Ne caku te xet ita kam hàhhuc, mã hamre, pjê cunea kam ampo cunea tyc par, ne ampeaj kam prãm cati.

Na ri ma Joje wỳr mehcunea me pra, cute me ampo hy japrôr prãmte. Mã hanea ne ampỳa mã amehkrĩ atajê te hajỹar, ne me hapôj. Ne me cupê ihpore jamre par, mã cute me hõ parxa to, ihpore na me hàhpan kam mehtẽm, mãr quê ame to me hõ pê ampo hy japrô. Ne me cupê pryti jamre par, mã ma cute me hõ pjê to, ihpore na me hàhpan kam ihtẽm, ampo hy caxuw.

Pê Joje Paro mã ajco ampo itajê cunea japrôr to ipa. Mã hamre, Paro Ejit jõ pjê cunea to hõ tekjê ne to hõ pjê. Ne Joje pê ri me hõ pahhi catêjê jõ pahhi.