136
Soko On In Sang Kulo
1 Sang kulo nu sin LEUM GOD, tuh El wo,
Tuh lungkulang lal oan ma pahtpat. 1 Chr 16:34; 2 Chr 5:13; 7:3; Ezr 3:11; Psa 100:5; 106:1; 107:1; 118:1; Jer 33:11
2 Sang kulo nu sin God lun god uh,
Tuh lungkulang lal oan ma pahtpat.
3 Sang kulo nu sin Leum lun leum uh,
Tuh lungkulang lal oan ma pahtpat.
4 El mukena orala ma usrnguk lulap,
Tuh lungkulang lal oan ma pahtpat.
5 Ke lalmwetmet lal El orala kusrao,
Tuh lungkulang lal oan ma pahtpat. Gen 1:1
6 El musaeak faclu fin kof loal,
Tuh lungkulang lal oan ma pahtpat. Gen 1:2
7 El orala faht ac malem,
Tuh lungkulang lal oan ma pahtpat. 136:7–9; Gen 1:16
8 Faht el leum ke len uh,
Tuh lungkulang lal oan ma pahtpat.
9 Malem ac itu uh elos leum ke fong,
Tuh lungkulang lal oan ma pahtpat.
10 El uniya wounse mukul nutin mwet Egypt,
Tuh lungkulang lal oan ma pahtpat. Exo 12:29
11 El kolla mwet Israel liki acn Egypt,
Tuh lungkulang lal oan ma pahtpat. Exo 12:51
12 Ke po ku, ac po asroela lal,
Tuh lungkulang lal oan ma pahtpat.
13 El sraclik Meoa Srusra,
Tuh lungkulang lal oan ma pahtpat. 136:13–15; Exo 14:21–29
14 El kol mwet lal tuh elos in fahsr sasla,
Tuh lungkulang lal oan ma pahtpat.
15 A El akwalomyela tokosra Egypt ac mwet mweun lal,
Tuh lungkulang lal oan ma pahtpat.
16 El kolla mwet lal sasla yen mwesis,
Tuh lungkulang lal oan ma pahtpat.
17 El uniya tokosra kulana,
Tuh lungkulang lal oan ma pahtpat.
18 El uniya tokosra pwengpeng,
Tuh lungkulang lal oan ma pahtpat.
19 Sihon, tokosra lun mwet Amor,
Tuh lungkulang lal oan ma pahtpat. Oek 21:21–30
20 Ac Og, tokosra lun acn Bashan,
Tuh lungkulang lal oan ma pahtpat. Oek 21:31–35
21 El sang facl selos nu sin mwet lal,
Tuh lungkulang lal oan ma pahtpat.
22 El sang acn inge nu sin Israel, mwet kulansap lal,
Tuh lungkulang lal oan ma pahtpat.
23 El tia mulkinkutla in pacl kutangyukla kut,
Tuh lungkulang lal oan ma pahtpat.
24 El molikutla liki mwet lokoalok lasr,
Tuh lungkulang lal oan ma pahtpat.
25 El sang mwe mongo nu sin ma nukewa ma oasr moul la,
Tuh lungkulang lal oan ma pahtpat.
26 Sang kulo nu sin God lun kusrao,
Tuh lungkulang lal oan ma pahtpat.
136:1 1 Chr 16:34; 2 Chr 5:13; 7:3; Ezr 3:11; Psa 100:5; 106:1; 107:1; 118:1; Jer 33:11
136:13 136:13–15; Exo 14:21–29