1 Ita Moses bola Moab apua debama osowe wandie ene wadi Nebo odene alene ita iwaida osowe bola ebowa Pisiga bedewe wisen. Tane bola debama Ieriko ipa Ioadan waiwa dauwo winede. Ita Iawe God Moses bola uduudu euwasano ewen. Sa ipa Giled bolawa ita alene Dan makawa, 2 ita Napitali bolawa uduudu, Eparaim ita Manase bolawa uduudu ita Iuda bolawa uduudu alene Mediterenian Owawa wadena euwasan. 3 Do Iawe God Moses sala makowa bolawa ebowa Negeb, Ioadan dobawa nuawa, bola debama Ieriko ita Soa bolawa uduudu euwasano ewen. Ita bola debama Ieriko ebowa da waia Notonkela Bolawa. 4 Tauma Iawe God Moses diene wanase, “Tawo ema umanawa ne Abraam, Aisak ita Iakob mampo badowa sauantene wanase, ‘Ne tawo ema ando e nosinosia wanamopa.’✡ Bumpai 12.7; 26.3; 28.13 Ne bola ema euwaeno emaa os mampe ewaana, tane mai sape odee wana, dia.”

5 Sa baiwa Iawe God wana rua me nolawa dewalala Moses bola Moab bedewe bolen.

9 Muriwa me bolen me witapa Nun otopa Iosua osowe ituno God aten insaisa euda nopesan. Ita Israel apanawa me aiawa eteie ruawantoie. Mo dewa uduudu Iawe God Moses diena rua dewamoiena.