1 Ra feiöch ir meinisin mi niuokusiti ewe Samol mi Lapalap,

chokewe mi aleasochisi an kewe allük.

2 Kopwe mongö uän angangen poum,

kopwe pwapwa o feiöch.

3 Pwülüom epwe wewe ngeni efoch irän wain mi fokun ua me lon imwom.

Noum kana repwe wewe ngeni fasaren ewe irä olif ünükün om chepel.

4 Iei usun feiöchün ewe mwän

mi niuokusiti ewe Samol mi Lapalap.

5 Ewe Samol mi Lapalap epwe afeiöchuk seni Sion.

Amwo kopwe küna feiöchün Jerusalem

lon ränin manauom meinisin.

6 Amwo kopwe küna nöün noum kana.

Kinamwe epwe nom won Israel.