31
Liba Famahata
Habahim Deiwidi ya alasimo nuꞌu hahaisa tanohi sa fataꞌiꞌili lebedi yai. Tatau pelena ya faꞌoiꞌesegahidi be ya famala tau foyahidi. Ahimeleki mate Deiwidi ya saguhi na wasana Saulo ya atahiyen mate tau antalasam mahudoꞌidi ya wunuidi na Abiyata moho ibona ya gela lau Deiwidi lisina. Fuyana tau hiyala haisa iti taꞌowawa dodogadi Isalaela sa hiyalaidi mate Deiwidi yo maꞌena tatau hinaga sa luluidi yo Isalaela sa itaꞌita watandi hinaga. Saulo maꞌena tau hiyala tefa mahudoꞌina sa yoꞌo taꞌiꞌili bena sidohana Deiwidi sa lobahi be sa wunui na hige ti lobahi. Fuya hesa Deiwidi egoba haꞌa Saulo i wunui in moho, faheyayana ya ꞌwaiyoꞌo paꞌana Guyau ya fasinabo kin. In moho, Saulo hola ya anꞌanpate bena Deiwidi ya wunui.
Saulo ya Wunu Fuyoi
1 Samuwela 31:1-5
1 Fuyanna yai mate Filisitani, Isalaela sa hiyalaidi Giliboa Tuꞌana yai. Isalaela tau hiyala sa gelagela na Filisitani sa weꞌa watanidi be boludi sa wunuidi. 2 Filisitani, Saulo ma nanatuna sa falakodi be nanatuna: Diyonatan, Abinadabi yo Malikisua sa wunuidi.
3 Saulo sa gana fataꞌiꞌili be hiyala mate ya heyaya wananaha. Ana waiyunu kukupidu yai sa gwali be omatana ya kamkamna heyaya.
4 Saulo ena heti yo mada tau baheina ya faliba iyen,
Em baineti u solu fahi be u gwali funuhigu, doꞌata Filisitani dodogadi* Hebelu alinadi yai iyen, “mwagisa duduna ꞌwapina tomotomo gesa dodogadi.” sa lau faliuhwaꞌegu yo sa gwali funuhigu.
In moho, ena heti tau baheina ya ꞌwasabu be hige i wunui, yo fede, Saulo ena baineti ya abi be ibona ya siho fuyoi.
5 Heti tau baheina Saulo ya ita ya peꞌi, yo fede in hinaga ena baineti yai ya siho fuyoi be hinaga ya peꞌi.