2
Tomoya ana totugugunayao
asa ainima aiyuwo goi adi leta
asa ainima aiyuwo goi adi leta
(Nuwogau 2:1—3:22)
Da Epeso adi leta
1 Tauyana idigo kana,
‘Anerose Tomoya ana totugugunayao Epeso goi imatakaavatedi ana leta totugugunayadi manudi kugīni kam,
“Yau Yeisu, Tauyagu utuna ainima aiyuwo nimakakataigu goi ayooisidi be nakae rampa goura ana kaba yata ainima aiyuwo nauyayanaidi goi aaketoiya, ame nakae alatuwokoimi: 2 Imi sinapu bogina ayaagoidi. Sinapuyadi moe imi poisógana be nakae imi mesayágana. Nakae aayagoi bego toogoyoidi kokataedi be nakae vamoleyana polapola kovakakonedi, tauna koyagoi tauyadi topola. 3 Bogina aayagoi komi komesayágana. Mou kobabanedi unana yau yoigu ikaaiyaka yaimi go, geya kotameyeta. 4 Go geya kada imi sinapu madabokina dedevina yaimi geya, go sem tayamo imi sinapu akatae. Sinapuyana moe imi gimimatakoi bogina kokalave. 5 Tauna boi imi gimimatakoiyana gagaina konuwookavāte; moe matakoiyana goi bogina kokapusi. Kotugavīla go, matakoi goi koguuinūwa boi nakae kogimiguinuwa. Go neta geya, bogina awowoiwo bei imi rampa ana kaba yata akabi anave. 6 Go geya kada komi imi sinapu madabokina igoyo geya, go sem imi guinuwa ame dedevina: Kidi Nikalete ina bodao idi sinapu kokaoliilivedi. Sinapuyadi yau nakae akaoliilivedi.
7 Avatauwa komi neta ma taaiyami,†a Mad 11:15; Nuw 2:11,17,29, 3:6,13,22, 13:9. e Baloma Kimaasabaina ina livala Tomoya ana totugugunayao yaidi konoveedokōidi!
Avatauwa komi neta kootogaga,†b Nuw 2:11,17,26, 3:5,12,21, 21:7. bei atagonemi yawana vata alovaina†c Abv 2:9, 3:22-24; Nuw 22:2,14,19. keuwoina Yaubada ina dadava dedevina goi ikaaiyaka kokani.” ’
Da Simona adi leta
8 Tuwaina Tauyana idigo kana,
‘Anerose aiyuwoina Tomoya ana totugugunayao Simona goi imatakaavatedi ana leta totugugunayadi manudi kugīni kam,
“Yau Yeisu Totukumgo be Totumliya,†a Ais 41:4, 44:6, 48:12; Nuw 1:17, 22:13. boi akámasa go, ame tuta maa yawoigu.†b Nuw 1:18. Ame nakae alatuwokoimi: 9 Imi gedageda be nakae imi tokai bogina ayaagoidi. Go geya kada imi numisa goi komi tokai geya, go sem imi numisayana goi komi kooguyau. E nakae aayagoi ami totagiwayayao toinidi sinuwonúwana kadi, ‘Kai Diyuu, Yaubada ina bodao’ go, moe geya moitamo geya, go sem kidi Kaleya ana totugugunayao! 10 Gedageda giyakainava bei kobabanedi taabu komatooitēdi. Konōve! Totagíwaya giyakainava bei imi kaleyayao iepaaisewedi bei deri goi sivaisiumi bego imi numisa ivakakone. Amoko goi maliyalina yawou sinaedi bei mou kobabane.† Dan 1:12-15. Go komi imi numisa goi kotaoyakavāta ana kadókana kokámasa, bei ami vaiwówana, moe yawoimi vata, avinimi.
11 Avatauwa komi neta ma taaiyami,†a Nuw 2:7. e Baloma Kimaasabaina ina livala Tomoya ana totugugunayao yaidi konoveedokōidi! Avatauwa komi neta kootogaga,†b Nuw 2:7,17,26, 3:5,12,21, 21:7. ámasa aiyuwoina geya itoboineyeta iyogedegedemi.” ’†c Nuw 20:11-15, 21:8.
