100
Niga salenemo, Maimaituwa ena lava ai ebone ena laukivivisuvisu aubaina.
1 Lava matabumi dobumo kalinemi,
dididiginemo ko sale Bada lisinemo.
2 Ko nato manuwavisumi Bada ko lauduneye,
bi mayasisimi ko sale.
3 Ko sibe te Bada tana Maimaituwa!
Tana i voiyeda te tada tana ena lava bi ya kitakitawatada,
maibena tauḡamo ena sipu ya labelabedina.
4 Ma wai ebomi ena vanuwa mataetinaḡa ko sola nawa,
bi ganakuku noponemo isana ko kasaḡesaḡe.
5 Banina Bada i visu,
ena nuwavaina kenakena nonoḡina ena lava lisidimo mote ima kovikovi.
Tana i giugiuwapana mainana tubulelesa onena ya miyawata.