1 Mendeme* Ap 9:3,17; 22:17-18; 26:16; Lo 1:1; 1 Ko 9:19; 15:8; 2 Ko 12:12 namba pyalya minamopa kalyope? Namba aposele joo nakalyope? Nambame naimanya Kamongo Jisasa kanja nayope? Nambame Kamongonya kalai pyakamaingi dokonya dii doko nyakama nakalyamipi? 2 Endakali* 2 Ko 3:2-3 waka dupame namba aposelena lao masala nayatamino kandawapi, nyakamame namba aposelena lao masilyamino. Doko, nyakama Kamongonya joo kalyamino dokome namba aposelena lao laitaka pilyamo.

3-4 Namba* Lu 8:2-3; 10:8; 1 Ko 9:13-14 yapengema endakali dupanya nambame dapa lao pii yanu pingi: nambame kalai pilyo kaita dokonya nee nao katatopi endaki nao katatopi doko kapa pata. 5 Aposele* Mt 8:14; 12:46; Jo 1:42; 1 Ko 7:7-8 yangi dupapi Kamongonya kaiminingi dutupapi Sipasapi dupame pingimali pyoo, nambame masoo miningi enda mende yokopyapala kaita tole payatambano doko kapa pata. 6 Akali* Ap 4:36; 18:3 Banapasa nalimba nee nalanya nalimba tange iki kalai pyoo nakatapenge. 7 Akali* 2 Ti 2:6 mendeme yanda singi joo katao oapi pingi dupa tange sambao tangeme tange yole pyoo kateana lapae doko apimi siamipi? Akali mendeme ee mende pokatala mandyuu nala nayana lapae doko apimi siamipi? Akali mendeme mena pulumakao longo minao pituu andu ipange nyoo nala nayana lapae doko apimi siamipi?

8 Endakali dupame pingi mana dupa iki nambame makande pyoo lelyoaka doko, Moseseme pii pepa piamo dokonya dopaka lapae silyamo. 9-10 Doko,* Dit 25:4; Lu 12:6,24; 1 Ti 5:18* 2 Ti 2:6 baanya pii dokonya, “Embame mena pulumakao* pulumakao Wamba Juta dupame wiisa dupa kepao nyepala yuu kyoto dupanya setengema-pyaa. Dopa petala pulumakao dupame wiisa dupa moko katao tambena lao pulumakao dupa watao wiisa-kisa dupanya katengema-pyaa. Tata mendapuame wiisa dii dupa natame lao masetala nengekaita dupa yaki pingimaka doko, Juta dupame yaki napingima-pyaa.wiisa dii moko katao tambelyamo dokonya nengekaita doko yaki pyoo tambombala nayape,” lapae silyamo. Doko, Goteme mena pulumakao dupa masetala dopa leape, pande naima masetala dopa leape? Kini, pii doko naima kandao lapae silyamo. Doko dapa: endakali mendeme ee pokalanya amatamopi dee endakali mendeme nee manditamopi dokome baa tange nee mendapua nyotoo lao masetala kalai pipenge. 11 Naimame* Lo 15:27 Gotenya epe dupa nyakamanya kaina dokonya wai pokeama. Dokonya naimame nyakama-kisa opale apalepi setamo dupa yapao manditamano kandao doko, etete andake jilyape? 12 Endakali* Ap 20:34-35; 1 Ko 4:12; 2 Ko 6:3; 11:9 waka dupame opale dupa nyakama-kisa nyetaminopa yaka jetamo kandao doko, naimame nyetamanopa etete yaka jeta.

Dopaka doko, naimame kapa pao nyepenge doko nyala naenya kayama. Naimame Kataisanya lao Wai Pii Epe doko kaita lyokala nayamana lao kenda pipae tata dupa pitaka mee nyoo kateama. 13 Losuu* Nam 18:8,31; Dit 18:1-3 anda andake dokonya kalai pilyami endakali dupame nyakama losuu anda andake dokonya-tae nee nengema. Dee olata toko dokonya kalai pilyami endakali dupame olata toko dokonya nee silya dupanya yangi nyoo nengema. Dopa pingima doko nyakamame masala naelyamipi? 14 Mendai* Mt 10:10; Lu 10:7-8; Ga 6:6 dopaka pyoo Wai Pii Epe lamaingi akali dupa Wai Pii Epe lamaingi dokonya Kamongome nee akipi nao katena lea.

