49
Yawe God yana tamariyana
3 Yawe God iwonegu bo, “Isrel, tam na yagu tamariyana,
basuna tamve na wawaya yagu kiniwa kiiravine na sinakabepepigu.”
5 Muriye da sinagunaki raparapanama ayakanibu,
na Yawe God ivineyigu da yana tamariyana.
Mmko ibera na kiiravine yana wawaya
iyakabiwiiveramayidi touna wosina biidi,
bi Isrel damdi iyakasiwiitaghoma mayedi touna wosina biidi.
Yawe God ikabikarawayena kirakiiyegu,
da touna na yagu maragata kayena.
6 Isa 42:6; Acts 26:23, 13:47Yawe God iwonegu bo, “Tam yagu tamariyana
bi bagibagi averem da kunabera, bi mmkona bagibagi gisina,
Jeikap kana dam kitaghoma mayedi bi
Isrel damdi kabiwiiveramayiidi iiyawogha aviyawiidina.
Na kata anaberam da tam na yeghana maghatara damdi biiyadi,
bi wawaya tupadi kubura debane kunawonedi
da tagu aniyawiidi.”
14 Bi wawaya Jerusalem kamone siwona bo,
“Yawe God ikuyoveda, touna ivinuwawapida.”
15 Na Yawe God iwona bo, “Rubana sinada natuna waghata sususuna ininuwawapi,
bi geininuwayuyuneni da touna ivitubuyi?
Meboda sinada natuna ininuwawapi
bi Tagu kate geaninuwawapimina!”