19 Yawe God, kate bada Mosis iwonena mayeni bo, “Isrel damdi kuwonedi da iiyabo wawaya iniruberowaneni, na awaki ibera, na mayimayiyina touna biidi konabera. 20 Meboda irikena inakasigiini, na touna bada mayimayiyina konabera da irikena tana konakasigiini. Bi meboda wawaya matana tana inibero, na mayimayiyina touna bada naboni matana tana kovibero. Bi meboda wawaya nighona tana inakasirige, na mayimayiyina touna bada naboni nighona tana kokasirige. Wawaya iiyabo nokodi bera berodi naboni inabera, na mayimayiyina bada bera berodi naboni touna biidi konabera. 21 Iiyabo wawaya tana yana ribiribi inakasunuyi, na inimiisana da initaparari. Bi iiyabo wawaya tana inakasunuyi, na mayimayiyina touna bada kokasunuyi.

22 Tagu na Yawe yami God, noko biidi mmkodi gwara na tami tupami kiiravimiye, Isrel dammi da kate kubura wiibata damdi iiyawogha kamomiye samakamakena.”