80
Hodá! Wasshán bay
Pa sázger o washáwázáni sálárá, “Susanáni” tarzay sará. Gwáhié. Asápay Zabur.
1 Oo Esráilay shopánk! Gósh dár,
taw ke shopánkéay paymá Issopay ramagay rahshón ay.
Oo Hodá! Taw ke karrubiáni* 80:1 Karrubi, ásmáni mahluké ke bánzolesh per o Hodáay tahtay chapp o chágerdá ant. nyámá bádsháhi tahtá neshtagay,
wati nurá tálán kan.
2 Epráim, Benyámin o Manassiay démá,
wati wák o tágatá borz kan o
pa may rakkénagá byá.
3 Oo Hodá! Gón má wasshán bay
wati démá gón má rozhná kan
ke má berakkén.
4 Oo Hodáwand! Lashkaráni Hodá! Tán kadén
hezhmay ásá wati kawmay dwáyáni sará gwárána bay?
5 Taw áyáná arsay nagan o
arsáni sarréchén jám wárént.
6 Taw márá hamsáhegáni démá bannám kortag o
dozhmen márá kalága bandant.
7 Oo lashkaráni Hodá! Gón má wasshán bay
wati démá gón má rozhná kan
ke má berakkén.
8 Taw anguray drachké cha Mesrá gwatk,
taw kawm dhanná dar kortant o é drachk kesht.
9 Taw zemin pa áiá práh kort,
gorhá risshagi jat o zemini porr kort.
10 Áiay sáhegá kóh póshetant o
áiay sháharhán, rostagén gazz.
11 Sháharhi tán Myánzerᆠ80:11 Myánzer, hamá daryá ent ke Yurop o Áprikáay nyámá ent. Engréziá: Mediterranean Sea. o
tháli tán Parátay kawrá sar butant.
12 Gorhá taw chiá áiay pall prósht o dawr dát
ke hamok rahgwaz áiay barán bechent?
13 Jangali hukk áiá éra barant o
dashtay jánwaria warant o séra kanant.
14 Oo lashkaráni Hodá! May gwará per tarr,
cha ásmáná delgósh kan o bechár,
é anguray delgóshá bedár,
15 hamé anguray ke tai rástén dastá kesht,
hamé chokkay ke taw pa wat ródént o zórmand kort.
16 Dozhmenán angur goddhet o ásá dawr dát,
é gón tai hakkaléá gár o gomsár bátant.
17 Tai dast hamá marday sará bát ke tai rástén némagá ent,
hamá ensánay chokkay sará ke taw pa wat ródént o zórmand kort.
18 Gorhá má wati démá cha taw natarrénén,
márá zend bebaksh ke tai námá begerén.
19 Oo Hodáwand, lashkaráni Hodá! Gón má wasshán bay,
wati démá gón má rozhná kan
ke má berakkén.