12
Niipoturu yaŋ
1 Yoo baat ki niib saa yin yaŋ a,
“N dontira, Yennu. A wutoor bo doo n paake,
ŋaan mɔtana a maan n para, ki a wutoor bia ji ki do.
2 Yennu-e tee n tinntɔɔ, n saa teen ŋɔɔe yada,
ki kan tin jaŋmaanii.
Yennu-e teenin yiikoo nan paŋ, ŋɔɔe tee n tinntɔɔ.
3 Nyunmaasin nba baat nan kpinkpammuk
kunkɔkoonn paak biaŋinba na,
nnae ki Yennu niib tuu kpamm, yoo nba ki Yennu tinnib.”
4 Daar baate ki niib saa yin yaŋ na a, “Turin Yennu niipoouk.
Yiintɔ ki wun somma. Pakin digbana kur, waa tun linba.
Wantib u yiikoo nba jan.
5 Yinin ki dont Yennu, kimaan waa tun toonjaana nba na paak.
Ŋaant durinya munn n gbat li labaar.
6 Ŋaant ki wunba be Sayɔnn kur-ii hoot kii yiin,
kimaan ŋamm Israel teeb kasii Yennu mɔk yiikoo,
ki be u niib boor.”