40
Maimaituwa ena lava yai nuwaubedi
1 Eda Maimaituwa i giuna gado,
“Egu lava kwai nuwaubedi.
2 Yelusalem lavedi kwa laibagidi.
Kwa giuwedi te ai nuwatoi nonoḡa.
Edi gebogebo dabedimo e kovokovoḡidina,
niganana e noḡotikamaḡe.”
3 ✡ Met 3:3; Mak 1:3Koi beyavaiya lava ḡesau kalakalalelemo
ya binabinauna gado,
“Bada ena eta ko yawasi,
Kalakalalelemo eta ko kadidimani eda Maimaituwa aubaina.
4 Gwagwa ko ḡuluvidi,
oya bi dabatuwa ko keli wai wapuwapudi,
dabakai bi sagusagula
ko keli wai bigebigedi.
5 Bi Bada i giuna gado,
Dobumo Bada namalina ya laumaḡata,
te lava matabudi sa kita.”
9 Temi Saiyon lavemi ko saḡa kona nawanawana
oya lofalofana dabanemo giu visuvisuna ko giuwe,
temi Yelusalem lavemi mote koma naila
kalinemi dididiginemo giu visuvisuna ko giuwena gado,
“Diuda dobuna lavemi emi Maimaituwa ya natonato.”
10 Ko kita Bada, lava mabai i waiyawasanidina vaitedi sa natonato,
te ḡailisi vaitena yai badayedi.
11 ✡ Idi 34:15Bi ena lava ya labedina
maibena tauwaiḡamoḡamo ya wai labalabana,
tana sipu yai ḡemotidi
bi ya bewebewedina mainana.
Tana sipu ma natunatuna,
yai etadoli kauwedi.