«ኔኤኒ ዞኦኬሌ፥ ናይ ሾይ ዔሩዋዜሌ ዓይናዼ፤

ዒላሼ፥ ዎዛናኣ ዒላቴ፤

ኔኤኒ ባኒ ዔሩዋዜሌ፥

ዓኒ ዓኣዜሎፓ ባሼ ዒፂንቴዜሎ ናኣታ ሚርጋንዳኔ።» ጋላ. 4፡27።

ኔኤኮ ጎኦቦ ዓፒሎዋ ቡሊ ዳሬ፥ ኩንዒሲፖ፤

ዓፒሎና ማዦ ማኣሮ ዳሮ ሱዞዋ ዖዶሴ፤

ፃውኖ ማዓ ዓንጎዋ ዶዲሼ።

ዜርፃ ኔኤኮ ሜሌ ዴሮ ዓጮ ዔካንዳኔ፤

ዶዔያ ማዔ ካታሞዋ ፔ ቤሲ ማሂ ናንጋንዳኔ።

ሃጊ ኔ ዉዱሮ ዓኣንቴ ኔና ሄሌ ቦርሲንቶ ኔ ዋላንዳኔ፤

ዜኤሪ ዒንዶጉዲ ኔኤሮ ኔ ማዒ ዓኣሤ፥ ጫዦ ዎዶ ማሊ ኔ ጶቂሣዓኬ።

ሱንፃ ዒዛኮ ናንጊና ናንጋ ጎዳ ማዔ ፆኦዛሢኬ፤

ኔና ዓውሳሢ ዒስራዔኤሌኮ ዱማዼሢኬ፤

ዒዚ ዓጮ ቢያኮ ፆኦሲ ጌይንታኔ።

ዒና ዖዬ ላኣሊጉዲኬ፤

ጋዓንቴ ናንጊና ናንጋ ጎዳ ማዔ ኔ ፆኦዛሢ

ጊንሣ ኔና ፔ ባንሢ ዔኤሊ ሂዚ ጋዓኔ፦

ጋዓንቴ ዼኤፒ ሚጪንቲሢና ታ ኔና ማሃንዳኔ።

ጋዓንቴ ታኣኮ ናንጊና ናንጋ ናሹሞና ታ ኔና ሚጪንታንዳኔ፤

ላሚ ማይ ታ ሳዖ ባይዛዓ› ጌዒ ታ ጫኣቄሢጉዲ

ሃሢያ ‹ኔ ጊዳ ላሚ ማይ ታ ዻጋዻዓኬ›

ጌዒ ታ ኔኤም ጫኣቃኔ፤

ሃካፓ ሴካ ጎሪያ ታ ኔና ጎራዓኬ። ማዢ. ማፃ 9፡8-17።

ታኣኒ ኔና ናሽካ ናሹማ ጋዓንቴ ናንጊና ዶዲ ናንጋንዳኔ፤

ኮሹሞ ጫኣቁሞ ናንጊና ታ ካፓንዳኔ» ጋዓኔ

ኔና ሚጪንታ ናንጊና ናንጋ ጎዳሢ።

«ኔኤኒ ዋኣዬዜ፥ ዓልጋሢ ዢባሮና ዓጊፄዜ፤

ዶዲሺንቲባኣ ዬሩሳላሜ ካታሜሌ!

ታኣኒ ቦንቺንቴ ሹቺና ኔና ማዣንዳኔ፤

ማዢፆኮ ዓይፆ ሴኔፔሬ ሹጮ ጌሢ ታ ዓርቃንዳኔ። ዮሃ. ፆፔዻ 21፡18-21።

ኬኤሎ ዲፆ ካሮዋ ዋልጪንቃ ሚዛጶ ሹጮና

ዙሎ ሺሪ ዓኣዻ ዲሮዋ ቦንቺንቴ ሹጮና ታ ኔኤኮ ኬልቃንዳኔ።»

ኔ ናኣቶም ኮሹሞ ሚርጌያ ማዓንዳኔ። ዮሃ. 6፡45።

ጌኔ ማዾና ሄርቂ ዎይሥሢ ኔ ጊዳፓ ባይቃንዳኔ፤

ኔና ዒጊቻንዳ ባኣዚያ ባኣሴ፤

ዲቃሣ ባኣዚያ ኔኤፓ ሃካንዳኔ፥ ኔ ባንሢያ ዑካዓኬ።

ታኣኒ ዔያቶ ዳኪባኣያታሢሮ ባሺንቲ ኩቺ ኔኤም ዒንጋንዳኔ።»

ዓንጎ ሼኤሻሢ ማዤሢ ታናኬ፤

ዒዚያ ዓንጎ ዹይ ዓንጋሞ ኮሻሢ

ዬይ ዓንጋ ማዻንዳጉዲ ጌይንቴ ማዾ ማዻንዳጉዲኬ፤

ባይዛንዳጉዲ ባይዛሢያ ማዤሢ ታናኬ።

ኔና ሞኦታ ዓሶ ቢያ ኔኤኒ ላሣንዳኔ፤

ታ ዓይሎም ጌይንቴ ዓጫ ዬያኬ፤

ታ ጊዳፓ ዔያቶም ጴዻንዳ ፂሉማ ዬያኬ» ጋዓኔ፥ ናንጊና ናንጋ ጎዳሢ።