21
Hay Nipattigan Jesus hinan Pitun Intudtuduwana
Hay Nanidu'an nan Intudtuduwan Jesus
1 Wada goh han ohan algaw ya nipattig hi Jesus ay da'min intudtuduwanah din wadanmih nan Lobong an Galilee.* Waday duwa goh an ngadan ten lobong an nan Lobong an Tiberias ya nan Lobong an Gennesaret ti ad Tiberias ya ad Gennesaret di duwan babluy an wah pingit ten lobong. Ya hay aat di nipattigana 2 ya wah dih nan lobong da Simon Peter ay Thomas (an hi Didymus), ya hi Nathanael an iCana hinan Provinciad Galilee, ya da'min dana' Zebedee, ya nan duwa goh an intudtuduwan Jesus. 3 Ya inalin Simon Peter di, “Umuya' manidu'.”
Ya inalimin amin di, “Umuy'a ay ya mi'yali ami goh.” At nunlugan amih nan bangka, ya inlablabimin nanidu', mu mi'id am'amungit hi hinidu'mi.
4 Ya unat goh wan napatal ta ningemel nan algaw ya timma'ta'dog hi Jesus hinan pingit den lobong, mu agguymi inimmatunan un Hiya. 5 Ya inalinan da'miy, “I'ibba', undan mi'id di hinidu'yuh ekan?”
Ya inalimiy, “Mi'id ahan am'amungit.”
6 Ya inalin Jesus ay da'miy, “Ihidu'yuh immapit hi agwanyu, at waday ekan.” Ya unat goh inhidu'mi ya adi ami ahan pa'agguyud hidin hidu' ti na"apnu ahan hi ekan.
7 Ya ha"in an pa"appohdon Jesus ya inali' ay Peter di, “Hiyah neh Apu tu'u!” Ya unat goh dengngol Simon Peter an hi Apu tu'uh nen ni'hapit ay da'mi ya nunlubung ti ina'aanay lubungna, ya inyugpahnah din danum, ya himmalug an immuy hinan pingitnah wadan Jesus. 8 Mu da'min ibbana ya wada amih nan bangka ta guyudonmi din hidu' an napnuh ekan, mu agguy ami niyadagwih nan pingit di lobong an mi'id mapto' ya nahiyam nin di mitluh inadagwidah nan pingitna. 9 Ya unat goh immatam amih nan pingit di lobong ya tinnigmin gimmagaba din uleng, ya waday ekan ya tinapay an nipaga.
10 Ya inalin Jesus ay da'miy, “Iyaliyuy udumnan nen pa'ahhidu' an ekan.” 11 At immuy ginuyud Simon Peter din hidu' hinan bangka ta inda'alna. Ya ta"on un do'ol ahan din ekan an na'na mu agguy napa"i din hidu'. Ya hinggahut ya han nabongle ta tuluy o"ongol hi ekan an na'na. 12 Ya inalin Jesus ay da'miy, “Ma ayu ta mangan tu'u.” Mu mun'ogon amin mangibagan Hiyah un immannung an Hiyah Jesus, mu inimmatunanmin Hiya. 13 Ya innal Jesus din tinapay, ya impiyapongnan da'mi, ya inatna goh hidin ekan an impiyapongna ta ononmi.
14 Ya hiyah ne pitlunah nipattigan Jesus ay da'min intudtuduwana an nete"an di namahuana.
Hay Nanamadan Jesus hi Pamhod Peter ay Hiya
15 Unat goh nalpah amin nangan ya inalin Jesus ay Simon Peter di, “Simon an imbaluy John, ongol ahan nin di pamhodmun† Hiyah ne hapit an agape hinan hapit di iGreece. Ha"in ya un tun pamhodmuh‡ Hiyah ne hapit an phileo hinan hapit di iGreece. tun ekan?”§ Hay pohdonan hapiton ya hinanhanan Jesus hi unna pohdon an anuhan di puntamuanan Hiya (agape), unu pohdonan mumbangngad hinan tamuna tuwalin manidu' ta unda munligwa ya anggay (phileo).
Ya inalinay, “Oo, Apu, inilam an pa'appohdon* Hiyah ne hapit an phileo hinan hapit di iGreece. da'a ahan.”† Hay nambal Peter ya adina ma'anuhan, mu penhodnan unda munligwa.
Ya inalin Jesus ay hiyay, “Ipapto'muy tatagun mangulug ay Ha"in an umat hinan mumpahtul hinan uyaw an kalnilu.”
16 Ya impidwan goh Jesus an nangalin hiyay, “Simon an imbaluy John, pohdona'‡ Hiyah ne hapit an agape hinan hapit di iGreece. nin ay he"a?”
Ya inalinay, “Oo, Apu, inilam an pa'appohdon§ Hiyah ne hapit an phileo hinan hapit di iGreece. da'a.”
