1 Dolinemo lava matabudi dobumo kalina ḡemota a giugiuwe. 2 Kamaina bi lava ḡesaudi suwala ena anilovotava yawaninaḡa a nawa, te Sinamo* Sina ba Babiloniya isana ḡesauna. a tava bi ḡome wapu visuvisuna a banavi bi a miyatulu.

3 Ḡome edi lava vaitedi ai ogatala bi doḡa a gwadai bi biliki† Doḡa bi pati a gwadai te biliki a voiyedi lofelofedi bi tabetabedi bi suwalemo a wai lalanidi, te a ḡaiḡai bi vanuwa bilibilidi ani patidi a patidi. 4 Kamaina bi a giuna gado, “Niganana malagai dididiga taitubu bi vanuwa wai dabakenakenana ta ḡala te dabana ya saḡa yada ya taukoni, isada vatona aubaina te mote tamai dabalalida.”

5 Kamaina bi Bada i yovo malagai bi vanuwa wai dabakenakenana a ḡalḡalana au kitanemo, 6 bi i giuna gado, “Niga lavedi matabudi kalina ḡemota sa giugiuwe, niga taunana kauwa yabayababa pakana ai tubu. Ḡotona te edi ḡowana sa voiyedi. 7 Ta yovo ta nawa bi kalinedi ta vitale asiasi te mote edi lava edi giu sima sibedi.”

8 Niga mainana Bada i wai dabalalidi bi dobu a nawa yaḡosi bi malagai dididiga a ḡalaḡalana a kaisako. 9 Taunana aubaina malagaina ai isana Babel,‡ Isa Babel Ḡibulu kalinedimo ba Wainuwanaina. banina ḡome Bada kalinedi i vitale asiasi bi i wai dabalalidi te dobu matabuna a nawa yaḡosi.