3
Mo'ko kari'na etykanen Johanes
1 Moro jako ro mo'ko kari'na etykanen Johanes 'wa moro Judea wo'iry ta oty ekarory a'mo'po. Markus 1:1-8, Lukas 3:1-17, Johanes 1:6,19-34 2 Ika'po: “Ajemamyrykon u'matoko. Tamusi nundymary tyse waty terapa man.” Mateus 4:17, Markus 1:15 3 Mo'ko poko ro mo'ko Tamusi auran uku'ponenymbo Jesaja taurana man, moro ero wara tykary jako: Jesaja 40:3 (LXX)
Moro iponomyn wo'i ta amy ko'tatoto auran kynotanon: “Mo'ko Jopoto emary ika'toko. Sapatoro morokon emary ytoko.”
4 Johanes wo'my me kameri ypotymbo kapy'po kynakon. Ekundy me tonomy pi'pombo kapy'po kynakon. Kasapa erepary me kynakon wano maro. 2 Koningen 1:8 5 Mo'karon Jerusalem ponokon, pa'poro mo'karon Judea ponokon, pa'poro mo'karon Jordan po amandonon wo'to'konymbo kynakon i'wa. 6 Iwosetykapoto'konymbo kynakon moro Jordan tunary taka. Moro tatykarykon jako ro, pa'poro yja'wan me tywe'i'san ekari'topombo i'waine kynakon. 7 Pyime enapa Farise, Saduse wopy'san i'wa asetykapo. Ika'po i'waine: “Yja'wangonymbo 'ne roten, noky ko moro o'toto Tamusi erekuru wyino awetuwarikarykon man ekano'poi o'waine? Mateus 12:34, 23:33 8 Ajemamyrykon u'ma'po enepotoko. 9 Aturu'san ta te kykaton: ‘Abraham na'na tamurumbo me man.’ Wykaje irombo o'waine: Tamusi erokon topu kapyry taro man Abraham pajanymbo me. Johanes 8:33 10 Moro wywy tyje terapa man moro wewe undy po. Pa'poro epepo'non wewe akotory kynaitan. Wa'to taka ipapyry kynaitan. Mateus 7:19 11 Awu tuna ke katykaton moro ajemamyrykon u'ma'po enepoto'me.* Moro ‘u'ma'po enepoto'me’ y'petakan me ‘u'mato'me’ tywairy taro man. Mo'ko wena'po ta kyno'san inoro te yko'po pana'pe man. Isapatokanen me ywairy pairo supija. Mo'ko ro Tamusi a'kary ke ajetykata'ton, wa'to ke enapa. 12 Moro aresi pombokatopo irombo aina terapa man. Irombo moro aresi werikatopo a'metan. Irombo moro aresi kura'matan moro ikura'matopo auto ta. Moro iwerirymbo koro'katan te e'wutypyn wa'to ke.”
Jesus wosetykapory
13 Irombo Galilea wyino Jesus tunda'po moro Jordan 'wa Johanes 'wa asetykapo. Markus 1:9-11, Lukas 3:21-22, Johanes 1:32-34 14 Johanes te a'kotory 'se rypo kynakon. Ika'po i'wa: “O'wa te yjetykary manombo man. Irombo y'wa terapa mo'san?” 15 Jesus 'wa te ejuku'po: “Yjetykary kysa'kotoi. Pa'poro irombo Tamusi nisanory kapyry ky'waine man.” Morombo mero Johanes we'i'po ana'koto'pa noro. 16 Jesus etyka'po. Moro tuna wyino tu'tary akono mero, kapukon wendakary ene'po i'wa. Mo'ko Tamusi a'kary wony'tory ene'po i'wa amy akukuwa wara tytu'ponaka. 17 Irombo kapukon wyino amy auranano wota'po. Ika'po: “Mo'se ro, mo'ko nipynen ymuru mo'se man. Yturu'po ewa'pory me man.” Genesis 22:2, Ware 2:7, Jesaja 42:1, Mateus 12:18, 17:5, Markus 1:11, Lukas 9:35
3:1 Markus 1:1-8, Lukas 3:1-17, Johanes 1:6,19-34
3:2 Mateus 4:17, Markus 1:15
3:3 Jesaja 40:3 (LXX)
3:4 2 Koningen 1:8
3:7 Mateus 12:34, 23:33
3:9 Johanes 8:33
3:10 Mateus 7:19
*3:11 Moro ‘u'ma'po enepoto'me’ y'petakan me ‘u'mato'me’ tywairy taro man.
3:13 Markus 1:9-11, Lukas 3:21-22, Johanes 1:32-34
3:17 Genesis 22:2, Ware 2:7, Jesaja 42:1, Mateus 12:18, 17:5, Markus 1:11, Lukas 9:35