i, “Ibungona eibu karamna khangbibage?”
Maduda Jisuna paokhum pirak-i, “Philip-na nahakpu koudringeida, nahakna heiyit pambi makhada leiba matam aduda eina nangbu ure.”
49 Nathanael-na khumlak-i, “Oja Ibungo, nahak Tengban Mapugi Machanupa aduni! Nahak Israel-gi Ningthouni!”
50 Jisuna mangonda hairak-i, “Nahakna heiyit pambi makhada leiringeida eina nangbu ure haina eina nangonda haibagi maramna nahakna thajaribra? Masidagi henna chaoba thabaksing nahakna ukhigani.” 51 1:51 Meihou 28:12Adudagi Ibungona makha tarak-i, “Eina nakhoida tasengnamak hairiba asini, swarga hangdokpa amadi Tengban Mapugi dutsingna Migi Machanupa adugi mathakta kakhat khumtha touba adu nakhoina ugani.”