6
Iixhuihua Leví catli mochijque totajtzitzi
1 Leví quinpixqui iconehua catli inintoca eliyayaj: Gersón, Coat huan Merari.
2 Coat teipa quinpixqui iconehua catli inintoca eliyayaj: Amram, Izhar, Hebrón huan Uziel.
3 Amram teipa quinpixqui iconehua catli inintoca eliyayaj: Aarón, Moisés huan María.
Huan Aarón teipa quinpixqui iconehua catli inintoca eliyayaj: Nadab, Abiú, Eleazar huan Itamar.
4 Eleazar quipixqui icone catli itoca Finees.
Huan Finees quipixqui icone catli itoca Abisúa.
5 Huan Abisúa quipixqui icone catli itoca Buqui.
Huan Buqui quipixqui icone catli itoca Uzi.
6 Huan Uzi quipixqui icone catli itoca Zeraías.
Huan Zeraías quipixqui icone catli itoca Meraiot.
7 Huan Meraiot quipixqui icone catli itoca Amarías.
Huan Amarías quipixqui icone catli itoca Ahitob.
8 Huan Ahitob quipixqui icone catli itoca Sadoc.
Huan Sadoc quipixqui icone catli itoca Ahimaas.
9 Ahimaas quipixqui icone catli itoca Azarías.
Huan Azarías quipixqui icone catli itoca Johanán.
10 Huan Johanán quipixqui icone catli itoca Azarías.
Huan Azarías elqui se totajtzi ipan nopa hueyi tiopamitl catli Salomón quichijqui ipan altepetl Jerusalén.
11 Azarías quipixqui icone catli itoca Amarías.
Huan Amarías quipixqui icone catli itoca Ahitob.
12 Huan Ahitob quipixqui icone catli itoca Sadoc.
Huan Sadoc quipixqui icone catli itoca Salum.
13 Huan Salum quipixqui icone catli itoca Hilcías.
Huan Hilcías quipixqui icone catli itoca Azarías.
14 Huan Azarías quipixqui icone catli itoca Seraías.
Huan Seraías quipixqui icone catli itoca Josadoc.
15 Huan Nabucodonosor quihuicac Josadoc quema Toteco quitequihui ya para quinquixtis israelitame tlen tlali Judá huan altepetl Jerusalén para quinhuicase tetequipanotij.
Sequinoc iixhuihua Leví catli amo totajtzitzi
16 Leví quinpixqui iconehua catli inintoca eliyayaj: Gersón, Coat huan Merari.
17 Gersón teipa quinpixqui iconehua catli inintoca eliyayaj Libni huan Simei.
18 Coat teipa quinpixqui iconehua catli inintoca eliyayaj: Amram, Izhar, Hebrón huan Uziel.
19 Merari teipa quinpixqui iconehua catli inintoca eliyayaj Mahli huan Musi.
Ya ni elque iteipan ixhuihua Leví catli huejcajya itztoya.
20 Huan nica eltoc inintoca iteipan ixhuihua Gersón catli mochijque familias. Inijuanti inintoca eliyayaj: Libni catli elqui itata Jahat, catli elqui itata Zima, 21 catli elqui itata Joa, catli elqui itata Iddo, catli elqui itata Zera, catli elqui itata Jeatrai.
22 Huan iteipan ixhuihua Coat catli mochijque familias inintoca eliyayaj: Aminadab catli teipa elqui itata Coré, catli teipa elqui itata Asir, 23 catli teipa elqui itata Elcana, catli teipa elqui itata Ebiasaf, catli teipa elqui itata Asir, 24 catli teipa elqui itata Tahat, catli teipa elqui itata Uriel, catli teipa elqui itata Uzías catli teipa elqui itata Saúl.
25 Elcana quinpixqui iconehua catli inintoca eliyayaj Amasai huan Ahimot, 26 Elcana, Zofai, Nahat, 27 Eliab, Jeroham huan Elcana.
28 Huan Samuel quinpixqui iconehua catli inintoca Vasni catli achtihui ejquetl huan Abías catli teipa tlacatqui.
29 Merari quinpixqui iconehua catli inintoca eliyayaj: Mahli, Libni, Simei, Uza, 30 Simea, Haguía huan Asaías.
Levitame catli huicani ipan tiopamitl
31 Nica eltoc inintoca nopa huicani catli Tlanahuatijquetl David quintlapejpeni para huicase huan para tlayacanase para quihueyichihuase Toteco. 32 Inijuanti tequipanojque ipan nopa yoyon tiopamitl quema ya quitlalijtoya nopa caxa nopona hasta quema Salomón quichijchijqui nopa tiopamitl ipan altepetl Jerusalén. Teipa nopa huicani pejque tequipanohuaj nopona.
