6
Yaubada Isaiya ya Yogai Bena Ena Liba Tau Lawenina
Isaiya 6:1-8
1 Kin Usaiya ena peꞌi bolimanna ganahewana yai Guyau E ita. Ena aba taꞌai namanamalina yai ya taꞌataꞌai, ya hasai wananaha yo ena leli mate ya lofa be Dubu Tabuna ya famohafu. 2 Ginauli mwahumwahulidi hesadi Selafim mate sa ala balebalelem. Guyau sa mwaito fataꞌiꞌili. Hesa - hesa mate mabena faligigi esega: Mabe luwaga mate nenedi aba fakouna, mabe luwaga mate taudi* Buka haisa ahedi sa uli. aba fakouna na luwaga mate edi aba lofolofo. 3 Sa faifaiyoga lau hesa - hesa lisina, tiyen,
Tabuna, Tabuna, Tabuna!
Yaubada Hewa Wananaha yai mate tabuna.
Ena namanamali tanoꞌubu mahudoꞌina ya nuhuli.
4 Alinadi dagugudi yai mate Dubu paꞌana ya tuhutuhu, yo Dubu mate gafu ya famohafu.
5 Yawa,
“Aiyui! Haba E kamkamna paꞌana liba mahudoꞌidi E libaedi sopagu yai mate heyaya aꞌafa, yo dodoga mahudoꞌidi maidagu ꞌe miya esega, edi liba hinaga sa heyaya. In moho matagu luwaga yai Baꞌisa, Guyau Tau Gigibwali, E ita!”
6 Na habahim Selafim hesa ya lofo lidi lebegu. Antalasam aba suwasuwa yai, maniꞌona ya fakapu hafiti, na ya suwa lawen.
7 Oyagi maniꞌona, sopagu ya faꞌeliꞌona na iyen, “Ginauli te haꞌa sopam ya eliꞌona, be aho te em heyaheyaya sa ofi, yo em heyaheyaya haꞌa Yaubada ya nuwa afuledi.”
8 Habahim Yaubada alinana E atahi iyen,
Sai haba E dui? Sai haba egu wasa ya lawen?
Alinana E bui fuyoi, yawa,
Yau ma! U duigu!