ዞሮ ዒፃ ዓሲ ጋዓንቴ ዔኤያ ዓሲኬ።

ፑርታ ማሊሢ ዓኣ ዓሶ ጋዓንቴ ዒዚ ፑርታና ዎጋኔ።

ጎኔ ዓሲኮ ፃጳ ዓጊፁዋሴ።

ፔኤኮ ዓኒ ቦርሲሳ ላኣሌላ ጋዓንቴ ሜጌፆ ቆፂሳ ሃርጌጉዲኬ፤

ሃሣ ጊንሣ ሜታሳ ዒሶ ዶርዖጉዴያኬ።

ፑርቶ ዓሶኮ ዞራ ጋዓንቴ ጌሺሢኬ።

ፒዜ ዓሶኮ ጌኤዛ ጋዓንቴ ዻዻቂሻኔ።

ኮዦ ዓሶኮ ሾይንታ ጋዓንቴ ዶዲ ናንጋኔ።

ማሊፃ ዎቦ ማዔ ዓሲ ጋዓንቴ ቶቶኦቺንታኔ።

ዔርቲባኣ ዓሲ ማሊ ማዾና ፔ ናንጎ ሂዓ ዓሲ ባሼኬ።

ፑርታ ዓሲኮ ሚጪንቲፃ ጋዓንቴ ጌኔ ማዺሢኬ።

ፓሡዋ ማሊሢና ናንጊሢ ዔኤያቶኬ።

ኮሺ ዓሲ ጋዓንቴ ቱኮና ኮሺ ሚሢጉዲ ቃራ ዓኣፒ ዓኣፓኔ።

ኮሺ ዓሲ ጋዓንቴ ሜቶይዳፓ ቶላኔ።

ዬያ ጎይፆና ኔኤም ኮይሳሢ ኔኤኒ ዴንቃኔ።

ዔሮ ዓሲ ጋዓንቴ ኮሺ ዞሮ ዔካኔ።

ጪንጫ ዓሲ ጋዓንቴ ዒዛ ጫሽኮ ጫዦ ዔዔኤዻኔ።

ሉኡዙሞ ማርካዻይ ጋዓንቴ ዓሲ ጌሻኔ።

ዔራቶና ጌስቲንቴ ጌኤሲ ጋዓንቴ ፓፓሣኔ።

ሉኡዙሞ ጋዓንቴ ዶዲ ናንጉዋሴ።

ኮሹሞ ዴንቃኒ ዞራ ዓሳ ጋዓንቴ ዎዛ ዴንቃኔ።

ፑርታ ዓሲኮ ጋዓንቴ ሜታ ሚርጋኔ፤

ዔያታ ዴንቃ ባኣዚያ ባኣሴ።

ጎኑሞ ዓኣ ዓሶና ጋዓንቴ ዎዎዛዻኔ።

ዔኤዮ ዓሳ ጋዓንቴ «ኑ ዔራኬ» ጌይፆና ፔኤኮ ዔኤያቶ ፔጋሲ ዻዋኔ።

ቤልፃ ማዒሢ ጋዓንቴ ዓሲ ዴንካ ዎርቃያ ማሃኔ።

ኮሺ ጌኤሲ ጋዓንቴ ዎዎዛሳኔ።

ዋይዞ ዒፃ ዓሶ ጎይፃ ጋዓንቴ ጎኑሞፓ ሃኪሳያኬ።

ዶዲ ማዻ ዓሲ ጋዓንቴ ዖርጎጫኔ።

ዬኖ ጎይፆይዳ ሃይቢ ባኣሴ።