33 Ni tlacame huan ininconehua huicaque huan nochi itztoyaj iteipan ixhuihua Coat tlen huejcajya: Hemán tlayacanqui huan nojquiya huicaque Joel, catli elqui icone Samuel.
34 Samuel elqui icone Elcana [6:34 Elcana III.], catli elqui icone Jeroham.
Huan Jeroham elqui icone Eliel, catli elqui icone Toa.
35 Toa elqui icone Zuf, catli elqui icone seyoc tlacatl catli itoca Elcana [6:35 Elcana II.].
Huan ni Elcana elqui icone Mahat, catli elqui icone Amasai.
36 Amasai elqui icone seyoc tlacatl catli itoca Elcana [6:36 Elcana I.], catli elqui icone Joel.
Huan Joel elqui icone Azarías, catli elqui icone Sofonías.
37 Sofonías elqui icone Tahat, catli elqui icone Asir.
Huan Asir elqui icone Ebiasaf, catli elqui icone Coré.
38 Coré elqui icone Izhar, catli elqui icone Coat.
Huan Coat elqui icone Leví, catli elqui icone Israel.
39 Huan Hemán quipixqui itlapalehuijca catli itoca Asaf catli mocajqui ipan inejmac. Huan Asaf elqui icone Berequías, catli icone Simea, 40 catli icone Micael, catli icone Baasías, catli icone Malquías, 41 catli icone Etni, catli icone Zera, catli icone Adaía, 42 catli icone Etán, catli icone Zima, catli icone Simei, 43 catli icone Jahat, catli icone Gersón catli icone Leví.
44 Huan tlen iteipan ixhuihua Merari itlapalehuijca Hemán catli moquetzqui ipan iopoch elqui Etán catli elqui icone Quisi, catli icone Abdi, catli icone Maluc, 45 catli icone Hasabías, catli icone Amasías, catli icone Hilcías, 46 catli icone Amsi, catli icone Bani, catli icone Semer, 47 catli icone Mahli, catli icone Musi, catli icone Merari catli elqui icone Leví.
48 Huan sequinoc iteiximatcahua catli nojquiya itztoyaj levitame o iixhuihua Leví, quiselijque sequinoc tlamantli tequitl para ma quichihuaca ipan Itiopa Toteco. 49 Pero catli hualajque ipan Aarón huan iteipan ixhuihua elque totajtzitzi. Inintequi eliyaya para quitencahuase tlacajcahualistli tlatlatili, quitlatise copali huan para quichihuase sequinoc tlamantli tequitl ipan nopa cuarto catli Más Tlatzejtzeloltic. Nojquiya quipixque inintequi para quiixtzacuase tetlajtlacolhua sesen xihuitl quen quiijto nopa tlanahuatilme catli Toteco quimacac itequipanojca, Moisés.
Iixhuihua Aarón
50 Aarón quipixqui icone catli itoca Eleazar, catli quipixqui icone Finees, catli quipixqui icone Abisúa, 51 catli quipixqui icone Buqui, catli quipixqui icone Uzi, catli quipixqui icone Zeraías, 52 catli quipixqui icone Meraiot, catli quipixqui icone Amarías, catli quipixqui icone Ahitob, 53 catli quipixqui icone Sadoc, catli quipixqui icone Ahimaas.
Inialtepehua nopa levitame
54 Ya ni inintoca nopa altepeme huan tlalme catli quiselijque iixhuihua Aarón quen catli quintocaro ica rifa.
Aarón catli quisqui tlen se ihuejcapan tata catli itoca Coat quinpixqui iteipan ejcahua catli quiselijque ni tlalme: 55 Hebrón ipan tlali Judá huan nochi nopa potreros catli quiyahualojtoyaj. 56 Caleb, icone Jefone quiseli nopa mili huan cuatitlamitl nechca Hebrón. 57 Huajca iixhuihua Aarón quiselijque ni altepeme ica nochi nopa potreros catli quinyahualojtoyaj. Quiselijque: Hebrón, se altepetl para ipan momanahuise, Libna, Jatir, Estemoa, 58 Hilén, Debir, 59 Asán huan Bet Semes ica nochi nopa potreros catli quiyahualojtoyaj sesen ni altepeme. 60 Nojquiya ipan inintlal Benjamín quiselijque: Geba, Alemet huan Anatot ihuaya nopa potreros catli quinyahualojtoyaj. Huajca ica nochi, iixhuihua Aarón quiselijque 13 altepeme ica ininpotreros.