Ya inalin Jesus ay hiyay, “At ipapto'muy tatagun kumulug ay Ha"in an umat hinan aton di mumpahtul hi kalnilu.”
17 Ya impitlun Jesus an nangalin Peter di, “Simon an imbaluy John, pohdona'* Hiyah ne hapit an phileo hinan hapit di iGreece. ay he"a?”† Hay pohdonan hapiton nan imbagan Jesus ay Peter ya unda munligwa ya anggay an adi ma'anuhan Peter an munhulbin Hiya?
Ya ma'allungdayah Peter ti nan nangipitluan Jesus an nangalih, “Pohdona' nin ay he"a?” At inalin Peter ay Jesus di, “Inilam an popohdon‡ Hiyah ne hapit an phileo hinan hapit di iGreece. da'a ti inilam an amin di logom!”
Ya inalin Jesus ay hiyay, “Ipapto'muy tatagun kumulug ay Ha"in. 18 Immannung heten alyo' ay he"a: hidin a'ungam ya gunmu enegtom di gina'um hinan penhodmun ayan, mu hi awni ta mala'ay'a at iduulmuy ngamaymu ta bobodonda, ya inyuy da'ah nan adim pohdon an umayan.” 19 Ya manu ay inalin Jesus ay Peter hene ti imbaag Jesus di aat di atayan Peter hi awnih din pangipattiganah anabagbagtun Apo Dios an dumalat hi atayana. At inalin Jesus ay hiyay, “Unudona'!”§ Hay pohdonan hapiton ya ta"on un agguy inabulut Peter an nahamad di pamhodna (agape) ay Jesus mu inilan Jesus damdama an udum di algaw hi atayan Peter at ma'anuhanay punhulbianan Jesus.
Hay Nangulgudan Jesus hi Aat John
20 Unat goh nunwingih Peter ya un anggay ha"in an pa"appohdon Jesus hi nangunud ay dida. (Ya ha"in goh din netob ay Jesus hidin nangananmih agguyna natayan hi nangalyanay, “Hay ngadan di mangipadpap ay He"a?”* Jn. 13:25.) 21 Ya unat goh tinniga' ay Peter ya inalinan Jesus di, “Apu, hay ma'at nin goh eten tagu?”
22 Ya inalin Jesus ay hiyay, “Adi mahapul an innilaom di ma'at ay hiya ti gulat ta pohdo' at taguo' ta nangamung hidin pumbangngada'. Mu hay atom ya unudona'.” 23 At dumalat eden inalin Jesus ya nihinap hinan nangunud ay Jesus di adi' atayan. Mu bo'on hene inalin Jesus, ti hay inalina ya “Adi mahapul an innilaom di ma'at ay hiya, ti gulat ta pohdo' at taguo' ta nangamung hidin pumbangngada'.”
24 Ya ha"in henen intudtuduwanan inulgudna an nangulgud ya nangitudo' ete. Ya inila' an makulug an amin hatun intudo"u, ya inilayu goh an adi munlayah ti makulug tun hinapit'u.
Hay Angunuh di Nitudo'
25 Numbino'ob'on an do'ol di inat Jesus, mu ammunana. Ti gulat ta nitudo' an amin di ina'inatna at adi umanay di itud'ana.
*21:1 Waday duwa goh an ngadan ten lobong an nan Lobong an Tiberias ya nan Lobong an Gennesaret ti ad Tiberias ya ad Gennesaret di duwan babluy an wah pingit ten lobong.
†21:15 Hiyah ne hapit an agape hinan hapit di iGreece.
‡21:15 Hiyah ne hapit an phileo hinan hapit di iGreece.
§21:15 Hay pohdonan hapiton ya hinanhanan Jesus hi unna pohdon an anuhan di puntamuanan Hiya (agape), unu pohdonan mumbangngad hinan tamuna tuwalin manidu' ta unda munligwa ya anggay (phileo).
*21:15 Hiyah ne hapit an phileo hinan hapit di iGreece.
†21:15 Hay nambal Peter ya adina ma'anuhan, mu penhodnan unda munligwa.
‡21:16 Hiyah ne hapit an agape hinan hapit di iGreece.
§21:16 Hiyah ne hapit an phileo hinan hapit di iGreece.
*21:17 Hiyah ne hapit an phileo hinan hapit di iGreece.
†21:17 Hay pohdonan hapiton nan imbagan Jesus ay Peter ya unda munligwa ya anggay an adi ma'anuhan Peter an munhulbin Hiya?
‡21:17 Hiyah ne hapit an phileo hinan hapit di iGreece.
§21:19 Hay pohdonan hapiton ya ta"on un agguy inabulut Peter an nahamad di pamhodna (agape) ay Jesus mu inilan Jesus damdama an udum di algaw hi atayan Peter at ma'anuhanay punhulbianan Jesus.
*21:20 Jn. 13:25.