1 Kamaina bi gomala ḡesau i tubuḡa maibena wala Eiblaḡam ena saugemo i tubutubuḡana. Taunana aubaina Aisik i nawa Gelamo Filitiya ḡalibonana Abimelek ena ani miyamo. 2 Kamaina bi Maimaituwa Aisik lisinemo i laumaḡata bi i giuna gado, “Mote kuma nawa Idipmo bi niga dobuna e giugiuwena ḡome kwa miya. 3  ✡ Pak 22:16-18Bi tagu ba tam vaitem, te yà kavisuvisum. Tagu niga dobuna isuna te isuna tam bi bilebilem vaitedi kaka yà vitemi. Tagu bai e giugiuwapana tamam Eiblaḡam lisinemo ba yaḡolo yà noḡonoḡoti. 4 Tagu kaka em tubulelesa wapewapedi yà vitem maibena kipola galewemo. Bi niga dobuna isuna te isuna matabuna tedi yà vitedi. Bi tedi dabedimo kaka dobu matabudi yà kavisuvisudi. 5 Tam yà kavisuvisum banina Eiblaḡam egu waiḡake bi egu giuvavasaḡa matabudi i voteyateyaedi.” 6 Kamaina bi Aisik Gela dobunemo i miya.