61 Nojquiya nopa sequinoc iteipan ixhuihua Coat catli amo iixhuihua Aarón ica rifa quiselijque 10 altepeme tlen inintlal nopa tlajco ifamilia Manasés.
62 Huan iteipan ixhuihua Gersón, catli icone Leví huejcajya, quiselijque 13 altepeme tlen nopa huejhueyi familias Isacar, Aser, Neftalí huan nopa tlajco ifamilia Manasés catli itztoyaj ipan tlali Basán.
63 Huan iteipan ixhuihua Merari, icone Leví huejcajya, quiselijque ica rifa 12 altepeme ipan inintlal nopa huejhueyi familias Rubén, Gad huan Zabulón.
64 Huan israelitame quinmacaque nopa levitame nochi ni altepeme ica ininpotreros. 65 Quena, ica rifa israelitame catli ininteipan ixhuihua Judá, Simeón huan Benjamín quinmacaque levitame ni altepeme catli nimitzilhuijtoc huejcapa tlen inintlalhua.
66 Sequin iixhuihua Coat quiselijque altepeme tlen inintlal nopa hueyi familia Efraín ica nochi nopa potreros catli quinyahualojtoyaj. 67 Huan nopa hueyi familia Efraín nojquiya quinmacaque nopa altepetl Siquem catli elqui se altepetl tlen tlamanahuili catli mopantía ipan nopa cuatitlamitl ipan tlali Efraín. Nojquiya quinmacaque altepeme: Gezer, 68 Jocmeam, Bet Horón, 69 Ajalón, Gat Rimón ihuaya nochi potreros catli quiyahualojtoyaj sesen altepetl. 70 Huan tlen inintlal, nopa tlajco familia tlen Manasés quinmacaque iteipan ixhuihua Coat nopa altepeme Aner huan Bileam ica nochi ininpotreros.
71 Huan tlen inintlal, nopa tlajco familia tlen Manasés nojquiya quinmacaque iteipan ixhuihua Gersón nopa altepetl Golán ipan tlali Basán ica ipotreros huan nopa altepetl Astarot.
72 Huan tlen inintlal, nopa hueyi familia Isacar quinmacaque iteipan ixhuihua Gersón nopa altepeme catli inintoca: Cedes, Daberat, 73 Ramot huan Anem ica nochi nopa potreros catli quinyahualojtoyaj. 74 Huan tlen inintlal, nopa hueyi familia Aser quinmacaque iteipan ixhuihua Gersón nopa altepeme catli inintoca: Abdón, Masal, 75 Hucoc huan Rehob ica nochi nopa potreros catli quinyahualojtoyaj. 76 Huan nopa hueyi familia Neftalí quinmacac iteipan ixhuihua Gersón altepetl Cedes catli mopantía ipan tlali Galilea, huan altepetl Hamón huan altepetl Quiriataim. Nojquiya quinmacaque nochi nopa potreros catli quinyahualojtoyaj.
77 Huan tlen inintlal, nopa hueyi familia Zabulón, quinmacaque catli mocajqui tlen iteipan ixhuihua Merari nopa altepeme Rimón huan Tabor ica ininpotreros. 78 Huan tlen inintlal, nopa hueyi familia Rubén quinmacaque iteipan ixhuihua Merari ni altepeme catli mopantíaj ipan nopa seyoc anali hueyatl Jordán, iixmelac altepetl Jericó. Huan ni altepeme itoca Beser ipan huactoc tlali huan nojquiya quinmacaque Jaza, 79 Cademot huan Mefaat ihuaya nochi nopa potreros catli quinyahualojtoyaj. 80 Huan tlen inintlal, nopa hueyi familia Gad quinmactilijque iteipan ixhuihua Merari nopa altepetl Ramot ipan tlali Galaad. Nojquiya quinmactilijque Mahanaim, 81 Hesbón huan Jazer ica nochi nopa potreros catli quinyahualojtoyaj.