15 Dopaka* Ap 18:3; 2 Ko 11:9-10 doko, namba kapa pao nyepenge dupanya mendaipi mende nyala nayo. Dee indupa nambame lelyo doko nyakamanya opale mende nyakatoo lao nalelyo. Etete daa. Nambame dopa napyanya kumapuli doko yaka. Endakali mendaipi mendeme namba luilyo tenge doko mee injisina lao nambame kayala nayapenge. 16 Wai* Jet 20:9; Ap 4:20; 9:15-16; 22:14-15; 26:16-18 Pii Epe doko lamaingi dokonya lamailyo latala namba luiyala nayapenge. Doko, nambame lamaipenge lamailyo. Wai Pii Epe doko lamaiya nayato kandao doko, namba-kisa kenda pipae koo ipata. 17 Nambame* 1 Ko 4:1; Ga 2:7 kalai pilyo doko namba tangeme yapao nyioli kandao doko, dokonya yole nyipuli. Dopaka doko, dopa daa. Goteme kalai doko nambame isoo pyakatale lao dia. 18 Dopana,* 2 Ko 11:7 nambanya kalai dokonya yole doko akipi? Nambame Wai Pii Epe doko endakali dupa lamaiyoo katenge kalai dokonya nambame kapa pao nyepenge dokonya mende tee laa nayao mee lamaingi doko nambanya yole.

19 Namba* Mt 20:26-27; 1 Ko 10:32-33; Ga 4:4-5 endakali mendenya kendemane joo nakalyo. Dopaka doko, nambame endakali longo lao lanyalanya namba tangeme endakali dupa pitakanya kendemane jingi. 20 Juta* Ap 21:20-26; Lo 11:14 endakali dupa-pipa kalyo dokopa, nambame dupa lanyalanya Juta endakali joo katenge. Namba tangeme mana setapae Goteme Mosese maiyamo dupanya pundipundi anjetae joo nakatenge. Dopaka doko, mana setapae dupanya pundipundi anjetae joo katenge endakali dupa-pipa kalyo dokopa, nambame dupa lanyalanya mana setapae dupanya pundipundi anjetae joo katenge. 21 Mana* Lo 2:12,14; Ga 2:3; 4:12 setapae dupa nasingi endakali dupa-pipa kalyo dokopa, nambame dupa lanyalanya mana setapae nasingi joo katenge. Nambame dopa lelyo doko Gotenya mana setapae dupa yakinengena lao nalelyo. Daa, nambame watao minao Kataisanya mana dokonya pundipundi katenge. 22 Dee* Lo 11:14; 15:1; 1 Ko 10:33; 2 Ko 11:29 masoo miningi endakali tambo lapae dupa-pipa kalyo dokopa, nambame dupa lanyalanya namba masoo miningi tambo lapae joo katenge. Nambame endakali mendapua pyoo nyepenge kaita seta dupa pitakanya pyoo nyotoo latala endakali dupa pitakanya mana dupa minao katenge. 23 Nambame Wai Pii Epe dokonya nyepenge dupa endakali waka dupa-pipa nyotoo latala Wai Pii Epe doko masetala dopa pingi.

24 Endakali* Ga 5:7; Pl 3:14; 2 Ti 4:7-8; Ip 12:1; Pa 2:10; 3:11 mendatupa mende nyoo maita pyaa pyaa pyoo alo pilyami dokonya dutupa pitakame alo pingiaka doko, mendaimi iki alo pyao ita minatala yole nyingi doko nyakamame masalapape. Dokaita doko nyakamame Gotenya yole doko nyemana lao puu lao alo pyalapape. 25 Alo* 2 Ti 2:4-5; 4:8; Je 1:12; 1 Pi 5:4 pyatama lao depa lao katenge endakali dupame nyakama tange dupa pitakanya auu pyoo isoo katengema doko yole koyapenge mende nyalanya pingima. Dopaka doko, naimame yole koyala nayapenge mende nyalanya dopa pingi. 26 Tenge* Lo 8:13; 13:14 dokonya minao nambame lita etao dokonya tolao alo pingi. Kini, tenge dokonyaka minao nambame kii momange yanda auu pyoo pingi. Nambame poo pyalya pyana napingi. 27 Daa, nambanya yongeme pyuani kaenge doko daa latala nambanya masingi doko watao pyoo katena lao kendemane injisingi. Nambame Wai Pii Epe doko endakali waka dupa lamaiyoo katatopa, tenda aopyoo latala Goteme nambaka watao pyatame latala dopa pingi.