Sauga ana laoma kana yakasa
MK kana nuwa-mayale bwaimwa Muliya kabo Keliso sikabiyani.
Kaba gite bwaite. Tem tawaloba, “700 MK koina Kin Esekaya imiyamiya”, kana nuwa-mayale bwaite besiele, Kin Esekaya imiyamiya yo bolime 700 mulina mena kabo Yeisu Keliso sikabiyani. Yo nuwana tawaloba, “Kin Esekaya ana sauga miyamiya koina yo talaoma Yeisu Keliso ana kabi kana sauga koina bwaimwa bolime 700.”
Kaba gite labuina. Tem tawaloba, “1800 MK koina Yakobo imiyamiya” kana nuwa-mayale bwaite besiele, Yakobo imiyamiya (sauga bagubagunana koina) yo bolime 1800 mulina mena kabo Yeisu Keliso sikabiyani. Yo nuwana tawaloba, “Yakabo sauga imiyamiya koina yo talaoma Yeisu Keliso ana kabi kana sauga koina bwaimwa bolime 1800.”
Kaina Dimdim koina siwaloba BC (Before Christ), na kita tawaloba MK.
Sauga bagubaguna molosina koina
Tomo Isileli (Yudiya) tubuliyao bagubagunali ali sauga miyamiya
Yosepa silawan Itipita yo muli mena kabo ana susu silau
Tomo Isileli simiyamiya Itipita yo ali boda idebalala
Yaubada yanuwa yaulina iyamayale
Adama te Ibe
Doga lalakina Nowa ana sauga mena
Babele Nume Malamalawena
Abelamo me wainena Sela simiyamiya
Aisake imiyamiya
Yakobo imiyamiya
Yakobo natunao yoli tuwelo simiyamiya
Tomo Itipita tomo Isileli siyakamkamnali
Tomo Isileli siyawatagili Itipita koina yo silolokeikeile ule bwagabwaga mena
Silusae Kenani yo sikalai ali bwatano
Tomo Isileli luwali mena toloinao sitolo yo sibaguna-yagili
Boda Isileli me ali kin kaigeda
Tomo Isileli siyakasa boda labui kolili
1. Bodane teya yavana mena esana sipei Yuda (boda labui (2), ali kaba tapwalolo yakato Yelusalema koina)
2. Bodane teya kaluwabu mena esana sipei Isileli (boda sanaulu (10), ali kaba tapwalolo yakato Sameliya koina)
Boda esana tomo Asiliya silaoma yo Isileli bodane kaluwabu mena sikaleya kolili
Asiliya Isileline sikaiwe-gabaegili, sibaibaiwa siunu-yamateli na tupwaliyao sikabi-kalatagili silawagili Asiliya dedeina mena
Babiloni silaoma sikaleya Isileli bodane yavana mena yo tomo sibaibaiwa silawagili Babiloni
Babiloni Yelusalema sikwayai yo sisibayanae
Tomo Isileli simiya-taumana Babiloni yo loina kaikaiwena yaulina mena simiyamiya
Pesiya Babiloni sikwayai yo siloinayagili
Tomo Isileli tupwali siyatubu sipileyoi ali yanuwa
Mosese imiyamiya
Yosuwa imiyamiya
Gidion imiyamiya
Samison imiyamiya
Samuela imiyamiya
Kin Saulo imiyamiya
Kin Deibida imiyamiya
Kin Solomoni imiyamiya
Palopita Ilaitiya imiyamiya
Kin Eyabi imiyamiya
Palopita Ilaisa imiyamiya
Palopita Yona imiyamiya
Palopita Aiseya imiyamiya
Kin Esekaya imiyamiya
Kin Yosaiya imiyamiya
Palopita Yelemaiya imiyamiya
Palopita Isikeli imiyamiya
Palopita Daneila imiyamiya
Tomo Isileli sibaibaiwa sipileyoi ali yanuwa na sikabi-waluiyoi
Yelusalema kana gana veku lalakina siyatoloyoi
Tomo Isileli sibomayoi siloiloinayagili
Kin Alekisanda tomo Giliki ibagunayagili silaoma sikaleya tomo Isileli sikaiwe-gabaegili siloinayagili
Boda yabo esana Tolomi, siya Giliki tomoliyao simiyamiya Itipita yo tomo Isileli siloiloinayagili
Boda yabo esana Selusid, siya Giliki tomoliyao simiyamiya dedei Siliya yo tomo Isileli siloiloinayagili
Tomo Isileli yabo esana Yudasa Makabiyus me ana bodao tomo Siliya sitawoili na tomo Isileli sibomayoi siloinayagili
Tomo Loma Yelusalema sikwayai kabo tomo Isileli bwaimwa tomo Yudiya siloinayagili
Yeisu Keliso ana sauga mena
Loma Yudiya siunuyamateli yo ali Nume Tabu Yelusalema koina sisibayanae
(Tomo Yudiya simiya-taumana yanuwa uloili kolili sauga imamalawe koina kanasiga bolime 1948 kabo sibaibaiwa sipileyoi ali yanuwa mena Isileli)
Esila imiyamiya
Niyemaya imiyamiya
Palopita Malakai imiyamiya
Yoni Toyababitaiso imiyamiya
Paulo imiyamiya
Yoni imiyamiya bwanabwana esana Patimo koina
Bwaite koina ala sauga ana laoma kana yakasa ana kaba mwawasi. Na mulina mena ginauli tupwaliyao siyawatagili bwaite besiele
Bolime 300 Yeisu Keliso ana boita mulina mena kabo Loma ali kin iyamala tomeli yabo. Iya esana Konstantin.
Bolime 400 Yeisu Keliso ana boita mulina mena kabo Loma ali kaiwe imwawasi.
Bolime 500 Yeisu Keliso ana boita mulina mena kabo tomo Ingilandi siyamala tomeliwo.
Bolime 1380 Buki Tabu sibui Kaina Dimdim koina.
Bolime 1500 Martin Luther imiyamiya.
Bolime 1778 tomo Ingilandi sibaibaiwa silau Ositeleliya simiyamiya.
Bolime 1891 Dr Bromilow ilau Dobu.
Bolime 1892 Mr Field ilau Tubetube yo Samoa silau Ware.
Bolime 1939-1945 Yanuwa yaulina sikaleya lalakina (WW2).
Bolime 1948 Yanuwa Isileli iyatubu yoi yo tomo Yudiya sibaibaiwa sipileyoi ali yanuwa.
Bolime 1975 Papuwa Niu Gini tabomayoi taloinayagila.