Da Pegamasi adi leta
12 Tuwaina Tauyana idigo kana,
‘Anerose aitonina Tomoya ana totugugunayao Pegamasi goi imatakaavatedi ana leta totugugunayadi manudi kugīni kam,
“Yau Yeisu magu sisi matana aiyuwo go, sooinina. Ame nakae alatuwokoimi: 13 Bogina aayagoi ava kasa goi kokaaiyaka. Moe Kaleya ina kaba lovina‡ Kaleya ina kaba lovina: Ame nakae igini unana kidi da Roma idi kaba lovina goi tomota sisakululu idi Sisa yaina. Sinuwonúwana tauyana yaubada tayamo. Amo tapwaroroyana gagaina toina be nakae tapwaroro polapola badabadaidi Pegamasi goi sikaaiyaka, tauna asayana goi goyo ivakaigaga; e amoko goi Kaleya itoboine ina paisewa asa liliudi yaidi irugwausidi. go, tuwo yoigu yaimi goi nava koyoisiikavate o tadigo kada, ‘Yau guna sinapu aba numisa geya kokalaveyeta.’ Moe nakae imi sinapu Antipasi ina tuta goi. Tauyana guna totalavaita dókana aba numisa, boi yaimi goi ikaaiyaka go, moeko Kaleya ikaaiyaka goi Antipasiyana sikaumate. 14 Go geya kada imi sinapu madabokina dedevina geya, go sem maniyemi imi sinapu akataedi. Maniyemi Balam†a Yoy 22:5,7, 31:16; Atu 23:4; 2Pi 2:15. ina vatulúkwana koyoisiikavate. Tauyana boi Balaki ivatuluko manakaena bei Isileli tubunao adi síkwana iyato, e bei ikatubaudi bego awoinu kaasalaidi yaubada polapola yaidi sikáika be nakae simasisi goyogoyo.†b Yoy 25:1-3. 15 Go komi maniyemi nakae Nikalete ina bodao idi vatulúkwana koyoisiikavate. Moe vatulukwanayana Balam ina vatulúkwana nakae. 16 E tauna kotugavīla! Go geya, woiligu ao bei guna livala sisi sooinina nakae goi avayaviya yaimi.
17 Avatauwa komi neta ma taaiyami,†a Nuw 2:7. e Baloma Kimaasabaina ina livala Tomoya ana totugugunayao yaidi konoveedokōidi!
Avatauwa komi neta kootogaga,†b Nuw 2:7,11,26, 3:5,12,21, 21:7. e mana vamoounina‡ Mana vamoounina: Mana beredi nakae. Tateta 16:32-34 kugitedi. Go mana giyaina boi Isileli tubunao sikabi siyato Yaubada ina kanasíuna dedeogaina sinaena goi ikaaiyaka. Niga tutayana ituli ta boda sima Yaubada ina vada Solomoni iyowo sitauwe, e Yeremaya manayana ikabi ivamou ikaaiyaka ana kadókana Yaubada ana kinava ima. Amo tutayana Yaubada ina bodao moe kidi Isileli tubunao aiyuwoina mana ivakanidi sikakáika.†c Tat 16:14-15, 16:33-34; Iyo 6:48-50. bei avinimi kokáika. Aiyuwoina gurewa poowoudi bei avinimi. Gurewayadi goi you vau sikaaiyaka go, youyadi geya vatau tayaamo iyagoidi, go sem komi togogo amitava koyagoidi.” ’†d Ais 56:5, 62:2, 65:15.
Da Tuwatira adi leta
18 Tuwaina Tauyana idigo kana,
‘Anerose aivasina Tomoya ana totugugunayao Tuwatira goi imatakaavatedi ana leta totugugunayadi manudi kugīni kam,
“Yau Yeisu Yaubada Natuna matagu yeu sabeninimina nakae. Aegu barasa aiigabuna be yaayaina ina námala nakae. Ame nakae alatuwokoimi: 19 Imi sinapu bogina ayaagoidi. Sinapuyadi moe imi matakoi, komi imi sinapu goi aba numisa, imi paisewa be nakae imi mesayágana. Nakae bogina aayagoi ame tuta imi guinuwa dedevidi toidi namliyeta imi guinuwa boi tutayana kogiminumisegu. 20 Go geya kada imi sinapu madabokina dedevina geya, go sem imi sinapu tayamo akatae. Sinapuyana moe vavina tayamo Yesibeli† 1To 16:31; 2To 9:22,30. nakae kotagone yaimi ikaaiyaka. Tauyana toinina ivayoko bego Yaubada ina tokabivalavala go, tauyana tokabivalavala geya. Guna pakonayao ivatulukoidi go, ina vatulukwanayana goi ivasulaigidi; latuwona bego kidi simasisi goyogoyo be nakae awoinu kaasalaidi yaubada polapola yaidi sikáika. 21 Vavinayana ina tuta bogina avini bego itugavila go, ikatae; geya latuwona bego ina matagogoli ikalave. 22 Konōve! Vísiya tayamo bei avini. Go avatauwa komi neta koroerata‡ Roerata: Ame livalayana ana yagoina aiyuwo. Tayamo moe koroto imasisi ituli ta vavina nainaina taiyao. Go tayamo moe livalakaibala. Neta tomota tayamo mainao isakululu Yaubada yaina go, niga Yaubadayana ikalave go, yaubada polapola yaidi isakululu. Kidi Diyuu niyadi goi moe nakae tomotayana iroerata. amo tauyana taiyao, e mou gagaina bei avinimi. Neta ina guinuwa goyogoyoidi amo goi geya kotugavileta, tauna nakae bei aguinuwe. 23 Vavinayana natunao‡ Natunao: Ame nakona tauyadi vavina sisabookuliye. Go aiyuwoina nakona moitamo toinina natunao. bei akaumatedi go, Tomoya ana totugugunayao madabokidi bei siyagoigu bego yau tomota liliudi nuwodi be atedi ayaagoidi.†a 1Sa 16:7; Sam 7:9; Yer 11:20, 17:10. Go madabokimi nakonakae imi guinuwa, nakona dedevidi o nakona goyogoyoidi, nakae bei akatumapumi.†b Sam 62:12; Mad 16:27; Rom 2:6; 2Ko 5:10, 11:15. 24 Go komi da Tuwatirayami, avatauwa komi neta amo sinapu goyogoyoidiyadi geya kosabokuliyedita be nakae vatulúkwana sivayou Kaleya ina vatulúkwana nikuunikudi geya koyagoidita, e lovina tuwaina geya avinimita. 25 Go lovina tayamo toito avinimi moe Vala Dedevina koyoisiikavāte ana kadókana akaluvilamna ao.
26 Avatauwa komi neta kootogaga be guinuwa koguuinuwedi nakae bogina alatuwokoimi ana kadókana aba lukavava goi, e lovina avinimi bei boda liliudi kolovinaedi. 27 Lovinayana avinimi nakae boi yau Tamagu iivinigu. Imi lovinayana toogagaina tomota yaidi nakae Yaubada ina buki idigo kana,
‘Kepati kainum goi imtulidi;†a Nuw 12:5, 19:15.
nakae vaega neta ikaauvisidi.’†b Ais 30:14; Yer 19:11.
Same 2:9
28 Aiyuwoina avatauwa komi neta kootogaga, kubona‡ Kubona: Nakona ame ana yagoina moe kubona aba kinana bego kita tatukumgo. Aiyuwoina ana yagoina nakona kita bei tanínima kubona nakae. Aitonina ana yagoina nakona ame Yeisu yaida goi ikaaiyaka.† 2Pi 1:19; Nuw 22:16. bei avinimi.
29 Avatauwa komi neta ma taaiyami, e Baloma Kimaasabaina ina livala Tomoya ana totugugunayao yaidi konoveedokōidi!” ’
†a2:7 Mad 11:15; Nuw 2:11,17,29, 3:6,13,22, 13:9.
†b2:7 Nuw 2:11,17,26, 3:5,12,21, 21:7.
†c2:7 Abv 2:9, 3:22-24; Nuw 22:2,14,19.
†a2:8 Ais 41:4, 44:6, 48:12; Nuw 1:17, 22:13.
†2:10 Dan 1:12-15.
†b2:11 Nuw 2:7,17,26, 3:5,12,21, 21:7.
‡2:13 Kaleya ina kaba lovina: Ame nakae igini unana kidi da Roma idi kaba lovina goi tomota sisakululu idi Sisa yaina. Sinuwonúwana tauyana yaubada tayamo. Amo tapwaroroyana gagaina toina be nakae tapwaroro polapola badabadaidi Pegamasi goi sikaaiyaka, tauna asayana goi goyo ivakaigaga; e amoko goi Kaleya itoboine ina paisewa asa liliudi yaidi irugwausidi.
†a2:14 Yoy 22:5,7, 31:16; Atu 23:4; 2Pi 2:15.
†b2:14 Yoy 25:1-3.
†b2:17 Nuw 2:7,11,26, 3:5,12,21, 21:7.
‡2:17 Mana vamoounina: Mana beredi nakae. Tateta 16:32-34 kugitedi. Go mana giyaina boi Isileli tubunao sikabi siyato Yaubada ina kanasíuna dedeogaina sinaena goi ikaaiyaka. Niga tutayana ituli ta boda sima Yaubada ina vada Solomoni iyowo sitauwe, e Yeremaya manayana ikabi ivamou ikaaiyaka ana kadókana Yaubada ana kinava ima. Amo tutayana Yaubada ina bodao moe kidi Isileli tubunao aiyuwoina mana ivakanidi sikakáika.
†c2:17 Tat 16:14-15, 16:33-34; Iyo 6:48-50.
†d2:17 Ais 56:5, 62:2, 65:15.
†2:20 1To 16:31; 2To 9:22,30.
‡2:22 Roerata: Ame livalayana ana yagoina aiyuwo. Tayamo moe koroto imasisi ituli ta vavina nainaina taiyao. Go tayamo moe livalakaibala. Neta tomota tayamo mainao isakululu Yaubada yaina go, niga Yaubadayana ikalave go, yaubada polapola yaidi isakululu. Kidi Diyuu niyadi goi moe nakae tomotayana iroerata.
‡2:23 Natunao: Ame nakona tauyadi vavina sisabookuliye. Go aiyuwoina nakona moitamo toinina natunao.
†a2:23 1Sa 16:7; Sam 7:9; Yer 11:20, 17:10.
†b2:23 Sam 62:12; Mad 16:27; Rom 2:6; 2Ko 5:10, 11:15.
†b2:27 Ais 30:14; Yer 19:11.
‡2:28 Kubona: Nakona ame ana yagoina moe kubona aba kinana bego kita tatukumgo. Aiyuwoina ana yagoina nakona kita bei tanínima kubona nakae. Aitonina ana yagoina nakona ame Yeisu yaida goi ikaaiyaka.